50,675 total views
Ibaba sa 20-pesos kada kilo ang presyo ng bigas… Ito ang naging pangako ng Pangulong Ferdinand Marcos Jr., sa mga Pilipino tatlong taon na ang nakalipas. Posible o imposible ba itong makamit, Kapanalig? Natural bago maibaba sa 20-pesos ang presyo ng bigas mula sa 60-pesos kada kilo, kailangan itong i-subsidies ng gobyerno. Ang gagamiting subsidy ay galing din sa taumbayan.
Sabihin nating totoo at dalisay ang hangarin… ang programa ni PBBM para sa mga Pilipino, ngunit hindi nakinabang ang maralitang Pilipino lalu na ang mga magsasaka sa 20-peso rice program. Bagkus hindi pa natutupad sa nakalipas na tatlong taon ang programa., naging “milking cow” na ang programa ng mga opisyal ng gobyerno, mga rice cartel., mga pulitiko.,mga negosyante., mga importer ng bigas., at mga rice smugglers.
Kapanalig, ginawa naman daw ng administrasyong Marcos ang lahat..una sa pamamagitan ng subsidy na hindi nagtagumpay., nasundan ito ng bago.. -ang pagdeklara ng ‘national rice emergency’ na naglalayong payagan ang National Food Authority (NFA) na ibenta sa mga pamilihan ang inaamag na tone-toneladang bigas sa kanilang mga bodega. Bigo na naman ang solusyon, hindi naman bumaba sa 35-pesos ang presyo ng bigas kada kilo. May nabibili namang tingi-tinging NFA rice sa halagang 35-pesos sa iilang KADIWA stores na subsidies ng pamahalaan.. Iilan lang ang nabibiyayaan nito? Kaya palpak na naman ang programa.
Kapag pera ang pag-uusapan Kapanalig, ang programa kahit palpak ay ipipilit pa rin, gagawa pa rin ng paraan… pera naman ng bayan ang gagastusin, walang problema basta may nakinabang.
Siempre Kapanalig, marubdob ang hangarin..dapat maibaba sa 20-pesos ang kilo ng bigas. Nilagdaan ng pangulong Marcos at ipinatupad noong June 2024 ang Executive Order (EO) 62, na nag-aatas ng “tariff cut” sa imported na bigas at iba pang piling agri-products. Mula sa 35-percent na singil sa import tariff sa bigas ay ibinaba ito sa 15-percent. Dahil sa EO 62, naging unlimited na ang importasyon ng bigas. Ang resulta Kapanalig, bigo na naman na maibaba sa 20-pesos ang presyo ng bigas sa mga pamilihan sa buong bansa. Sinasabing ang EO 62 ay pag-amin ng administrasyong Marcos na bigo at naging palpak ang deklarasyon ng national rice emergency. Sa simula pa lamang, palpak na ang ideya, kaya palpak din ang programa.. Bukod dito, isinabatas din ang Republic Act (RA) No. 12078, o ang kontrobersiyal na amended Rice Tariffication Act. Sa ilalim ng batas, 30-bilyong piso kada taon ang inilalaan para sa Rice Competitiveness Enhancement Fund (RCEF). Nasaan napunta ang bilyong piso budget?
Tatlong taon, bago ang 2025 midterm elections nitong May 12, 2025., personal na ilunsad ni PBBM ang 20-peso rice program..Gagamitin sa bagong gimik ang 4.5-bilyong pisong contingency fund ng Office of the President sa programa, ang problema…short term lamang ito, kalahating taon? Ang target ay sa rehiyon ng Visayas at Mindanao..
Kapanalig, nagpapaliwanag na si PBBM… inamin niya mismo ang mga dahilan kung bakit nabigo ang kanyang 20-peso rice promise sa mga Pilipino.,Isinisi sa kabiguan ang tinagurian niyang “spoiled government officials na walang ginawa kundi mag-import nang mag-import ng bigas..Ilan sa importasyon ay legal at mayroon namang iligal.. kabilang din ang smuggling.
Kapanalig, ang kasamaan, ang kasakiman sa salapi ay mayroong hangganan.. Sinasabi ng “Galatians 6:8”.,because the person who sows to his own flesh will reap corruption from the flesh, but the one who sows to the Spirit will reap eternal life from the Spirit.
Sumainyo ang katotohanan.
