128 total views
Kinakailangan may kakayahan na mapag-isa ang sambayanang Filipino, inspirational leader at may political will.
Ayon kay Fr. Jerome Secillano, CBCP Episcopal Commission on Public Affairs executive secretary, ang mga karakter na ito ang dapat tingnan ng taong-bayan sa kanilang pagboto sa May 9, 2016 national and local elections.
Pahayag pa ng pari, dapat din na ang magiging susunod na leader ng bansa ay maka-mahirap kung saan ang nakararami ang kanyang bibigyang bigat kumpara sa iba pang stakeholders.
“We challenge the politicians na sana isantabi nila ang interest ng mga stakeholder na ito na mas ibigay sa mas nakakarami, sila yung mga dukha yan naman ang mga helpless na walang magawa, sila yung mayroong ina-advocate pero naisasantabi, dapat nating tingnan sa kandidato na kaya ba niya i-unite yung lahat ng interest ng stakeholder o synergy, pwede ba siya inpirasyon sa iba sa lahat, inspirational leader, at may political will, not necessarily kamay na bakal pero may kakayahan siya na i-deliver ang kanyang plataporma na ipinangako niya sa publiko.” Ayon pa sa pari.
Sinabi pa ng pari na lahat ng mga kandidato may kanya-kanyang plataporma na inilalatag sa publiko upang makuha ang kanilang boto subalit kapag naluklok na sila sa posisyon, hirap na silang ipatupad ito dahil sa kanya-kanya ang concern ng bawat stakeholders.
“Mahalaga sinabi nyo lahat porma, maganda din sana mga kandidato meron silang ipiprisinta sa toang bayan habang nangangailangan ng boto ng taong bayan, problema pano nila isasakataparan ang mga plataporma na ito, at ito ang usual na kulang sa kanila lalo na kapag nahalal na sila, kulang sa implementasyon at pagpapatotoo. Marami factors na dapat isaalang alang, kapag ang Pangulo nahalal na maraming stakeholders ang iko-consider, nung kumakandidato siya malinaw na ang direksyon na tatahakin ng bansa at mga proyektong ilalatag sa taong baya, sa implementasyon marami ang humaharang andiyan ang Congress, Korte Suprema, business sector etc kaya di ganun kadali na patotohanan mo mga plano mo, ngunit dapat makita na kung ang plano mo makaktulong sa taong bayan, ang stakeholders di naman haharang yan para talagang ma-implement o maging totoo ang mga balak mo para sa bansa, pero tinitingnan din kasi bawat stakeholder ay kanya kanyang interest, like maliliit na tao, ay hindi interes ng mga pulitiko, private sector, business sector ay hindi yan para sa taong bayan so nagkalalo-labo na, “ ayon kay Fr. Secillano sa panayam ng Radyo Veritas.
Sa usapin ng pagiging maka-Diyos, ayon kay Fr. Secillano, mahirap itong gawing basehan lalo na ngayon na maraming kandidato ang ginagamit ang Diyos sa kanilang pangangampanya gaya ng pagsisimba upang ipakita sa publiko na siya ay maka-Diyos.
Nasa 18,000 ang elective positions ng May 2016 elections habang nasa 54.6 milyon ang registered voters nito, maliban pa ang 1.6 milyon na absentee voters na overseas Filipino workers.
