Daily Readings

SABADO, DISYEMBRE 16, 2023

SHARE THE TRUTH

8,913 total reads

Sabado ng Ika-2 Linggo sa Panahon ng Pagdating ng Panginoon

Sirak 48, 1-4. 9-11
Salmo 79, 2ak at 3b. 15-16. 18-19

Akitin mo, Poong mahal,
iligtas kami’t tanglawan.

Mateo 17, 10-13

Saturday of the Second Week of Advent (Violet)

UNANG PAGBASA
Sirak 48, 1-4. 9-11

Pagbasa mula sa aklat ni Sirak

Noong mga araw na iyon, lumitaw si Elias na parang apoy,
parang sulong nagliliyab ang kanyang mga salita.
Dahil sa alab ng kanyang galit sa kanilang kasamaan,
pinadalhan niya sila ng taggutom, at marami sa kanila ang nangamatay.
Sa pangalan ng Diyos, pinigil niya ang ulan,
at tatlong ulit siyang nagpaulan ng apoy.
Kagila-gilalas ang iyong mga kababalaghan, Elias!
Sino ang makatutulad sa mga ginawa mo?
Sa wakas, iniakyat ka sa langit ng isang ipo-ipo,
lulan ng isang karwaheng hila ng mga kabayong nag-aapoy.
Nasusulat na ikaw ay babalik sa takdang panahon,
upang paglubagin ang galit ng Diyos bago sumapit ang takdang araw;
para pagsunduin ang mga magulang at mga anak,
at muling tipunin ang mga lipi ng Israel.
Mapapalad ang mga makakakita sa iyo
at yaong mga namatay na umiibig sa Diyos,
sapagkat kami rin ay mabubuhay.

Ang Salita ng Diyos.

SALMONG TUGUNAN
Salmo 79, 2ak at 3b. 15-16. 18-19

Akitin mo, Poong mahal,
iligtas kami’t tanglawan.

Pastol ng Israel, kami ay pakinggan;
mula sa trono mong may mga kerubin, kami ay tulungan.
Sa taglay mong lakas, kami ay iligtas, at tubusin sa hirap!

Akitin mo, Poong mahal,
iligtas kami’t tanglawan.

Ika’y manumbalik,
O Diyos na Dakila!
Pagmasdan mo kami mula sa itaas,
at ang punong ito’y muling pagyamanin, at iyong iligtas.
Lumapit ka sana,
ang puno ng ubas na itinanim mo ay iyong iligtas,
yaong punong iyon na pinalago mo’t iyong pinalakas!

Akitin mo, Poong mahal,
iligtas kami’t tanglawan.

Ang lingkod mong mahal
ay iyong ingatan, yamang hinirang mo ay iyong ipagsanggalang,
iyong palakasin bilang isang bansang makapangyarihan!
At kung magkagayon,
magbabalik kami’t di na magtataksil sa ‘yo kailanman,
kami’y pasiglahi’t aming pupurihin ang iyong pangalan.

Akitin mo, Poong mahal,
iligtas kami’t tanglawan.

ALELUYA
Lucas 3, 4. 6

Aleluya! Aleluya!
Daan ng Poong nar’yan na
t’wiri’t ihanda sa kanya
Pagtubos n’ya’y makikita.
Aleluya! Aleluya!

MABUTING BALITA
Mateo 17, 10-13

Ang Mabuting Balita ng Panginoon ayon kay San Mateo

Habang bumababa sila sa bundok, tinanong si Hesus ng mga alagad, “Bakit po sinasabi ng mga eskriba na dapat munang pumarito si Elias?” Sumagot siya, “Paririto nga si Elias upang ihanda ang lahat ng bagay. Sinasabi ko sa inyo na pumarito na si Elias, ngunit hindi siya nakilala ng mga tao. At kanilang ginawa sa kanya ang gusto nila. Gayon din naman, pahihirapan nila ang Anak ng Tao.” At naunawaan ng mga alagad na si Juan Bautista ang tinutukoy niya.

Ang Mabuting Balita ng Panginoon.

PANALANGIN NG BAYAN
Ikalawang Linggo ng Adbiyento
Sabado

Isinugo ng Diyos sina Elias at Juan Bautista upang paalalahanan ang mga tao na nararapat nilang baguhin ang kanilang pamumuhay. Idalangin natin sa Diyos Ama na tulungan tayong magkamit ng tunay na pagbabagong-loob.

Panginoon, dinggin mo ang aming panalangin.
o kaya
Emmanuel, dinggin mo ang aming panalangin.

Ang Santo Papa at mga obispo ng Simbahan nawa’y maging inspirasyon ng mga tao upang patuloy na manalig sa Diyos sa kabila ng mga dinaranas na mga paghihirap sa buhay, manalangin tayo sa Panginoon.

Ang mga taong nagsisikap manampalataya nawa’y makita at madama ang Diyos na kumikilos sa kanilang buhay, manalangin tayo sa Panginoon.

Ang mga magulang at guro nawa’y maipamana sa mga kabataan ang pananampalataya na ating kinagisnan sa pamamagitan ng kanilang pagpapatotoo at magagandang halimbawa, manalangin tayo sa Panginoon.

Ang mga maysakit nawa’y makabahagi sa pag-asa at kagalakang hatid ng panahon ng Adbiyento, manalangin tayo sa Panginoon.

Ang mga yumao nawa’y magtamasa ng walang hanggang gantimpala sa Langit, manalangin tayo sa Panginoon.

Ama naming Diyos, tulungan mo kaming ituwid ang aming mga daan sa panahong ito ng Adbiyento upang kami ay maging handa sa pagdating ni Kristo na aming Panginoon magpasawalang hanggan. Amen.

Ika-16 ng Disyembre
(Simbang Gabi)

Isaias 56, 1-3a. 6-8
Salmo 66, 2-3. 5. 7-8.

Nawa’y magpuri sa iyo
ang lahat ng mga tao.

Juan 5, 33-36

16th of December (Aguinaldo Mass) (White)

UNANG PAGBASA
Isaias 56, 1-3a. 6-8

Pagbasa mula sa aklat ni propeta Isaias

Ang sabi ng Panginoon sa kanyang bayan:
“Ayon sa katarungan
at laging matuwid ang inyong gagawin.
Ang pagliligtas ko’y
di na magluluwat, ito ay darating,
ito’y mahahayag sa inyong paningin.
Mapalad ang taong gumagawa nito,
ang anak ng taong ang tuntuni’y ito.
Ginaganap niya ang marapat gawin sa Araw ng Pamamahinga,
sa gawang masama, ang kanyang sarili’y iniiwas.”
Di dapat sabihin ng isang dayuhang nakipagkaisa sa bayan ng Diyos,
na siya’y hindi papayagan ng Panginoon
na makisama sa pagsamba ng kanyang bayan.”
Ito naman ang sabi ng Panginoon
sa mga dating dayuhan na ngayo’y
kabilang sa kanyang bayan,
buong pusong naglilingkod sa kanya,
nangingilin sa Araw ng Pamamahinga;
at matapat na nag-iingat sa kanyang tipan:
“Dadalhin ko kayo sa Sion, sa aking banal na bundok.
Ipadarama ko sa inyo ang kagalakan sa aking Templo.
Tatanggapin ko ang inyong mga handog,
at ang Templo ko’y tatawaging bahay-dalanginan ng lahat ng bansa.”
Ipinangako pa ng Panginoon,
sa mga Israelitang ibinalik niya mula sa pagkatapon,
na marami pa siyang isasama sa kanila
para mapabilang sa kanyang bayan.

SALMONG TUGUNAN
Salmo 66, 2-3. 5. 7-8

Nawa’y magpuri sa iyo
ang lahat ng mga tao.

O Diyos, pagpalain kami’t kahabagan,
kami Panginoo’y iyong kaawaan,
upang sa daigdig mabatid ng lahat
ang iyong kalooban at ang pagliligtas.

Nawa’y magpuri sa iyo
ang lahat ng mga tao.

Nawa’y purihin ka ng mga nilikha,
pagkat matuwid kang humatol sa madla;
ikaw ang patnubay ng lahat ng bansa.

Nawa’y magpuri sa iyo
ang lahat ng mga tao.

Nag-aning mabuti ang mga lupain,
pinagpala kami ng Poon, Diyos namin!
Ang lahat sa ami’y iyong pinagpala,
nawa’y igalang ka ng lahat ng bansa.

Nawa’y magpuri sa iyo
ang lahat ng mga tao.

ALELUYA

Aleluya! Aleluya!
Halina’t kami’y dalawin.
Kapayapaan mo’y dalhin
upang umiral sa amin.
Aleluya! Aleluya!

MABUTING BALITA
Juan 5, 33-36

Ang Mabuting Balita ng Panginoon ayon kay San Juan

Noong panahong iyon, sinabi ni Hesus sa mga Judio, “Nagpasugo kayo kay Juan, at nagpatotoo siya tungkol sa katotohanan. Hindi sa kailangan ko ang patotoo ng tao; sinasabi ko lamang ito para maligtas kayo. Si Juan ay parang maningas na ilaw na nagliliwanag noon, at kayo’y sandaling nasiyahan sa kanyang liwanag. Ngunit may patotoo tungkol sa akin na higit sa patotoo ni Juan: ang mga gawang ipinagagawa sa akin ng Ama, at siya ko namang ginaganap – iyan ang nagpapatotoo na ako’y sinugo niya.”

Ang Mabuting Balita ng Panginoon.

PANALANGIN NG BAYAN
SIMBANG GABI ?- Unang Araw

Sa pagsisimula ng Simbang Gabi, idulog natin ang ating mga kahilingan sa Panginoon nang may mga pusong puspos ng pag-asa at pagtitiwala:

Halina, Panginoon kailangan ka namin!

Para sa Inang Simbahan: Nawa’y matugunan niya ang panawagan ng Panginoon para sa pagbabago alinsunod sa ilaw ng Ebanghelyo upang maging inspirasyon sa sangkatauhan. Manalangin tayo!

Para sa Santo Papa, ating Obispo, at lahat ng mga pari: Nawa’y, tulad ng mga propeta noong una, maipaalaala nila sa atin ang mga tunay na dapat pahalagahan. Manalangin tayo!

Para sa lahat ng Pilipinong nasa ibang bansa: Nawa’y ipagdiwang nila ang ganitong Nobena nang kasintaimtim ng kung sila’y narito sa sariling bayan. Manalangin tayo!

Para sa lahat ng walang trabaho, walang tirahan, maysakit o nagdurusa: Nawa’y pukawin sa kanilang pagsisimula ng Simbang Gabi ang matibay na pag-asa para sa magandang pagbabago. Manalangin tayo!

Para sa mga Pilipinong mag-anak, lalo na ang nahaharap sa iba’t ibang pagsubok: Nawa’y ang Nobenang Pamaskong ito’y maging bukal ng paggaling at pagpapalakas. Manalangin tayo!

Para sa ating mga kabataan: Nawa’y hindi sila maakit ng mga bagay na makamundo, sa halip ay pagsikapan nilang hanapin ang Panginoon ng buong puso upang sa bawat gawain sila ay gabayan ng katanungang: “Kung si Hesus ang nasa kalagayan ko, ano ang kanyang gagawin?” Manalangin tayo!

Para sa ating pamayanan: Nawa ang Nobenang ito’y maging isang pagkakataong lalong mapalapit sa Panginoon at muling magpahalaga sa ating pananampalataya. Manalangin tayo!

Para sa mga may malubha at permanenteng kapansanan: maging tampulan nawa sila ng atensyon at kalinga ng lipunan, manalangin tayo.

Panginoong Hesus, itulot mong ang Simbang Gabing ito’y maging panahon ng taimtim na pagbabagong espirituwal. Nawa’y makapaghanda kami para sa pagdiriwang ng iyong kaarawan. Ikaw na nabubuhay at naghahari magpakailanman. Amen!

THEIR LOSS IS OUR GAIN

Rev. Fr. Jerico Habunal Monday, August 31, 2026 8:00 am

1,604 total reads

Gospel Reading for August 31, 2026 – Luke 4: 16-30

THEIR LOSS IS OUR GAIN

Jesus came to Nazareth, where he had grown up, and went according to his custom into the synagogue on the sabbath day. He stood up to read and was handed a scroll of the prophet Isaiah. He unrolled the scroll and found the passage where it was written:

The Spirit of the Lord is upon me,
because he has anointed me
to bring glad tidings to the poor.
He has sent me to proclaim liberty to captives
and recovery of sight to the blind,
to let the oppressed go free,
and to proclaim a year acceptable to the Lord.

Rolling up the scroll, he handed it back to the attendant and sat down, and the eyes of all in the synagogue looked intently at him. He said to them, “Today this Scripture passage is fulfilled in your hearing.” And all spoke highly of him and were amazed at the gracious words that came from his mouth.

They also asked, “Is this not the son of Joseph?” He said to them, “Surely you will quote me this proverb, ‘Physician, cure yourself,’ and say, ‘Do here in your native place the things that we heard were done in Capernaum.’” And he said, “Amen, I say to you, no prophet is accepted in his own native place. Indeed, I tell you, there were many widows in Israel in the days of Elijah when the sky was closed for three and a half years and a severe famine spread over the entire land. It was to none of these that Elijah was sent, but only to a widow in Zarephath in the land of Sidon. Again, there were many lepers in Israel during the time of Elisha the prophet; yet not one of them was cleansed, but only Naaman the Syrian.” When the people in the synagogue heard this, they were all filled with fury. They rose up, drove him out of the town, and led him to the brow of the hill on which their town had been built, to hurl him down headlong. But he passed through the midst of them and went away.

————

Jesus’ homecoming to Nazareth, the town where he grew up, should have been a hero’s welcome—much like the celebration recently given to Alex Eala upon her return to the Philippines. By this time, news of Jesus had already spread throughout Galilee. The people had heard about his mighty works and extraordinary miracles in Capernaum. One would have expected his own town to be the first to rejoice and be proud of their “kababayan.”

Sadly, the opposite happened.

Instead of celebrating him, they questioned his credentials and looked down on his humble family background. “Is this not the son of Joseph?” they asked. Rather than seeing God at work in him, they allowed familiarity and prejudice to blind them to the truth.

What should have been a blessing became a tragedy. The very people who had the privilege of knowing Jesus from his childhood rejected him. As the Word of God is like a double-edged sword, it revealed the hardness of their hearts. In their anger, they drove Jesus out of town and even tried to hurl him headlong off a cliff.

Here we see the wisdom of God’s plan. God chose his Son to be born into a poor and ordinary family, not into the household of the elders, chief priests, scribes, or Pharisees. Because Jesus lived among ordinary people, he could speak to them in a language they understood, reveal the true meaning of God’s Word, correct distorted interpretations of the Law, and reach out with compassion to the poor, the sick, the sinners, and all those in need.

Their rejection did not stop God’s saving plan. In fact, THEIR LOSS BECAME OUR GAIN. Because Nazareth rejected Jesus, the Good News continued its journey beyond one town, beyond Israel, and eventually reached the ends of the earth—including us.

Lord Jesus, their loss is truly our gain. We praise and thank you for entrusting your disciples with the mission of bringing the Gospel to the ends of the earth, so that we, too, may come to know, love, and follow you. Amen.

Bayan, hindi bayad

Rev. Fr. Anton CT Pascual Monday, August 31, 2026 7:00 am

14,920 total reads

Mga Kapanalig, ngayon ay National Heroes Day o Araw ng mga Bayani.

Sa araw na ito, kasama sa mga bayaning ginugunita natin ay sina Dimasalang, Agapito Bagumbayan, Dimas-ilaw, at Siling Labuyo.

Teka, sinu-sino ang mga binanggit kong pangalan?

Ang mga ito ay ang ginamit na alyas ng ating mga bayani noong panahon ng pananakop ng mga Kastila. Si Dimasalang ay si Dr Jose Rizal. Si Agapito Bagumbayan ay si Andres Bonifacio. Si Dimas-ilaw ay si Emilio Jacinto, habang si Siling Labuyo ay si Marcelo del Pilar.

Sa ika-19 na araw ng impeachment trial laban kay Vice President Sara Duterte, ginamit ni Senator-judge Robin Padilla ang ilan sa mga alyas ng mga bayani para sabihing wala namang mali sa pagtatago sa likod ng gawa-gawang pangalan. Kaya bakit daw kinukuwestyon ang paggamit ng alyas ng mga tumanggap ng kabayaran mula sa Office of the Vice President? Bakit daw ginagawa pang katatawanan ang mga pangalang makikita sa mga acknowledgment receipts na isinumite ng OVP bilang patunay na may kinapuntahan ang confidential funds? Mukhang hindi na importante kay Senador Padilla na malaman pa kung totoong tao ba sina Mary Grace Piattos, Antonio Pagong, Shane Ngitngit, at Andy Lim?

Napakalinaw na magkaiba ang layunin ng ating mga bayani sa paggamit ng alyas at ng mga tumanggap umano ng confidential funds ng OVP. Noong nasa ilalim tayo ng pananakop ng España, ang mga bayani natin ay kinailangang gumamit ng alyas dahil lubhang mapanganib ang lantarang paglaban sa pamamahala ng mga dayuhan. Wala pang social media noon kaya mga alyas lamang ang magagamit nila para malayang makapagpahayag ng mga ideyang rebolusyonaryo nang hindi nalalagay sa alanganin ang kanilang sarili at pamilya.

Sa kaso naman ng paggamit ng confidential funds, ang pagtatago sa mga alyas ay iniuugnay sa pag-uulat kung paano ginamit ang milyun-milyon pisong pera ng bayan. Hindi naman kailangang isapubliko kung sinu-sino talaga ang mga nakatanggap ng kabayaran mula sa OVP para sa sensitibong impormasyon, pero dapat pa ring may record na nakatago sa ligtas na lalagyan na susuriin naman ng Commission on Audit.

Kung para sa pampublikong kaligtasan ang impormasyong kapalit ng pera, dapat iulat din ng OVP kung ano ang kinahinatnan ng paggamit ng confidential funds. Nakamit ba ang layunin? Nangyari ba ang pagbabagong inaasahan sa tulong ng ibinigay na imnpormasyon? Hindi naman siguro mahirap ipaliwanag ang pinaggamitan ng confidential funds kung nagamit ito sa tamang paraan. Abangan natin kung paano ipaliliwanag ng kampo ni VP Sara ang bagay na ito kapag pagkakataon na ng depensa na magharap ng ebidensya para pasinungalingan ang paratang na misuse of public funds na may kaugnayan sa impeachment article na graft and corruption at betrayal of public trust.

Ang pondo ng bayan ay ipinagkakatiwala sa mga lingkod-bayan para sa kabutihang panlahat (o common good). Kung may kinakailangang gawing kumpidensiyal—gaya ng pagkakakilanlan ng mga binayaran kapalit ng sensitibong impormasyon—hindi nito maaaring burahin ang pananagutan, katotohanan, at wastong pag-uulat sa paggamit ng pera ng mamamayan. Sa Roma 3:8, sinabi ni San Pablo na labag sa kalooban ng Diyos ang pangatwiranan ang paggawa ng mali o masama kung mabuti naman ang magiging bunga nito. Mas malaking problema kung wala namang maipakitang naging bunga ang pagtatago sa likod ng mga kakaibang alyas.

Mga Kapanalig, ang ating mga bayani ay hindi gumamit ng mga alyas para makatanggap ng confidential funds. Buhay pa nga nila ang naging kapalit ng kanilang kagustuhang palayain ang ating bayan mula sa mapang-aping pamumuno ng mga dayuhan. Bayan, hindi bayad. Nakaiinsultong ihambing ang ating mga bayani sa mga taong nagiging instrumento ng katiwalian at umiiwas sa pananagutan.

Sumainyo ang katotohanan.

“Yes, Lord”

Rev. Msgr. Wilfredo Andrey Sunday, August 30, 2026 5:39 pm

3,219 total reads

22nd Sunday A

Jer 20:7-9
Jeremiah’s book mainly features his oracles about Jerusalem’s final days before exile, along with personal reflections on his demanding calling. Today’s reading is from these ‘confessions,’ showcasing a daring conversation with Yahweh. After predictions of Jerusalem’s destruction, Jeremiah, punished publicly, addresses Yahweh with provocative language, likening God’s influence to seduction and seizure, highlighting his pain and frustration. Despite his original mission to build and plant, Jeremiah faces rejection, hostility, and physical abuse. In verse 9, he compares God’s word to a fire that must be spoken, driven by divine necessity. This underscores the strong divine direction in prophecy—once called, there’s no turning back.

Rom 12:1-2
The reading emphasizes identification with God’s will through sacrificial imagery. Paul likens believers to living temple sacrifices, contrasting traditional dead offerings with Christians offering worship “in the spirit,’ empowered by Christ. This imagery highlights total self-surrender and ongoing transformation by the Spirit, involving continuous disengagement from the passing world and renewal of the mind as God’s will becomes central.

Mt 16:21-27
This passage marks a crucial turning point in Matthew’s gospel, shifting from glory to the cross after Peter’s declaration of Jesus as Messiah and God’s Son (cf. last Sunday’s gospel). Jesus now discusses the implications of his identity, immediately pointing to the darker side of the Servant role: his upcoming suffering, death, and resurrection. The prediction of his passion highlights the necessity of this death and resurrection.

The word “dei” (δεῖ) is an impersonal verb in the indicative mood, which can be translated as “it is necessary that…” or “must,” “should,” or “ought,” (cf s1S#67 I Must, 01/16/22), followed by the main verb, here “to suffer” (‘paschō,’ πάσχω), meaning “to endure suffering, both physical and psychological” (cf s1S#131 Suffer, 04/03/23). So, v 21 literally reads, “it is necessary that he… suffer…” emphasizing Jesus’ engagement with God’s will and predicting his suffering and resurrection (vv. 21-23). This also applies to those who follow him. Peter’s attempt to dissuade Jesus and his rebuke highlight the contrast between human and divine reasoning, fitting into the theme of glory and suffering. The verses on discipleship (vv. 24-28) stress the importance of carrying the cross and self-denial, with inverted values: human loss leads to Christian salvation, and sacrifice is necessary for eternal rewards when Christ returns.

The message of today’s scriptures centers on the unconditional “yes” to the will of God. Jeremiah accepted his God-given mission despite it being difficult, even though he was strongly tempted to turn away. Jesus refuses to let any voice, from any source, pull him from his divine destiny. Even though it leads him through the valley of death, he unwaveringly follows the path his Father has set before him. This kind of “living sacrifice,” as Paul describes, is what we are called to offer to God. May we all be able to say our unconditional yes to the will of God. Amen

Veritas Editorial

Rev. Fr. Anton CT Pascual

Bayan, hindi bayad

Monday, August 31, 2026 7:00 am 7:00 am

14,921 total reads

14,921 total reads Mga Kapanalig, ngayon ay National Heroes Day o Araw ng mga Bayani. Sa araw na ito, kasama sa mga bayaning ginugunita natin ay

SOP

Saturday, August 29, 2026 7:00 am 7:00 am

53,024 total reads

53,024 total reads Kapanalig, sa day-19 ng impeachment trial ni Vice President Sara Duterte sa misused o maling paggamit sa 500-milyong pisong confidential fund ng Office

PAANO MAIWASAN ANG SCHOOL VIOLENCE?

Friday, August 28, 2026 7:00 am 7:00 am

71,234 total reads

71,234 total reads Kapanalig, ang nangyayaring school violence sa ating bansa ay hindi matutugunan ng isang simpleng paghihigpit sa seguridad sa mga paaralan. Hindi rin sagot

Halimbawa sa taumbayan

Wednesday, August 26, 2026 7:00 am 7:00 am

155,563 total reads

155,563 total reads Mga Kapanalig, kinansela ni Vice President Sara Duterte ang halos isang linggo niyang biyahe sa Japan. Hindi ito dahil tutulong siya sa pagtugon

Protektahan ang mga bata

Tuesday, August 25, 2026 7:00 am 7:00 am

192,226 total reads

192,226 total reads Mga Kapanalig, taos-puso tayong nakikiramay sa mga estudyante, guro, at buong komunidad ng Ateneo de Zamboanga University na naapektuhan ng malagim na pamamaril

Miyerkules, Setyembre 2, 2026

1,164 total reads

1,164 total reads Miyerkules ng Ika-22 Linggo sa Karaniwang Panahon (II) 1 Corinto 3, 1-9 Salmo 32, 12-13. 14-15. 20-21 Mapalad ang ibinukod na bansang hinirang

Monday, August 31, 2026 12:00 am

Martes, Setyembre 1, 2026

2,591 total reads

2,591 total reads Martes ng Ika-22 Linggo sa Karaniwang Panahon (II) 1 Corinto 2, 10b-16 Salmo 144, 8-9. 10-11. 12-13ab. 13kd-14 Mat’wid ang Poong dakila sa

Sunday, August 30, 2026 12:00 am

Lunes, Agosto 31, 2026

4,062 total reads

4,062 total reads Lunes ng Ika-22 Linggo sa Karaniwang Panahon (II) 1 Corinto 2, 1-5 Salmo 118, 97. 98. 99. 100. 101. 102 Iniibig ko nang

Saturday, August 29, 2026 12:00 am

Linggo, Agosto 30, 2026

5,050 total reads

5,050 total reads Ika-22 Linggo sa Karaniwang Panahon (A) Jeremias 20, 7-9 Salmo 62, 2. 3-4. 5-6. 8-9 Aking kinasasabikan, Panginoon, Ikaw lamang. Roma 12, 1-2

Friday, August 28, 2026 12:00 am

Sabado, Agosto 29, 2026

5,714 total reads

5,714 total reads Paggunita sa Pagpapakasakit ni San Juan, ang Tagapagbinyag, Martir Jeremias 1, 17-19 Salmo 70, 1-2. 3-4a. 5-6ab. 15ab at 17 Patuloy kong isasaysay

Thursday, August 27, 2026 12:00 am

SUPPORT OUR MISSION

BECOME A KAPANALIG MEMBER AND EUCHARISTIC ADVOCATE!

CATHOLINK

THE PHILIPPINES CATHOLIC CHURCH ONLINE DIRECTORIES

SABADO, DISYEMBRE 16, 2023