2,325 total views
Mag-aapat na dekada nang ipag-utos ng 1987 Philippine constitution o Saligang Batas ng Pilipinas sa mga mambabatas (Congressmen/Senador) na isabatas ang anti-political dynasty law. Nakasaad sa saligang batas (Article II, Section 26) “The State shall guarantee equal access to opportunities for public service and prohibit political dynasties as may be defined by law.”
Sa napakahabang panahon, nabigo ang mga mambabatas na sundin ang ipinag-uutos ng 1987 constitution. Bakit hindi maipasa sa kongreso ang enabling law na nagbabawal o babasag sa pamamayagpag ng ‘mega-political dynasties sa bansa? Paano maisasabatas ang isang anti-political dynasties kung kontrolado ng political dynasties o political clan ang kongreso lalu na ang lokal na pamahalaan sa Pilipinas?
Ang katotohanan Kapanalig, sa pananaliksik ng Philippine Center for Investigative Journalism (PCIJ) sa nakalipas na 2025-midterm elections, 71 mula sa 82-provincial government sa buong bansa ay kontrolado ng political dynasties.
Hawak ng mga Marcos ang Ilocos Norte: Balwarte naman ng mga Singson ang Ilocos Sur; hindi rin mababasag ang pamilyang Ortega sa La Union; hindi rin masisingitan ang pamilyang Ynares sa Rizal; Tolentino naman sa Cavite; Umali sa Nueva Ecija; Pinedas sa Pampanga, Garcias sa Bataan, Dy’s ng Isabela; Kho sa Masbate; Dimaporos sa Lanao del Norte, Adiongs sa Lanao del Sur, Pacquiaos sa Sarangani, Mangudadatus sa Maguindanao, Mendozas at Taliños sa Cotabato, Jalosjose sa Zambaonga del Norte, Yu’ sa amboanga del Sur, Tans sa Sulu, Salimans at Hatamans sa Basilan at Duterte’s sa Davao. 67-percent ng nanalong congressmen at 53-percent ng nanalong mayor ay mula sa mga nabanggit na political clan.
Ang Senado, kontrolada pa rin ng mga political dynasties: magkapatid na Villar; Cayetano’s; Estrada’s; Tulfo’s.
Pero Kapanalig, sa kauna-unahang pagkakataon makalipas ang halos apat na dekada, naipasa sa ikatlo at huling pagbasa sa mababang kapulungan ng kongreso ang House Bill No. 8389, o Anti-Political Dynasty Bill kung saan ang author ay mula sa mega-political dynasties na si House Speaker Faustino Dy III at House majority leader Ferdinand Alexander “Sandro Marcos na umani ng 271-yes votes, 16 negative votes at 7-abstentions.
Ang nakakalungkot lamang, ipinagbabawal lang sa HB 8389 ang kamag-anak ng isang halal na opisyal na umupo sa isang elective position sa kaparehong lugar o hurisdiksyon. Kino-kober lang panukalang batas ang mga kamag-anak hanggang second degree of consanguinity na kinabibilangan ng asawa,anak, magulang at kapatid. Tinagurian ng mga taga-oposisyon ang panukalang batas na “pro-dynasty”, mahina at peke.
Bago ang 2014 national elections: kinundena ng Catholic Bishops Conference of the Philippines ang pamamayagpag ng political dynasties sa bansa na tinaguriang “spread of political dynasties was one of a “long litany of storms” facing the country amid violent natural disasters. Sa inilabas na pastoral statement, Proclaim the message, In season and out of seasons”; nanindigan ang CBCP na ang political dynasties ay nagdudulot ng corruption and ineptitude.”As monopolies in business, monopolies in politics limit the entry that can bring in new ideas and offer better services,”
Sumainyo ang Katotohanan.
