2,893 total views
Biyernes sa Ika-3 Linggo ng Apatnapung Araw na Paghahanda
Oseas 14, 2-10
Salmo 80, 6k-8a. 8bk-9. 10-11ab. 14 at 17
Tinig koโy iyong pakinggan,
ang sabi ng Poong mahal.
Marcos 12, 28b-34
Friday of the Third Week of Lentย (Violet)
UNANG PAGBASA
Oseas 14, 2-10
Pagbasa mula sa aklat ni propeta Oseas
Ito ang sabi ng Panginoon: โIsrael, manumbalik ka na sa Panginoon na iyong Diyos. Ang pagbagsak mo ay bunga ng iyong kasamaan.โ Dalhin ninyo ang inyong kahilingan, lumapit kayo sa Panginoon at sabihin ninyo, โPatawarin mo na kami. Kamiโy iyong kahabagan at tanggapin. Maghahandog kami sa iyo ng pagpupuri. Hindi kami mailigtas ng Asiria, hindi kami sasakay sa mga kabayo. Hindi na namin tatawaging diyos ang mga larawang ginawa lamang ng aming mga kamay. Sa iyo lamang makatatagpo ng awa ang mga ulila.โ
Sabi ng Panginoon, โPatatawarin ko na ang aking bayan.
Mamahalin ko sila nang walang katapusan,
sapagkat mapapawi na ang aking galit.
Akoโy matutulad sa hamog na magpapasariwa sa Israel,
at mamumulaklak siyang gaya ng liryo,
mag-uugat na tulad ng matibay na punongkahoy;
dadami ang kanyang mga sanga,
gaganda siyang tulad ng puno ng olibo,
at hahalimuyak gaya ng Libano.
Magbabalik sila at tatahan sa ilalim ng aking kalinga.
Silaโy yayabong na gaya ng isang halamanan,
mamumulaklak na parang punong ubas,
at ang bangoโy katulad ng alak mula sa Libano.
Efraim, lumayo ka na sa mga diyus-diyosan!
Ako lamang ang tumutugon at nagbabantay sa iyo.
Akoโy katulad ng sipres na laging luntian,
at mula sa akin ang iyong bunga.โ
Ang mga bagay na itoโy dapat unawain ng matalino, at dapat mabatid ng marunong. Matuwid ang mga daan ng Panginoon, at doon tumatahak ang mabubuti, ngunit madarapa ang mangangahas na sumuway.
Ang Salita ng Diyos.
SALMONG TUGUNAN
Salmo 80, 6k-8a. 8bk-9. 10-11ab. 14 at 17
Tinig koโy iyong pakinggan,
ang sabi ng Poong mahal.
Sa paglabas namin sa bansang mabagsik,
ganito ang wika na aking narinig:
โMabigat mong dalaโy aking iniibis,
ipinababa ko ang pasaning basket.
Iniligtas kita sa gitna ng hirap,
iniligtas kita nang ikaโy tumawag.
Tinig koโy iyong pakinggan,
ang sabi ng Poong mahal.
Tinugon din kita sa gitna ng kidlat,
at sinubok kita sa Batis Meriba.
Kapag nangungusap, akoโy inyong dinggin,
sanaโy makinig ka, O bansang Israel.
Tinig koโy iyong pakinggan,
ang sabi ng Poong mahal.
Ang diyus-diyosaโy huwag mong paglingkuran,
diyos ng ibang bansaโy di dapat luhuran.
Akoโy Panginoon, ako ang Diyos mo,
Ako ang tumubos sa โyo sa Egipto.
Tinig koโy iyong pakinggan,
ang sabi ng Poong mahal.
Ang tangi kong hangad, sana akoโy sundin,
sundin ang utos ko ng bayang Israel;
ang lalong mabuting bunga nitong trigo,
ang siyang sa inyoโy ipapakain ko;
at ang gusto ninyong masarap na pulot,
ang siya sa inyoโy aking idudulot.
Tinig koโy iyong pakinggan,
ang sabi ng Poong mahal.
AWIT-PAMBUNGAD SA MABUTING BALITA
Mateo 4, 17
Sinabi ng Poong mahal:
โKasalanan ay talikdan,
pagsuway ay pagsisihan;
maghahari nang lubusan
ang Poong Dโyos na Maykapal.โ
MABUTING BALITA
Marcos 12, 28b-34
Ang Mabuting Balita ng Panginoon ayon kay San Marcos
Noong panahong iyon, lumapit ang isa sa mga eskriba kay Hesus at tinanong siya, โAlin pong utos ang pinakamahalaga?โ Sumagot si Hesus, โIto ang pinakamahalagang utos, โPakinggan mo, Israel! Ang Panginoon na ating Diyos โ siya lamang ang Panginoon. Ibigin mo ang Panginoon mong Diyos nang buong puso, nang buong kaluluwa, nang buong pag-iisip, at nang buong lakas.โ Ito naman ang pangalawa, โIbigin mo ang iyong kapwa gaya ng iyong sarili.โ Wala nang ibang utos na hihigit pa sa mga ito.โ โTama po, Guro!โ wika ng eskriba. โTotoo ang sinabi ninyo. Iisa ang Diyos at wala nang iba liban sa kanya. At ang umibig sa kanya nang buong puso, buong pag-iisip, at buong lakas, at ang umibig sa kapwa gaya ng kanyang sarili ay higit na mahalaga kaysa magdala ng lahat ng handog na susunugin, at iba pang mga hain.โ Nakita ni Hesus na matalino ang kanyang sagot, kayaโt sinabi niya, โMalapit ka nang mapabilang sa mga pinaghaharian ng Diyos.โ At wala nang nangahas magtanong kay Hesus mula noon.
Ang Mabuting Balita ng Panginoon.
PANALANGIN NG BAYAN
Ikatlong Linggo ng Kuwaresma
Biyernes
Manalangin tayo sa Diyos Ama na pukawin ng kanyang pag-ibig ang lahat at ang kanyang pag-ibig ay matatak sa ating pakikitungo sa bawat tao.
Panginoon, dinggin Mo ang aming panalangin.
o kaya
Panginoong Diyos, palaguin Mo kami sa Iyong pag-ibig.
Ang Simbahan nawaโy hindi kailanman tumigil sa pagpapahayag ng pag-ibig sa Diyos at sa kapwa bilang puso ng Ebanghelyo, manalangin tayo sa Panginoon.
Atin nawang huwag kaligtaan kailanman ang magpadama ng habag sa mga kapuspalad, sa mga walang nagmamahal at mga nangangailangan, manalangin tayo sa Panginoon.
Atin nawang pakitunguhan ang bawat tao nang may kabutihang-loob at paggalang, manalangin tayo sa Panginoon.
Sa mga maysakit at matatanda nawaโy magkaroon tayo ng higit na habag sa pamamagitan ng banayad na pagpukaw ng Espiritu Santo, manalangin tayo sa Panginoon.
Ang ating yumaong mga mahal sa buhay, nawaโy ihatid ni Kristo sa kanyang walang hanggang Kaharian, manalangin tayo sa Panginoon.
Ama naming Diyos, tulungan mo kaming ibigin ka at ang aming kapwa nang walang hangganan katulad ng ginagawa mo. Idinadalangin namin ito sa pamamagitan ni Kristo na aming Panginoon. Amen.
