16,262 total views
Nagkaisa ang mga diyosesis ng Pilipinas upang manindigan para sa karapatan ng Pilipinas sa West Philippine Sea.
Ayon sa Joint Pastoral Exhortation nina Lingayen-Dagupan Archbishop Socrates Villegas, Auxillary Bishop Fidelis Layog, Iba Bishop Bartolome Santos, San Fernando La-Union Bishop Daniel Presto, Taytay Palawan Bishop Broderick Pabillo at Puerto Princesa Socrates Mesiona, kinakailangan ang pagtatanggol ng bansa para sa kabuhayan ng mga mangingisdang patuloy na nakakaranas ng paniniil ng China at pag-angkin sa teritoryo ng Pilipinas.
Sa pahayag ng mga obispo, lubha ng naapektuhan ng patuloy na paniniil ng China ang kabuhayan ng mga mangingisdang Pilipino na dapat sana ay malayang nakakapangisda sa ating mga teritoryo.
“Mga kapatid na maliliit na mangingisda, paninindigan po natin ang ating karagatan at palaisdaan, hindi tayo busabos ng mga banyagang magnanakaw ng ating huling yamang dagat.” ayon sa Joint Pastoral Exhortation ng mga Lider ng simbahan.
Sinabi pa ng mga obispo na kinakailangang isagawa ng pamahalaan ang lahat ng legal na paraan para sa mga teritoryong pagmamay-ari ng Pilipinas upang magamit hindi lamang ng kasalukuyan kundi ng susunod na henerasyon.
“We seek peace, and it cannot be a moral option to wage war.” ayon pa sa pahayag.
Dagdag pa ng mga obispo: “All legal means must be exhausted so what nature has so bountifully bestowed on us may be ours and may feed generations of Filipinos yet to be born and if present diplomatic endeavors do not suffice, then it is permissible-morally necessary even -to have recourse to the friendship of allies who can help us defend what is ours.”
Panawagan pa ng mga obispo sa bawat mananampalataya, na ipagtanggol ang karapatan at kinabukasan ng mga Filipinong mangigngisda at kanilang pamilya na salat din sa tulong mula sa pamahalaan.
Tagubilin naman ng mga pinunong pastol sa mangingisda ang pangangalaga sa karagatan at maging mabuting katiwala ng yamang ipinagkaloob ng Panginoon.
