172,256 total views
Ika-14 na Linggo sa Karaniwang Panahon (B)
Ezekiel 2, 2-5
Salmo 122, 1-2a. 2bkd. 3-4
Mata namiโy nakatuon
sa awa ng Panginoon.
2 Corinto 12, 7-10
Marcos 6, 1-6
Fourteenth Sunday in Ordinary Timeย (Green)
UNANG PAGBASA
Ezekiel 2, 2-5
Pagbasa mula sa aklat ni propeta Ezekiel
Noong mga araw na iyon, nilukuban ako ng Espiritu at itinayo ako upang pakinggan ang isang tinig na nagsasabi: โTao, susuguin kita sa Israel, sa bansang suwail. Pagkat mula sa kanilang ninuno, naghihimagsik na sila sa akin hanggang ngayon. Matigas ang kanilang ulo at walang pitagan. Kaya puntahan mo sila at sabihin mong ito ang ipinasasabi ng Panginoong Diyos. Sa makinig sila o sa hindi โ pagkat matigas nga ang kanilang ulo โ malalaman nilang may isang propeta sa gitna nila.โ
Ang Salita ng Diyos.
SALMONG TUGUNAN
Salmo 122, 1-2a. 2bkd. 3-4
Mata namiโy nakatuon
sa awa ng Panginoon.
Ang aking pangmasid doon nakapukol,
sa luklukang trono mo, O Panginoon.
Tulad koโy aliping ang inaasahan
ay ang amo niya para matulungan.
Mata namiโy nakatuon
sa awa ng Panginoon.
Kaya walang humpay ang aming tiwala,
hanggang ikaw, Poon, sa amiโy maawa.
Mahabag ka sana, kamiโy kaawaan,
labis na ang hirap naming tinataglay.
Mata namiโy nakatuon
sa awa ng Panginoon.
Kamiโy hinahamak ng mga mayaman,
matagal na kaming laging inuuyam
ng mapang-aliping palaloโt mayabang.
Mata namiโy nakatuon
sa awa ng Panginoon.
IKALAWANG PAGBASA
2 Corinto 12, 7-10
Pagbasa mula sa ikalawang sulat ni Apostol San Pablo sa mga taga-Corinto
Mga kapatid, para hindi ko ipagyabang ang kamangha-manghang pahayag ng Diyos sa akin, akoโy binigyan ng isang kapansanan sa katawan na nagsisilbing pamalo ni Satanas upang huwag akong magpalalo. Tatlong beses kong idinalangin sa Panginoon na alisin ito, ngunit ganito ang kanyang sagot, โAng tulong koโy sapat sa lahat ng pangangailangan mo; lalong nahahayag ang aking kapangyarihan kung ikaw ay mahina.โ Kayaโt buong galak na ipagmamapuri ko ang aking kahinaan upang palakasin ako ng kapangyarihan ni Kristo. Dahil kay Kristo, walang halaga sa akin kung ako maโy mahina, kutyain, pahirapan, usigin, at magtiis. Sapagkat kung kailan ako mahina, saka naman ako malakas.
Ang Salita ng Diyos.
ALELUYA
Lucas 4, 18
Aleluya! Aleluya!
Ikaw, Kristo ay sinugo
upang sa dukhaโy magturo,
magpalaya sa bilanggo.
Aleluya! Aleluya!
MABUTING BALITA
Marcos 6, 1-6
Ang Mabuting Balita ng Panginoon ayon kay San Marcos
Noong panahong iyon, si Hesus ay nagtungo sa sariling bayan, kasama ang kanyang mga alagad. Pagdating ng Araw ng Pamamahinga, nagturo siya sa sinagoga. Nagtaka ang maraming nakarinig sa kanya at nagtanong, โSaan niya nakuha ang lahat ng iyan? Anong karunungan itong ipinagkaloob sa kanya? Paano siya nakagagawa ng mga kababalaghan? Hindi ba ito ang karpinterong anak ni Maria, at kapatid nina Santiago, Jose, Judas, at Simon? Dito nakatira ang kanyang mga kapatid na babae, hindi ba?โ At siyaโy ayaw nilang kilanlin. Kayaโt sinabi ni Hesus sa kanila, โAng propetaโy iginagalang ng lahat, liban lamang ng kanyang mga kababayan, mga kamag-anak, at mga kasambahay.โ Hindi siya nakagawa ng anumang kababalaghan doon, maliban sa pagpapatong ng kanyang kamay sa ilang maysakit upang pagalingin ang mga ito. Nagtaka siya sapagkat hindi sila sumampalataya.
Ang Mabuting Balita ng Panginoon.
PANALANGIN NG BAYAN
Ika-14 na Linggo sa Karaniwang Panahon (B)
Malinaw na palatandaan ng pagmamahal ng Diyos sa Kanyang bayan ang mga propeta. Kailangan natin sila ngayon tulad noong una. Ipanalangin natin ang lahat ng tinatawag sa ganitong uri ng paglilingkod sa ating panahon:
Panginoon, dinggin Mo ang aming panalangin!
Nawaโy ang Simbahang Katolika ay maging tapat, maging walang takot o pag-aalinlangan sa kanyang tungkulin bilang propeta sa daigdig. Manalangin tayo!
Nawaโy ang mensahe ng mga propeta noong araw ay maiangkop sa ating kalagayan ngayon at mapagbunga ng pagbabalik-loob at kabutihan. Manalangin tayo!
Nawaโy lumago ang tunay na propesiya sa Simbahan at kilalanin ng kanyang mga pinuno at mga mananampalataya. Manalangin tayo!
Nawaโy ang mga nahirang sa paglilingkod bilang propeta ngayon ay di mangamba sa hamon
sa kanilang misyon o sa banta ng pagtatakwil. Manalangin tayo!
Nawaโy ang mga nahirang sa paglilingkod bilang propeta ay mamuhay nang alinsunod sa mensaheng kanilang ipinangangaral. Manalangin tayo!
Nawaโy lahat ng tumatanggap ng Sakramento ng Pagpapahid ng Langis, kasama ng kanilang mga mahal sa buhay, ay makapagkamit ng kapangyarihan ng Panginoon at maging tanda nawa sila ng habag at pag-asa para sa lahat. Manalangin tayo!
Panginoong Diyos, padalhan Mo kami ng marami at karapat-dapat na mga propeta para malinaw naming makilala ang Iyong kalooban at tupdin itong tapat sa pamamagitan ni Kristo na aming Panginoon.
Amen!
