14,052 total reads
Pinagtibay ng Vatican at Amerika ang ugnayan ng dalawang estado kasunod ng pagbisita ni US Secretary of State Marco Rubio kay Pope Leo XIV.
Bukod sa santo papa nakipagpulong din ang opisyal kay Vatican Secretary of State Cardinal Pietro Parolin at kay Archbishop Paul Richard Gallagher ang kasalukuyang Secretary of the Relations of the States.
Batay sa pahayag ng Holy See, nagkaroon ng ‘cordial talks’ si Rubio sa pagitan ng mga opisyal ng Vatican kung saan pinagtibay ang ugnayan ng dalawang estado.
“The shared commitment to fostering sound bilateral relations between the Holy See and the United States of America was reaffirmed,” ayon sa pahayag ng Holy See.
Tinalakay din sa pulong ang mga kasalukuyang sitwasyon sa rehiyon at maging sa pandaigdigang antas, kabilang na ang mga karahasan at digmaan.
Muling iginiit ni Pope Leo ang paninindigan sa diyalogo bilang mabisang paraan ng pagkakamit ng kapayapaan.
“Views were then exchanged regarding situations on the regional and international levels, with particular attention given to countries experiencing war, political tensions and difficult humanitarian situations as well as the need to work tirelessly for peace,” aniya.
Kabilang sa tinukoy ang mga bansa sa African region at Middle East, lalo’t nagpapatuloy ang mga karahasan sa Lebanon at Iran.
