84,822 total views
Ang problema sa Social Security System, isang state-run social insurance program sa mga manggagawa sa pribado, professional at informal sectors na itinatatag sa pamamagitan ng Republic Act no.1161 o Social Security Act of 1954 na inamyendahan ng RA 8282 of 1997 at Security Security Act of 2018.
Kapanalig, ngayong taong 2025 ay ipapatupad ng SSS ang mandated contribution rate hike na 15 percent mula sa dating 14-percent sa mga manggagawa sa pribadong sektor, propesyunal at informal sectors sa Pilipinas. Ito ay panibagong pasanin sa mga manggagawa, ito ay malaking kaltas sa kanilang kararampot na sahod kada buwan… Ang mataas na kaltas sa SSS contribution ay napakabigat sa balikat ng isang empleyadong sumasahod lamang ng minimum wage na 645-pesos kada araw. Sinasabi ng IBON foundation na ang nararapat na daily living wage (DLW) sa Metro Manila ay 1,207-pesos para makapamuhay ng may digdinad ang isang manggagawa at 5-miyembro ng kanyang pamilya.
Kapanalig, tinukoy ni Pope Francis sa kanyang apostolic exhortation na “Gaudete et Exsultate” a call for holiness in the modern world” ang (Mt.5:12) rejoice and be glad, the Lord asks everything of us, and in return he offers us true life, he want us to be saint and not to settle for a bland and mediocore existence. (Gen.17:1) Walk before me, and be blameless”. Sinasabi din sa (Eph 1:4) For the Lord has chosen each one of us “to be holy and blameless before him in love”.
Ang 15-percent na pagtaas sa buwanang kontribusyon sa SSS bagamat mandato ng Social Security Act of 2018 ay lumikha ng kontrobersiya at maraming katanungan. Paano kasi mga Kapanalig, natuklasan ng Commission on Audit ang garapal na mismanagement sa SSS… Mayroong malaking pagkukulang sa mga opisyal at kawani ng ahensiya na nangangalaga sa pera ng milyon nitong miyembro. Ang kakulangan at pagkukulang ng mga nagpapatakbo sa pera ng mga SSS member ay ipapasa nila ang pasanin at sakripisyo sa mga miyembro na halos hindi na makatawid sa pagba-budget ng kararampot na sinasahod kada buwan.
Kapanalig, babawasan ng SSS ng 15-percent ang sahod ng kanilang miyembro at mga employers upang malawak daw ang serbisyo… Pero, umaabot pa pala sa 93.747-bilyong piso ang hindi nabayaran o nai-remit na premium contributions ng mga employer sa SSS.
Ibig sabihin sa salitang kalye, napakagulang, mapanlinlang at magagaling ang mga nagpapatakbo ng SSS. Ang kanilang kapabayaan at problema sa pagma-manage ng pondo ng ahensiya ay idadagdag pa sa mabigat na pasanin ng mga miyembro.
Bakit kailangan pang magpataw ang SSS ng dagdag na monthly contribution? Nabatid Kapanalig na noong 2024, umabot sa 100-bilyong piso ang net income ng SSS kung tumaas ng 30-porsiyento ang member contribution. Dahil sa net income, tatagal pa ang buhay ng SSS hanggang 2053. Yun naman pala Kapanalig, bakit lalo pang ginagatasan ng SSS ang kanilang mga miyembro? Kayang-kaya naman ng SSS na hindi ipatupad ang pagtaas sa premium contributions.
Dahil dito, inihain ni Senator Riza Hontiveros ang Senate resolution 1269 na naglalayong imbestigahan ang ipinatupad na SSS premium hike at upang ikansela ang implementasyon nito.
Ang katotohanan Kapanalig, nababawasan ang income ng mga manggagawang Pilipino kada taon habang lumalaki ang investment earnings ng SSS. Saan kaya nila ilalagay ang napakalaking kita? Hindi na nakakagulat kung i-allocate ng mga makakasariling opisyal ng SSS ang bilyun-bilyong pisong investment earnings ng SSS sa Maharlika fund?
Sumainyo ang Katotohanan.
