2,889 total views
Kapanalig, sa mataas na halaga ng mga produktong petrolyo, sino ang pinaka-apektado?
Kapanalig, sa patuloy na pagtaas ng halaga ng mga produktong petrolyo sa world market… tinatayang 1.34-milyong Pilipino ang lalong masasadlak sa kahirapan. Ito ay base sa kasalukuyang simulation ng Philippine Institute for Development Studies (PIDS) sa kasalukuyang presyo ng lokal na mga produktong petrolyo.
Sinasabi ng PIDS, kapag umabot sa 145-dollar kada bariles ang halaga ng langis., 3.5-milyong Pilipino ang magugutom.
Kapag patuloy pa sa pagtaas ang presyo ng mga produktong petrolyo, tataas ang antas ng kahirapan sa 15.3-percent hanggang 16.3-porsiyento.
Dahil sa sobrang taas ng halaga ng mga produktong petrolyo… 16.2-percent ng mahihirap na pamilyang Pilipino ay nawalan ng “purchasing power” kumpara sa mayayaman na 3.4-percent lamang.
Kapanalig, sa kasalukuyang oil crisis… kahit ang mga Pilipinong walang sasakyan ay apektado. Kapag tumaas ang presyo ng langis., taas ang presyo ng bigas, karne,gulay,isda.., lahat ng pangunahing bilihin.
Wala nang mura ngayon., ang 50-pesos mo, hindi na makakabili ng isang kilong bigas, kahit 1-fourth ng isang kilong pikamurang isda. Ang mahihirap ang pinaka-apektado, ang mahihirap lalo pang humihirap. Sinasabi ng PIDS ang mga Pilipinong malapit sa poverty line., sila ang babagsak!
Ang pinaka-apektado sa kasalukuyan ay ang mga Pilipinong nasa kanayunan na nakadepende ang kabuhayan sa pagsasaka, tulad sa Bangsamoro Autonomous Region in Muslim Mindanao (BARMM), Visayas, Bicol region at Mindanao.
Ano ang gagawin ng gobyerno Kapanalig? Sa kasalukuyan, alam na ng pamahalaan ang 6.5-milyong vulnerable households tulad ng minimum wage earners, person with disabilities, mga driver na nararapat bigyan ng social protection.
Ang malaking problema sa hinaharap, kung tuluyang malugmok sa kahirapan ang sinasabing vulnerable groups, lalu silang mahihirapang makabangon.
Kapanalig, sinasabi ng EXODUS “22:20-26”- You shall not oppress the poor or vulnerable. God will hear their cry.
Iginiit ni St. John Paul II sa ika-100 taong anibersaryo ng Centesimus Amus: “Love for others, and in the first place love for the poor, in whom the Church sees Christ himself, is made concrete in the promotion of justice.”
Kapanalig, sa kasalukuyan… kulang pa ang ginagawang “social intervention” ng administrasyon ni PBBM upang tugunan., sagipin ang mga mahihirap na Pilipino sa “shockwave” na dulot ng oil price crisis.
Sumainyo ang Katotohanan.
