692 total views
Hinimok ng obispo ng Diyosesis ng Borongan ang mga magulang at mamamayan na patuloy ibahagi ang biyaya ng pananampalataya.
Ito ang bahagi ng liham pastoral ng diyosesis sa pagdiriwang ng 500 Years of Christianity sa Pilipinas ngayong taong 2021.
Ayon kay Bishop Crispin Varquez, malaki ang papel na ginagampanan ng mga magulang upang maipaabot sa susunod na henerasyon ang mga turo ng pananampalatayang kristiyano.
“I specifically encourage and thank parents who take it upon themselves to teach and transmit the beauty and the truth of our Catholic faith to their children. You are doing a very admirable mission. I encourage you to continue,” ayon sa liham pastoral ni Bishop Varquez.
Iginiit ng obispo na bagamat maraming pamamaraan sa paghahayag ng mabuting balita tulad ng internet ay mas mahalagang maging saksi ng katotohanan na naibabahagi ng personal sa paggawa ng mabuti sa kapwa.
Puspusan ang paghahanda ng diyosesis sa 500YOC dahil naging bahagi ang Homonhon island sa Guian Eastern Samar sa makasaysayang pagdating ng Kristiyanismo makaraang dumaong ang grupo ni Ferdinand Magellan sa isla noong Marso 16, 1521.
Sinalubong ang mga espanyol ng mga ninuno ng Samar at malugod na tinanggap ang mga misyonerong kasama ng grupo.
Hinimok ni Bishop Varquez ang bawat isa na maging matatag sa pagpapalago ng pananampalataya sa kabila ng iba’t-ibang hamong kinakaharap.
“May I urge you to remain in your firm conviction; I thank the priests and religious men and women, our GKKs in our chapels, our religious organizations, renewal movements, confradias and our lay faithful who are very creative and passionate in transmitting the treasures of our Catholic faith.”paanyaya ng Obispo
Dalangin ng obispo na maging mabunga ang paggunita sa ikalimang sentenaryo ng kristiyanismo sa bansa kung saan pinalawig ng Catholic Bishops’ Conference of the Philippines ang mga gawain dahil sa mga limitasyong dulot ng pandemya.
