7,052 total reads
Nanawagan ng pakikiisa at pagtulong ang Conference of Major Superiors in the Philippines o CMSP para sa mga pamilyang naapektuhan ng tuloy-tuloy na malalakas na pag-ulan at malawakang pagbaha dulot ng Bagyong Luis at Maymay at pinaigting na Hanging Habagat.
Hinikayat ng CMSP ang mga religious communities, mission partners nito, at iba pang indibidwal na magpaabot ng tulong sa mga pamilyang napilitang lumikas, nawalan o nasiraan ng tahanan, at nangangailangan ng agarang ayuda.
Binigyang-diin ng CMSP na anumang halaga ng donasyon, gaano man kaliit, ay maaaring makatulong sa pagbibigay ng pangunahing pangangailangan at pag-asa sa mga pamilyang patuloy na bumabangon mula sa epekto ng pagbaha.
“The Conference of Major Superiors in the Philippines (CMSP) appeals to our religious communities, partners, friends, and generous individuals to extend help to affected families and communities.” Bahagi ng panawagan ng CMSP.
Hinimok din ng samahan ang lahat na gawing kongkretong pagkilos ang malasakit sa mga naapektuhan ng kalamidad.
Ang panawagan ay nagsisilbi ring paalala ng Simbahan na sa panahon ng sakuna, ang panalangin ay dapat samahan ng pagkakawanggawa at pakikiisa, lalo na sa mga higit na nangangailangan.
“Your donation, no matter how small, can provide much-needed relief and bring hope to those struggling in the aftermath of the flooding. Let us pray. Let us help. Let us be hope. Together, let us turn our compassion into action.” Dagdag pa ng CMSP.
Para sa karagdagang detalye maaring makipag-ugnayan sa official Facebook account ng CMSP – Conference of Major Superiors in the Philippines.
