1,400 total reads
Hindi mananatiling tahimik ang mga religious at consecrated persons sa harap ng korapsyon, political dynasties, maling paggamit ng pondo ng bayan at iba pang suliraning panlipunan at kawalang-katarungan.
Ito ang malinaw na paninindigan ng Conference of Major Superiors in the Philippines o CMSP sa pagtatapos ng kanilang limang araw na national convention sa Zamboanga City mula Setyembre 1 hanggang 5.
Sa pahayag ng CMSP, sinabi ng 233 religious women and men mula sa 159 religious congregations na ang kanilang pagiging prophetic witnesses ay nangangahulugan ng konkretong paninindigan para sa katotohanan, katarungan at pananagutan.
“We choose truth over disinformation, justice over corruption, accountability over political self-interest and entrenched dynasties, dignity over exploitation, dialogue over polarization, safeguarding over abuse, solidarity over indifference, and right relationship with creation over destructive development.”
Kabilang sa tinukoy ng CMSP na mga sugat ng bansa ang korapsyon at political dynasties, misuse of public funds, kabilang ang mga alegasyon ng korapsyon sa flood-control projects, disinformation, polarization at failures of accountability.
Tiniyak ng mga religious superior na palalakasin ang kanilang kolektibong adbokasiya at hayagang lalaban sa mga istrukturang nagdudulot ng pang-aabuso at kawalang-katarungan.
“Stand courageously for truth, justice, human rights, and human dignity…; resist corruption, political dynasties, disinformation, violence, abuse of power, misuse of public funds, and oppressive structures.”
Ito rin ay nakabatay sa 12 kongkretong commitment na pinagtibay ng convention, kabilang ang pagpapalakas sa Justice, Peace and Integrity of Creation Commission o JPICC, pagsusulong ng transparency at financial accountability, safeguarding, pakikiisa sa mahihirap at mahihinang sektor ng pamayanan, at mariing pagtutol sa pagmimina at iba pang gawaing nakasisira sa kalikasan.
Binigyang-diin din ng CMSP na ang kanilang paninindigan ay bahagi ng pagiging tunay na saksi ng Ebanghelyo.
“We leave Zamboanga convinced that the future of consecrated life will not be secured simply by preserving our institutions, but by the credibility of our Gospel witness.”
Nanindigan ang mga religious superiors na ang kapayapaan ay hindi maaaring ihiwalay sa katotohanan at katarungan.
Sa pagtatapos ng pagpupulong, muling pinagtibay at isinabuhay ng mga religious at consecrated persons ang kanilang apat na hakbang na MULAT, DAMA, TINDIG, at PAGHAYO, mula sa pagkilala sa mga sugat ng lipunan, pakikiisa sa mga maralita at nahihirapan, matapang na paninindigan, hanggang sa konkretong pagkilos bilang isang Simbahang naglalakbay kasama ng mga mananampalataya.
Hamon ng CMSP sa bawat religious at consecrated na tiyaking naisasabuhay ang misyon hindi lamang sa loob ng mga institusyon, kundi higit sa lahat, sa kanilang paninindigan para sa katotohanan, katarungan, at kapayapaan.
