ECONOMICS NEWS

Manggagawang Pilipino, hinikayat na gawing inspirasyon si San Jose Manggagawa

Wednesday, May 1, 2024 3:40 pm

 21 total views

Hinimok ng dalawang opisyal ng Catholic Bishops Conference of the Philippines ang mga manggagawa na gawing inspirasyon si San Jose Manggagawa upang mapagtagumpayan ang anumang hamong kakaharapin.

Ito ang paalala ni Cubao Bishop Honesto Ongtioco at San Fernando La Union Bishop Daniel Presto sa mga manggagawa sa paggunita ng labor day.

Hinikayat din ng dalawang Obispo ang mga manggagawa na huwag mahiyang lumapit sa simbahan sa kanilang pangangailangang espiritwal.

Ipinagdarasal ni Bishop Ongtioco na katulad ni San Jose ay lalu pang magpunyagi at mahalin ng mga manggagawa ang kanilang trabaho na tumutugon sa pangangailangan ng pamilya at sarili.

Iginiit ng Obispo na kinilala ng Vatican II ang mahalagang ambag ng mga manggagawa sa lipunan at sangkatauhan.

“The Church continues to highlight the dignity of man and his rights. We go back to the moment of creation 6th day, God entrusted to man His creation making him his manager and copartner in caring and developing the world. Pope Pius XII in 1955 instituted the feast of St Joseph the Worker because the communist and socialist ideals threaten the dignity of workers and family life. Vatican II underscores the important contribution of workers in society and civilization,” ayon sa mensaheng ipinadala ni Bishop Ongtioco sa Radio Veritas.

Ipinarating naman ni Bishop Presto ang patuloy na pananalangin at pakikiisa ng simbahan sa mga manggagawa upang mapalakas ang kanilang apela at mga panawagan sa pamahalaan.

Inihayag ni Bishop Presto na kasama ng mga manggagawa ang simbahan sa hangaring makamit ang nararapat na sahod at benepsiyo.

Ipinapanalangin din ng Obispo na mapaigting ng pamahalaan ang pagsuporta sa lokal na sektor ng pagnenegosyo tungo sa paglago ng ekonomiya ng bansa.

“Ang pagdiriwang ng araw ng manggagawa ay pagkilala sa contribution ng mga manggagawa sa ating lipunan, sila na mga workers dito at sa labas ng bansa, mga permanent at contractual workers, mga manggagawang mula sa pagsasaka, pangingisda, nasa opisina, factory, mga jeeney/bus/tricycle drivers, at iba pang sulok ng ating komunidad, sa ating paggunita sa kanila ay atin ding kinikilala ang iba’t ibang kalagayan nila nila tulad ng mga kumikita ng mababa at hikahos ang buhay, mga pinagsasamantalahan at inaabuso, mga hirap pagkasyahin ang kita sa maghapon , at mga nawalan ng trabaho dulot ng iba ibang kadahilanan,” ayon sa mensaheng ipinadala ni Bishop Presto sa Radio Veritas.

Nabatid sa datos ng Presidential Communication Office noong 2023 na mahigit sa 50-milyong Pilipino ang workforce ng Pilipinas.

OFW’s, kinilala ng CBCP-ECMI

Wednesday, May 1, 2024 2:56 pm

 33 total views

Kinilala ng Catholic Bishops’ Conference of the Philippines – Episcopal Commission on Migrants and Itinerant People (CBCP-ECMI) ang sakripisyo ng mga Overseas Filipino Workers (OFW) sa paggunita sa Pandaigdigang Araw ng Paggawa.

Ayon kay CBCP-ECMI Vice-chairman Antipolo Bishop Ruperto Santos, katangi-tangi ang sakripisyo ng mga O-F-W para masuportahan ang naiwang pamilya sa Pilipinas.

Pinuri din ni Bishop Santos ang pagpupunyagi ng mga O-F-W para sa kabutihan at paglago ng ekonomiya ng bansa dahil sa kanilang ipinapadalang remittances.

“Congratulations and best wishes to our modern day heroes-our OFWs.This is your day. We acknowledge your sacrifices and services for the betterment of the lives and future of your families. We praise you all your selfless services for the good and economic prosperity of our country,” ayon sa mensaheng ipinadala ni Bishop Santos sa Radio Veritas.

Tiniyak naman ng Obispo ang patuloy na pananalangin at pag-aalay ng misa sa mga OFW at migrante para sa kanilang kabutihan at kaligtasan habang naninirahan at naghahanap-buhay sa ibang bansa.

“Please assured of our prayers and holy Masses for your sound health, successes and safety in your works and travels, My prayers and pastoral blessings to you all,” ipinadalang mensahe ni Bishop Santos sa Radio Veritas sa paggunita sa labor day.

Sa tala ng pamahalaan, noong 2023 ay umabot sa 33.5-billion US Dollars ang halaga ng OFW remittance rate na mas mataas kumpara sa 32.5-billion US Dollars noong taong-2022.

Inaasahan naman ng Department of Migrant Workers na tataas ngayong 2024 matapos maitala noong 2023 na mahigit sa 2.33-million ang bilang ng mga OFW sa iba’t-ibang bahagi ng mundo na umabot lamang sa 2.15-milyon noong 2019 dahil sa COVID-19 pandemic.

Simbahan, nagbigay-pugay sa mga manggagawa sa paggunita ng labor day

Wednesday, May 1, 2024 12:41 pm

 197 total views

Kinilala ng Simbahan ang dedikasyon, pagpupunyagi at malaking ambag ng mga manggagawa sa pag-unlad ng bansa sa kabila ng mababang suweldo at kawalan ng benepisyo.

Sa paggunita ng labor day ngayong a-uno ng Mayo, inihayag ng Caritas Philippines ang patuloy na pakikiisa at pagiging boses ng mga manggagawa.

Suportado ng Caritas Philippines ang panawagang katarungan panlipunan ng mga manggagawa upang matamasa ng sektor ang pamumuhay na may digdinad at nabibili ang pangunahing pangangailangan.
Kaisa ng social at development arm ng Catholic Bishops Conference of the Philippines ang mga manggagawa sa isinusulong na “living wage” o nararapat na sahod para matugunan ang kanilang pangangailangan at pamilyang sinusuportahan.

“Today, as we celebrate Labor Day and the feast of St. Joseph the Worker, we echo his dedication and hard work in every Filipino worker. We recognize your immense contribution to our nation’s progress, tirelessly building a better future for yourselves and your families,et, for many, the fruits of their labor haven’t translated to a dignified life. We urge our government to prioritize a LIVING WAGE that allows Filipino workers to afford their basic needs and live with dignity,” mensahe ng Caritas Philippines.

Tiniyak naman ng Church People – Workers Solidarity (CWS), ang suporta at pagsusulong sa panawagan ng mga manggagawa na family living wage na batay sa pag-aaral ng IBON foundation ay umaabot ng 1,207 pesos kada araw.

Naniniwala ang CWS na sa pamamagitan ng boses ng simbahan ay mapapalakas ang apela ng sektor at makakarating sa mga opisyal ng pamahalaan na may kapangyarihang baguhin at isabatas ang mga hakbang na tutulong upang mapabuti ang kalagayan ng mga manggagawa.

Paiigtingin pa ng CWS ang pagbabahagi ng mga katuruan ng simbahan o mabubuting katangian sa mga manggagawa na kanilang isasabuhay sa araw-araw na paghahanapbuhay.

“In the encounters of religion and labor, the idea of religion itself changes. Informed by matters of labor and class, religion is linked to matters of politics, economics, and everyday life and it can provide positive inspiration, as religion is reshaped in the tension of life that affect working people, it can reclaim its roles as an agent in the struggle for the common good,” ayon naman sa mensahe ng CWS.

Bilang suporta sa mga manggagawa, pinangunahan ni Caritas Philippines President Kidapawan Bishop Jose Colin Bagaforo at Caritas Philippines Vice-president San Carlos Bishop Gerardo Alminaza ang Misa Para sa Dalangin ng Manggagawang Pilipino: Sahod Itaas, ChaCha Iatras! sa Minor Basilica and National Shrine of Jesus Nazareno o Quaipo church.

Hontiveros, tiniyak ang suporta sa mga manggagawa

Wednesday, May 1, 2024 9:05 am

 286 total views

Tiniyak ni Senator Risa Hontiveros ang patuloy na pakikiisa at pagsisilbing boses ng mga manggagawa.

Sa paggunita ng pandaigdigang araw ng paggawa, ipinangako ni Hontiveros ang suporta sa mga batas na magpapabuti sa kalidad ng pamumuhay ng mga manggagawa.

Tinukoy ng Senador ang Senate Bill 2534 o 100-pesos Daily Minimum Wage Increase Act na pasado na sa Senado.

“Well mismong ang kilusang paggawa ay hindi tumitigil sa paghahain ng mga priority legislative agenda, mula dito sa 100-pesos across the board wage increase sa mga minimum wage earners na isang hakbang patungo sa living wage na inyong ipinaglalaban,” ayon sa panayam ng Radio Veritas kay Hontiveros.

Isinusulong ng mambabatas ang mga hakbang na magbibigay proteksyon sa mga unyon at pagtatatag nito upang magpatuloy ang collective bargaining agreement.

Ipinarating din ng Senador sa mga manggagawa ang kahandaan na makipag-negosasyon para sa collective bargaining agreements sa mga employer.

“Hanggang sa pagsusulong ninyo ng inyong mga karapatan na makapag-organisa ng mga unyon, makipag-negosasyon para sa collective bargaining agreements at tuwing kinakailangan na makapag-welga hanggang papo sa inyong mga laban para sa isang makataong pamumuhay na mayroong karapatan at kagalingan ng bawat pamilya ng manggagawa, so kung ganiyan kayo mga kasama kayo sa mga kilusang paggawa, paano naman kami, yung mga ibang kasama sa SIKLAB at kami rin inyong kaalyado sa loob ng senado ay sasabayan po kayo, yan po ang aking panata,” ayon pa sa mensahe ni Hontiveros.

Ginawa ng Senador ang labor day message sa idinaos na misang pinangunahan ni Kidapawan Bishop Jose Colin Bagaforo para sa Dalangin ng Manggagawang Pilipino: Sahod Itaas, ChaCha Iatras! sa Minor Basilica and National Shrine of Jesus Nazareno o Quiapo Church.

Pamahalaan at Kongreso, hinamong iregalo sa mga manggagawa ang “Apat Dapat”

Tuesday, April 30, 2024 5:17 pm

 648 total views

Hinamon ng pangulo ng Caritas Philippines ang pamahalaan at mga mambabatas na ipatupad ang inisyatibong “Apat Dapat” para makamit ng mga manggagawa ang nakakabuhay na sahod.

Ito ang panawagan ni Kidapawan Bishop Jose Colin Bagaforo, pangulo ng Caritas Philippines sa paggunita ng pandaigdigang araw ng paggawa o labor day.

Ayon kay Bishop Bagaforo, responsibilidad ng pamahalaan at mga mambabatas na isakatuparan ang “Apat Dapat” na tugon sa mabigat na pasanin ng mamamayang Pilipino lalu na ng mga manggagawa.

Kapaloob sa “Apat Dapat” initiative ang mababang halaga ng mga bilihin at serbisyo publiko, karapat-dapat na umento sa sahod ng mga manggagawa sa buong bansa upang matugunan ang mataas na inflation rate sa bansa.

Pangatlo ang pagtugon sa laganap na kahirapan at paglikha ng pamahalaan ng maraming oportunidad ng trabaho para sa mamamayan.

Nanawagan din si Bishop Bagaforo kasama ang iba’t-ibang labor groups sa pamahalaan at kongreso na i-atras ang panukalang charter change at gawing prayoridad ang kapakanan ng mamamayan.

“Sa panawagang ‘Sahod Itaas! Chacha I-atras!’ itaas ang sahod, ibasura ang Charter change, mariing nakikibaka ang mga manggagawa laban sa patuloy na pagtaas ng mga bilihin at mababang pasahod, hiling ng mga manggagawa na maisasabatas ang dagdag sahod kada araw na kung saan ang 100 pesos na panukala ay inaprubahan na ng senado,” mensahe ni Bishop Bagaforo sa Radio Veritas.

Ipinarating din ni Bishop Bagaforo ang mensahe sa pinangunahang “Misa Para sa Dalangin ng Manggagawang Pilipino: Sahod Itaas, ChaCha Iatras!” ng Simbahan at Komunidad Laban sa ChaCha (SIKLAB).

Nakiisa din sa misa si Senator Risa Hontiveros kasama ang iba pang kinatawan ng labor sector upang mapalakas ang apela ng kalipunan ng mga manggagawa at makamit na ang katarungang panlipunan.

“Kaisa ng buong SIKLAB sa pamumuno ni Bishop Colin Bagaforo na ating naging celebrant, taos puso’t buong loob na pakikiisa ng hanay namin na mga kilusang mamamayan at ng simbahan sa ating mga kababayang manggagawa sa paggunita bukas ng Araw ng Paggawa, buong loob po kaming nakikiisa sa inyong panawagan na Sahod Itaas! Chacha Iatras! buong loob din po kami sumusuporta na ‘Dapat Apat’ bukas at sa mga susunod pang panahon sa pagtatagumpay,” ayon sa panayam ng Radio Veritas kay Senator Hontiveros.

Kinilala naman ni Rene Magtubo – Chairperson ng Partido Manggagawa at spokesperson ng Nagkaisa Labor Coalition ang inisyastibo ng SIKLAB na isang malinaw na pagpapakita ng simbahan ng malalim na kasaysayan ng pagkakaisa sa mga manggagawa.

Ayon sa mga pag-aaral ng Ibon Foundation, dahil sa pananatiling mataas ng inflation rate, umaabot na sa 1,207-pesos ang Family Living Wage o halaga ng suweldong ipangtustos ng isang manggagawa sa 5-miyembro ng kanyang pamilya.

Nararapat na daily living wage sa mga manggagawa, panawagan ng CWS

Monday, April 29, 2024 2:09 pm

 1,217 total views

Umaasa ang Church People – Workers Solidarity (CWS) na makamit na ng mga manggagawa ang nararapat na living wage sa paggunita ng labor day.

Ayon kay San Carlos Bishop Gerardo Alminaza na National Chairman ng CWS, nakasaad sa Rerum Novarum at Gaudium et Spes ni Pope Leo XIII na hindi optional ang karapatan ng mga manggagawa na matamasa ang living wage.

“The right to living wage is not an optional right in the Catholic social teaching, it is rooted in the dignity of the human person which, while it is of eternal worth, is also realized concretely in the here and now, each person’s dignity is lived out or denied within realities of life. If the lived experience of people does not reflect or enhance human dignity, then the social, economic, and political context must be changed to make it more humane and protective of persons’ dignity,” ayon sa mensahe ni Bishop Alminaza na ipinadala sa Radio Veritas.

Iminungkahi ni Bishop Alminaza sa pamahalaan na gamiting basehan ang pag-aaral ng Ibon foundation na 1,207-pesos ang daily living wage ng isang manggagawa na may sinusuportahang 5-miyembro ng pamilya.

Bukod sa pagkakaloob ng nararapat na daily living wage sa manggagawa, inihayag din ng Obispo ang pagtutol sa isinusulong na economic charter change ng mga mambabatas na papabor lamang sa mga foreign businesses sa halip na palakasin ang lokal na sektor ng kalakalan.

“CWS echoes the stand of various sectors against cha-cha. Allowing foreign corporations 100% to invest in our country is not the solution to the crisis of Philippine economy. In fact, it is wrong to believe that the country is restricting foreign investments. In the past fifty years, through trade liberalization and deregulation, the country has been opening up the economy to foreign capital. We have more Foreign Direct Investments (FDIs) than countries such as South Korea, China, and Taiwan and yet our economy remains backward and underdeveloped,” ayon pa sa mensahe ni Bishop Alminaza.

Bilang paggunita sa Labor Day sa May 01, magsasagawa ang Kilusang Mayo Uno (KMU) at iba pang labor groups ng kilos-protesta sa ibat-ibang bahagi ng Pilipinas upang ipinawagan sa pamahalaan ang umento sa sahod ng mga manggagawa.

Mamamayan, hinamon ng Obispo na kumilos para sa kalikasan

Wednesday, April 24, 2024 1:37 pm

 3,191 total views

Nananawagan si Taytay Palawan Bishop Broderick Pabillo sa mamamayan na paigtingin ang pangagalaga sa kalikasan upang maibsan ang epekto ng climate change sa ekonomiya at pinakamahihirap sa lipunan.

Iginiit ni Bishop Pabillo na ang mga mahihirap ang direktang apektado ng mga sakuna at kalamidad na dulot ng climate change na sanhi ng kapabayaan ng tao sa kalikasan.

“Kapag nasisira ang kalikasan, dumadating po ang malalakas na bagyo ay maraming pagkasira, kaya ang hanapbuhay ng mga tao ay nasisira, kaya kung mahabang pag-ninilayan natin ang pangangalaga sa kalikasan, dapat iniisip natin na ang kalikasan ay nakakatulong din sa ekonomiya,” pahayag ni Bishop Pabillo sa Radio Veritas.

Nilinaw ng Obispo na bunsod ng mga kalamidad dulot ng climate change ay nasisira ang mga negosyo at establisyemento na nagdudulot ng pagkalugi sa mga negosyante maging sa ekonomiya ng bansa.

Umaapela ang Obispo sa mamamayan ang palawakin ang kaalaman at kumilos para protektahan at pangalagaan ang kalikasan.

“kaya kapag nasira po ang kalikasan, ang una pong mapipinsala ay ang mga tao, dumadating ngayon ang tag-init kaya maraming mga magsasaka ay hindi na makatanim, kung minsan dumadami ang malakas na ulan at nagdudulot ng baha tulad nang nangyayari ngayon sa UAE sa Saudi Arabia, sa Dubai na binabaha sila, malaking damage sa ekonomiya ang nangyare,” ayon pa sa mensahe ng Obispo.

Una naring nakiisa ang Caritas Philippines, Diyosesis ng Kalookan at Ecoconvergence sa mga mangingisda na maapektuhan ng Manila Bay Reclamations Projects dahil sa banta ng tuluyang pagkawala ng kanilang kabuhayan sa pangingisda.

Patuloy naman sa pagkilos ang simbahang katolika katuwang ang iba’t-ibang makakalikasang grupo sa paggawa ng mga programa para mapangalagaan ang kalikasan.

2.4-bilyong global workforce, apektado ng matinding init

Tuesday, April 23, 2024 2:57 pm

 4,266 total views

Natuklasan sa mga pag-aaral ng International Labor Organization (ILO) ang pagtaas ng bilang ng global workforce na lubhang naapektuhan ng climate change o matinding init sa mga lugar ng paggawa.

Ayon sa mga pag-aaral ng ILO, sa buong mundo taon-taon ay umaabot sa 2.4-bilyong manggagawa mula sa 3.4-bilyong global workforce ang nakakaranas ng init kung saan naitala ang 22.87-milyon ang occupational injuries habang mahigit sa 20-libo ang namamatay.

Mula sa 22.87-milyong occupational injuries, 2.09-million naman ang tuluyang nagbago ang buhay sanhi ng mga komplikasyon sa epekto ng labis na init at kung saan 26.2-milyon naman ang apektado ng chronic kidney disease sanhi ng workplace heat stress.

“It is essential that we heed these warnings. Occupational safety and health considerations must be become part of our climate change responses – both policies and actions. Working in safe and healthy environments is recognized as one of the ILO’s fundamental principles and rights at work. We must deliver on that commitment in relation to climate change, just as in every other aspect of work,” mensaheng ipinadala ng ILO sa Radio Veritas.

Kaugnay nito, iminungkahi ng ILO sa pamahalaan, mga mambabatas at ang mga employer ang paglikha ng mga batas na makakatulong upang mapabuti ang kalagayan ng mga manggagawa sa kanilang mga trabaho kasabay ng pagkakaroon ng energy efficient measures at mga hakbang upang mapangalagaan ang kalikasan, mabawasan ang polusyon at epekto ng climate change.

“It’s clear that climate change is already creating significant additional health hazards for workers,” mensahe ng ILO.

Unang nananawagan ang Church People Workers Solidarity sa pamahalaan at employers na magkaroon ng mga polisiyang tutugon upang maibsan ang epekto ng init at el nino phenomenon sa mamamayang Pilipino ngayong summer season.

Ika-39 Balikatan exercises, nagsimula na

Monday, April 22, 2024 7:15 pm

 3,089 total views

Pormal na nagsimula Ngayong araw ang ika-39 Balikatan exercises sa pagitan ng Armed Forces of the Philippines,United States of America, Australia at France.

Isinagawa ang opening ceremony ng Balikatan exercises 2024 sa Camp Aguinaldo, Quezon city ngayong ika-22 ng Abril kung saan pinangunahan ni USA Marine Baptist Chaplain Captain Fred Holcombe ang pananalangin.

Hiniling ni Capt.Holcombe ang paggabay ng panginoon para sa tagumpay ng pagsasanay sa pagitan ng hukbong sandatahan ng Pilipinas at Amerika.

“Today we welcome your presence here in the ceremony in the Balikatan 39th 2024, Father we ask that you lay your hands on all our leaders and all of our service members as we go about the art of war, may you continue to guide us, protect us and Father build strong relationships between all of our countries, ask this in the powerful name of the savious who saves, Amen,” panalangin ni Holcombe sa pagsisimula ng Balikatan exercises.

Tiniyak naman ni AFP Chief of Staff General Romeo Brawner na sa pamamagitan ng 39th Balikatan Exercises ay magkakaroon ng malawak na kasanayan ang mga sundalo at paggalang ng bawat bansa sa international laws.

“This exercise represents the essence of unity, collective responsibility and enduring partnership between the republic of the Philippines and the United States of America and our partners, it is not a partnership of convenience, but rather a clear reflection of our shared history, unwavering commitment to democracy and respect for international law in our pursuit of peace and security in the indo-pacific region,” ayon sa mensahe ni General Brawner.

Nanindigan naman si Philippine Balikatan Exercise Director Major.General Marvin Licudine at USA Exercises Director Lt. General William Jurney na higit na maisusulong sa pagsasanay ang pagsasabuhay ng demokrasya at pangangalaga sa kapayapaan at seguridad ng Pilipinas.

Bukod sa mga pagsasanay sa pangangalaga ng seguridad, idadaaos din ang pangangalaga ng cyber security, humanitarian civic assistance at pagpapalalim sa kaalaman ng mga sundalo sa paggalang ng international laws. 16-libo ang mga sundalong kabilang sa Balikatan Exercises mula sa hanay ng Army, Navy at Air Force ng Pilipinas, Amerika, Australia at France.

Mamamayan, hinamong manindigan laban sa Manila bay reclamation project

Monday, April 22, 2024 3:14 pm

 5,301 total views

Hinimok ng simbahang katolika ang mamamayan na magkaisa at huwag matakot manindigan para sa ikabubuti ng kalikasan at Manila Bay.

Ginawa ng Caritas Philippines ang panawagan sa isinagawang “People’s Earth Day Gathering to Defend Manila Bay”at paggunita ng Earth Day kasama ang iba’t-ibang makakalikasang grupo at ecumenical groups sa Our Lady of Grace Parish sa lungsod ng Caloocan habang idinaos naman ang human chain formation sa Navotas City fountain.

Nanawagan si Fr.Eduardo Vasquez sa mamamayan na tulungan ang mga taong apektado ng pagkasira ng kalikasan.

“So ang panawagan ko lang para sa Earth Day ay yung panawagan ni Pope Francis sa Laudate Deum na maging bukas ang ating mata hindi lamang puro appearance na tayo ay nagke-care kungdi dapat tayo ay kumilos, na mayroon dapat na kongkretong aksyon, hindi lamang na nagke-care tayo doon sa mga tao na apektado kungdi tulungan sila, hindi puro salita kungdi kailangan natin ng gawan,” ayon sa panayam ng Radio Verias kay Father Vasquez.

Apela naman ng grupong Center for the Environmental Concerns at People’s Network for the Integrity of Coastal Habitats and Ecosystems sa mamamayan higit na sa mga kabataan na paigtingin ang pakikiisa sa mga pagkilos na magbibigay proteksyon sa kalikasan.

Tinukoy ni Lia Mai Torres, Executive Director grupo ang pagtutol sa reclamation projets sa Manila Bay na magdudulot ng labis na pinsala at tuluyang pagkawala ng kabuhayan ng mga mangingisda.

“Dahil lahat tayo maapektuhan, kung masira ang mga baybay, maari tayong magkaroon ng mga matinding pagbaha, maaring magkaroon ng mas malalang storm surge at maari pa lalong mabawasan ang mga food sources sa mga komunidad sa paligid ng Manila Bay, so ang mensahe namin dito ay isang mensahe ng pagkakaisa, hindi mososolusyunan ang mga malalaking problema kung hindi magtutulungan ang mga mamamayang Pilipino,” ayon sa panayam ng Radio Veritas kay Torres.

Sa pag-aaral ng Center for the Environmental Concerns, 16-milyong Pilipino ang kagyat na mawawalan o maapektuhan ang kabuhayan sakaling maituloy ang reclamation projects sa Manila Bay.

Unang nakiisa ang Church People Workers Solidarity sa mga mangingisda ng Navotas City matapos mamatay sa stress o depresyon ang isa sa mga magtatahong sa lungsod nang ipagbawal ng pamahalaan ang pag-ani ng sariling alagain tahong.

 

CBCP nagpaabot ng pakikiramay sa pamilya ng 3-OFW na namatay sa Dubai

Friday, April 19, 2024 5:11 pm

 8,282 total views

Nagpaabot ng pakikiramay si Antipolo Bishop Ruperto Santos sa naiwang pamilya ng tatlong Overseas Filipino Workers na namatay sa malawakang pagbaha sa Dubai.

Ayon sa Obispo na siya ring Vice-Chairman ng Catholic Bishops’ Conference of the Philippine Episcopal Commission on Migrants and Itinerant People (CBCP-ECMI), nawa makamit ng kaluluwa ng mga namatay na O-F-W ang kapayapaan kasama ang kanilang mga pamilyang nagluluksa matapos ang insidente.

“Three overseas Filipino workers, two female and one male, tragically lost their lives because of the severe flooding that hit Dubai. Let us pray for the repose of their souls along with the others who perished from this calamity. Let us also lift up in prayers their grieving families in this time of great loss. May God’s love bring them comfort and peace,” ayon sa mensaheng ipinadala ni Bishop Santos sa Radio Veritas.

Paanyaya ng Obispo sa mga Pilipino ang pakikiisa sa CBCP-ECMI sa pananalangin para sa mga OFW at kanilang pamilya.
Ipinanalangin din ng Obispo ang paghupa ng tubig baha at kaligtasan ng mga mamamayang naninirahan sa Dubai upang ilayo sila ng Panginoon sa anumang kapahamakan.

“God has dominion over everything. He has authority, command, and control over all things created. Therefore, let us respond by putting our faith in God alone, Let us pray unceasingly and full of hope. Let us beg our almighty God in His mercy and power to pacify the rain, drain the water, and grant strength to His people affected by this flood. With our trust and faith in God let us implore our Lord Jesus to still again our nature with His assuring words “be quiet, it is I ” (Mark 4:39).” ayon pa sa mensaheng ipinadala ni Bishop Santos sa Radio Veritas.

April 18 nang makumpirma ng Department of Migrant Workers na tatlong Pilipino ang nasawi sa Dubai matapos ang pagbaha.

Kasabay ito ng paghahanda ng mga relief good at iba pang uri ng tulong na ipapadala para sa mga OFW na lubhang naapektuhan ng sakuna.

OCD, umapela ng tulong sa mga kabataan

Friday, April 19, 2024 4:20 pm

 8,347 total views

Hinimok ng Office of the Civil Defense (OCD) ang mga kabataan na paigtingin ang pakikiisa sa pagsusulong ng Sustanaible Development Goals ng pamahalaan.

Tinukoy ni Civil Defense Undersecretary Ariel Nepomuceno ang pagsali sa mga inisyatibo ng pamahalaan tulad ng ika-limang National Youth Eco Camp kung saan tatalakayin ang mga hakbang at pagtugon ng pamahalaan sa suliranin ng climate change at iba pang problemang banta sa kalikasan.

“This year’s theme of Eco Camp will always be a relevant topic. As described by the United Nations, SDGs are an ‘urgent call for action,” mensahe ni Nepomuceno sa Radio Veritas.

Tiwala ang opisyal na mapapalalim ang kaalaman ng mga kabataan sa pagtugon sa mga problemang kinakaharap ng kalikasan at mapapatibay ang disaster risk reduction initiatives ng pamahalaan.

Sinabi ng OCD na sa pamamagitan nito ay mas marami ang magiging handa sa mga oras ng kalamidad at dadami ang mga mangangalaga sa kalikasan.

“Meanwhile, OCD Assistant Secretary Bernardo Rafaelito Alejandro IV also extended his support and encouraged the young leaders to make use of their voices, talents, and potential, for these will allow them to contribute to their communities now and in the future,” bahagi pa ng mensahe ng OCD.

Sa datos ng Statista, aabot sa 18.1-bilyong piso ang pinsalang idinulot ng mga bagyong nanalasa sa Pilipinas noong 2023.

Sa bahagi ng simbahan, patuloy ang pakikipag-ugnayan ng Caritas Philippines at Caritas Manila sa ibat-ibang diocesan social action centers upang mabilis na matugunan ang pangangailangan ng mamamayan naapektuhan ng kalamidad ang ibat-ibang bahagi ng Pilipinas.

Mamamayan, hinimok ng Obispo na basahin ang panitikang Pilipino

Wednesday, April 17, 2024 4:28 pm

 10,458 total views

Isinulong ni San Fernando La Union Bishop Daniel Presto ang pamamayani ng kapayapaan sa pamamagitan ng mga panitikan na inilimbag ng mga magagaling na manunulat ng Pilipinas.

Ito ang mensahe ni Bishop Presto, chairman ng Catholic Bishops’ Conference of the Philippines Episcopal

Commission on Catechesis and Catholic Education sa paggunita ngayong Abril bilang Buwan ng Panitikan.
Umaasa ang Obispo na yakapin ng mga kabataan ang pagsusulong ng kapayapaan hindi lamang sa Pilipinas kungdi maging sa buong mundo.

“Kaya nga magbasa po tayong mga kabataan gayundin sa mga katandaan, upang mabalikan natin ang mind ng mga manunulat o panahon na kanilang kinabibilangan, lugar na kinabibilangan. At sa panahon ating balikan ang tema, ang panitikan at ang kapayapaan, ito ay ayon sa ating mga nababasa, isang makahulugang pagtuklas sa mundo ng panitikan para sa kapayapaan at kapayapaan mula sa panitikan, may mga ibat-ibang kwento, tula na mayroon sa mga panitikan na may kinalaman sa kapayapaan,”paalala ni Bishop Presto.

Hinimok ni Bishop Presto ang mga mag-aaral at mamamayang Pilipino na basahin ang panitikang Pilipino upang patuloy na magamit at mailimbag para sa susunod na henerasyon na makilala ang mga manunulat na nakipaglaban para sa kapayapaan o paglaya ng Pilipinas.

Panalangin ng Obispo na sa tulong ng pamahalaan ay maiwaksa ng mga kabataan ang anumang hangarin na magdudulot ng hindi pagkakasundo, kaguluhan at karahasan.

“Lalo na para sa kapayapaan sa ating komunidad na ating kinabibilangan, kaya’t ito ay napakahalaga din para sa mga mag-aaral na makita, mabasa at mapagnilayan, ang ibat-ibang panitikan na isinulat ng ating mga ninuno na may mga mensahe sa kahalagahan ng kapayapaan kung saan ay ninanais na iparating ang mensahe sa pamamagitan ng ibat-ibang panitikan,” panalangin ni Bishop Presyo ngayong Buwan ng Panitikan.

Sa bisa ng Proclamations No.968 noong 2015, itinakda ang buwan ng Abril bilang paggunita sa Buwan ng Panitikan

Ngayong taon, tema ng paggunita ‘Ang Pantikan at Kapayapaan’ kung saan layunin ng Komisyon sa Wikang Filipino, National Commission for Culture and the Arts at National Book Development Board – Philippines na mapalalim ang kaalaman ng mga Pilipino at kabataan sa paggamit ng panitikan sa pagsusulong ng kapayapaan.

Sa pandaigdigang pagkilos ng Economy of Francesco Movement, nakiisa ito sa ‘Reading Marathon’ ng iba’t-ibang panitikan na para sa kaligtasan ng mga kababaihan sa Iran at Afghanistan noong nakalipas na taon at pagsusulong ng kapayapaan sa mga lugar na nagpapatuloy ang digmaan.

16-libong sundalo, makikibahagi sa Balikatan exercises 2024

Wednesday, April 17, 2024 4:02 pm

 10,453 total views

Handang-handa na ang Armed Forces of the Philippines (AFP) sa nalalapit na pagdaraos ng 39th Balikatan Exercises kasama ang Amerika.

Magsisimula ang balikatan exercises sa April 22, 2024, na nakatuon sa tatlong component exercises na kinabibilangan ng control, field training at humanitarian and civic assistance.
Layunin ng mga pagsasanay na mahasa din ang kasanayan at kaalaman ng mga lalahok na sundalo sa cyber defense, humanitarian and disaster response gayundin ang pangangalaga sa kapayapaan at kaligtasan ng mamamayan.

“Together, we speed up our march towards enhancing our military capabilities for maritime security alongside honing other competencies in order to effectively address the dynamic challenges across all domains,” mensahe ni AFP Chief of Staff General Romeo Brawner na ipinadala sa Radio Veritas.

Nabatid na 16-libong sundalo mula sa Philippine Army, Philippine Navy, Philippine Airforce at American Defense forces ang kasali sa Balikatan exercises 2024.

Idadaos sa AFP Camp Aguinaldo sa Quezon City ang opening at closing ceremony ng balikatan habang isasagawa ang exercises sa iba’t-ibang kampo ng A-F-P sa bansa.

“In tandem with military exercises, Balikatan 2024 will incorporate HCA projects aimed at benefiting local communities. Initiatives include the construction of school buildings in Ilocos Norte and Cagayan, as well as health care centers in La Union and Palawan. These endeavors underscore the commitment to fostering sustainable development and strengthening ties between military forces and civilian populations,” mensahe ng AFP.

Naunang ipinanalangin ni Military Ordinariate of the Philippines Bishop Oscar Jaime Florencio ang pagtatagumpay ng mga pagsasanay ng Pilipinas katuwang ang ibat-ibang bansa para sa kapakanan ng mga Pilipino.

Panalangin para sa kaligtasan ng apat na Filipinong seafarers, hiling ni Bishop Santos

Monday, April 15, 2024 1:27 pm

 6,802 total views

Nakikiisa si Antipolo Bishop Ruperto Santos sa mga nangangambang pamilya ng apat na Filipino Seafarers ng Container Ship MSC Aries matapos silang hulihin ng Iranian Forces habang naglalayag sa karagatan ng Hormuz na malapit sa Oman noong April 13.

Ayon sa Obispo na siya ring CBCP-Bishop Promoter ng Stella Maris Philippines, nawa sa kabila ng pagkaipit ng mga Pilipinong mandaragat sa mga katulad ng pangyayari ay makauwi silang ligtas.

Tiwala din si Bishop Santos na tuloy-tuloy ang pakikipag-diyalogo ang pamahalaan ng Pilipinas katulad ng Department of Foreign Affairs at Department of Migrant Workers.

“It is sad news, Like their families we too are worried for their condition, We are so concerned with their safety, In this problematic situation we turn to God for His mercy to keep our four seafarers safe, stable and healthy, We trust our government officials for necessary diplomatic assistance and assurance to exhaust all means to bring them safely home,” mensaheng ipinadala ni Bishop Santos sa Radio Veritas.

Tiniyak din ni Bishop Santos ang pag-aalay ng mga panalangin at misa para sa kaligatasan ng mga Filipino Seafarers kabilang na ang 25-limang crew ng MSC Aries.

Ito ay upang makauwi ng ligtas at mailayo sa anumang kapahamakan ang mga mandaragat na tanging naghahanapbuhay lamang para sa kanilang mga pamilya na naiwan sa kani-kanilang bansa.

“With the prayers and Holy Masses we implore our almighty God to touch the hearts of those who seized the MSC Aries to release them, for respect and promotion of rights and dignity of all MSC Aries crew, and peace may reign at Straight of Hormuz, with our prayers and solidarity with our seafarers and their families,” ayon pa sa mensahe ni Bishop Santos.

Ayon sa datos ng Maritime Industry Authority, aabot sa 400-libo ang bilang ng mga Filipino Seafarers sa ibat-ibang bahagi ng mundo.

Scroll to Top