8,726 total views
Nagsisilbi ang himpilan ng Radyo Veritas bilang ilaw para sa mga Pilipino at mananampalatayang nangangailangan ng katotohanan tuwing nakakaranas ng sakuna, pangamba at pagkalito sa lipunan.
Ito ang mensahe at pagbati ni Antipolo Bishop Ruperto Santos sa Radyo Veritas sa paggunita nito ng ika 57-taong anibersaryo simula ng maitatagag.
Ayon sa Obispo, mahalaga ang ginagampanan tungkulin ng Himpilan higit na para sa mga Pilipino dahil bukod sa pagiging radio station ay nagbibigay ito ng pag-asa at pananampalataya sa puso ng bawat Pilipino, higit na ang mga naliligaw ng landas.
” Sa panahon ng kalituhan, kayo ang naging tinig na naglilinaw, Sa panahon ng sakuna, kayo ang naging daluyan ng malasakit. Sa panahon ng pangangailangan, kayo ang naging tulay ng pag-asa. For this, we give thanks—for your fidelity, your courage, and your unwavering service to the Church and to the nation,” ayon sa mensaheng pinadala ni Bishop Santos sa Radyo Veritas.
Bilang pastol ay pinahalagahan din ng Obispo ang tatlong diwa nang Radyo Veritas, ito ay ang ‘Gratitude, Grow and Go Mission’ para sa sambayanang Pilipinas.
Una ay ang Gratitude dahil ayon kay Bishop Santos, malaki ang pasasalamat sa Panginoon sa Kaniyang pagbibigay ng biyayang ng Radyo Veritas para sa sambayanan Pilipino, kasunod ang Grow kung saan ipinananalangin ang patuloy na pagyabong ng himpilan upang higit pang makapagsilbi sa mga Pilipino.
Habang ang panghuli na GO ay panalangin ni Bishop Santos na higit pang mapalaganap nang Radyo Veritas ang katotohanan at mabuting balita ng Diyos para sa sanlibutan.
“Witnesses speak, stand, and serve—especially when truth is threatened and when hope is fragile. Radio Veritas, as you celebrate 57 years of mission, may you continue to be the voice that forms consciences, the light that guides hearts, and the bridge that brings God’s compassion to His people. May the Blessed Mother, Our Lady of Good Voyage, accompany you always. May the Holy Spirit strengthen your mission. And may the Lord reward your fidelity with renewed zeal and abundant grace.” bahagi pa ng mensaheng pinadala ni Bishop Santos sa Radyo Veritas.
Bilang pagkilala sa mga pastol, bumubuo, tagasuporta at kawani ng Radyo Veritas at idinaos ang 57th Year Anniversary sa Archdiocesan Shrine of Jesus the Way, the Truth, and the Life sa Pasay City noong April 05 2026, Easter Sunday.
