677 total views
Hinimok ni Kidapawan Bishop Jose Colin Bagaforo ang mga mananampalataya na magnilay sa walang hanggang pag-ibig ng Diyos sa gitna ng paggunita ng Semana Santa.
Sa kanyang mensahe para sa paggunita ng Mahal na Araw ay binigyang-diin ng Obispo na ang Krus ay pinakamalinaw na tanda ng pagmamahal ng Diyos sa sangkatauhan.
“We look to Calvary as the ultimate testament of God’s love. The Cross is the definitive proof of how much we are valued,” Bahagi ng pahayag ni Bishop Bagaforo.
Ayon kay Bishop Bagaforo, sa pamamagitan ng pagtubos ni Hesukristo, ipinakita ng Diyos na ang Kanyang pag-ibig ay walang hanggan at higit sa anumang paghihirap na nararanasan ng tao.
Paliwanag ng Obispo, hindi dapat na mawalan ng pag-asa ang sangkatauhan sa biyayang hatid ng Panginoon sa buhay ng bawat isa.
“This is the hope we cling to when life feels heavy: His love is infinitely greater than our despair,” Dagdag pa ni Bishop Bagaforo.
Ipinaalala rin ni Bishop Bagaforo na sa kabila ng mga sugat at pagkawasak na nararanasan ng tao, may bagong simula na inihahandog ang Diyos sa pamamagitan ng Muling Pagkabuhay ni Kristo.
“Where we see brokenness, God sees a masterpiece in the making. Where we see an end, God provides a new beginning through the Resurrection,” Ayon pa kay Bishop Bagaforo.
Samantala, hinikayat din ng Obispo ang lahat na buksan ang puso sa mapagbago at mapagpalayang pag-ibig ng Diyos.
“May we leave behind our burdens and walk forward, renewed by the mercy that flows from the Cross,” Panawagan ni Bishop Bagaforo.
Una nang binigyang diin ng Simbahan na ang Semana Santa ay hindi lamang isang pagkakataon upang makapagbalik loob ang lahat sa Panginoon sa halip ay isang pagkakataon din upang mapagnilayan ang landas ng serbisyo sa Diyos at maging sa kapwa.
