357 total views
Pormal ng sinimulan ng Diocese of Maasin ang paglulunsad ng Alay Kapwa program sa Visayas region.
Pinangunahan ni Diocese of Maasin Bishop Precioso Cantillas ang pagbati sa may 600 delegado mula sa 16 na Diyosesis sa Visayas kung saan kanyang ipinahayag ang kagalakan ng kanilang diyosesis na manguna sa ginagawa ngayon pagtitipon.
Ipinaliwanag naman ni Fr. Edu Gariguez, executive secretary.ng NASSA/Caritas Phillippines ang kahalagahan ng Alay Kapwa at kung bakit ito ginagawa ng Simbahan.
Ayon kay Fr. Gariguez, ang Alay Kapwa ay bahagi ng misyon ng mga katoliko upang magbahagi ng atin mga sarili sa atin kapwa na nangngailangan lalo na ang mga mahihirap.
“Bakit dapat mag-alay kapwa? Ang atin pananagutan sa mahihirap ay makikita natin ang kristiyanong responsibilidad. Ito ay pananagutan natin lahat na kristiyano, ito ay mandato mula sa ebanghelyo, passion and love for the poor.” Pahayag ni Fr. Gariguez sa panayam ng Radyo Veritas.
Inaasahan na ang pondo na malilikom para sa Alay Kapwa ay ilalaan sa pangangailangan ng Simbahan na tumugon sa oras ng kalamidad at iba pang Social services.
Batay sa datos ng Nassa/Caritas Ph, umabot sa P4 na milyono ang pondo na kanilang nakalap mula sa Alay Kapwa Program noong taong 2015.
Isa sa mga natulungan ng Alay Kapwa Program ay ang mga naapektuhan ng pananalasa ng bagyong Nona noong December ng 2015 kung saan P2 milyon ang inilaan ng Simbahang Katolika sa 5 apektadong diyosesis.
