398 total views
Hinikayat ng Sangguniang Laiko ng Pilipinas ang publiko na makiisa sa isasagawang Heal our Land Sunday na pangunguhan ng Catholic Bishops Conference of the Philippines (CBCP).
Ang misa ay isa isasagawa sa Edsa Shrine, dakong alas-3 ng hapon sa November 5.
Ayon kay Marita Wasan in-coming president ng Sangguniang Layko ng Pilipinas ito ay pagpapakita ng pagkakaisa at pagmamahal sa bayan.
Paliwanag ni Wasan, ito rin ay pagpapakita ng ating pagtutol sa mga karahasan na nagaganap sa bansa at ang sama-samang panalangin para sa paghilom.
“Tulungan natin ang ating simbahan na maipakita ang ating lakas sa ating mga pagtutol sa mga nangyayari sa ating bansa at magkaroon ng healing. Kasi yan ang main point ng ating pagtitipon-tipon sa November 5 sa Edsa for our country to heal in all those happenings na talagang sumisira sa pamilya, sumisira sa pagkatao, lalung lalu na ang sumisira sa ating lipunan. Let us all be one, and let us all unite para maging maayos ang bansa. Mahalin natin ang ating bansa.,” ang bahagi ng pahayag ni Wasan.
Tuwing ikalawang taon, nagsasagawa nang paghahalal ang Layko para sa mga bagong kinatawan kung saan si Wasan ay inaasahang magsisimula ng kaniyang pamumuno sa Enero 2018.
Si Wasan ang hahalili sa kasalukuyang pangulo ng Laiko na si Mrs. Zeny Capistrano.
Ang Sangguniang Laiko ng Pilipinas ay binubuo ng iba’t ibang grupo at samahan ng simbahan mula sa iba’t ibang panig ng bansa.
Mula sa higit 87 milyon ng mga katoliko sa Pilipinas, 99 na porsiyento ay pawang mga layko o yaong mga bininyagan sa simbahang katolika, habang ang isang porsiyento ay binubuo naman ng mga pari at mga madre.
