259,239 total reads
Kapanalig, sinasabi ng Merriam dictionary…, ibig sabihin ng “short change” ay to deprive of or give less than something due: CHEAT
Sa kabila ng matinding epekto ng krisis dulot ng mataas na presyo ng mga produktong petrolyo, pagtaas ng inflation rate na pumalo sa 7.2-percent noong nakalipas na Abril 2026 at mahinang ekonomiya ng bansa. Naisahan na naman tayong mga consumer ng gobyerno at MERALCO.
Kapanalig, hindi natin napapansin ngunit na palang ginagawa ng MERALCO ang “pass-through charges” sa ating mga consumer.
Kasama sa pass-through charges ng MERALCO sa ating electricity bills ang 1. Generation 2. Transmission 3. System loss 4. Distribution 5. Senior citizen 6. Government taxes 7. Universal charges 8. Feed‑in Tariff Allowance 9. Green Energy Auction Allowance 10. Senior Citizen Discount, Lifeline Rate discount for 4Ps beneficiaries
Kapanalig, maging ang local franchise tax at 12 VAT ay sa mga consumer ipinapasa ng MERALCO ang bayarin. Di ba lantarang panloloko ito ng MERALCO sa kanyang mga consumer? Ang paliwanag ng MERALCO, matagal na nilang ginagawa ang pass-through charge dahil sa EPIRA o Electric Power Industry Act of 2001.
Kapanalig, hindi dapat tayong mga consumer na hindi na halos makahinga sa sobrang taas ng halaga ng mga bilihin ang pumapasan sa sobra-sobrang singil na mandato ng EPIRA? Hindi dapat ang taumbayan ang sumalo sa life discount kundi ang MERALCO at kanilang shareholders.
Sa ilalim ng Republic Act 9994, ang mga electric company ay maaring mag-claim ng senior citizen discounts bilang tax deductions hindi ipapasan sa consumers.
Kapanalig, ang MERALCO ay notorious sa over-collections sa kanilang mga consumer. Noong 2025, inatasan ng Energy Regulatory Commission (ERC) ang utility firm na i-refund ang 100-bilyong pisong over-collection. Nai-refund lamang ng MERALCO ay 14.17-bilyong piso.
Dahil sa pass-through charges ng MERALCO, iminungkahi sa Senado na muling pag-aralan ang EPIRA. Pinapakilos din ang ERC na magsagawa ng komprehensibong review sa electricity rates at collection ng utility firm na maaring nagkaroon ng “double-counting” ng inflation costs sa electricity bill mula pa noong 2012.
Napaka-palad naman ng MERALCO, walang kalugi-lugi…protektado pa ng batas…
Kapanalig, napaka-importante sa atin na maging mapanuri lalu na sa mga batas at ipinapatupad na polisiya dahil marami sa mga nakatagong nilalaman nito ay pabor sa mga negosyante, hindi sa mamamayan.
Isinasaad sa Catechism of the Catholic Church 2443: “God blesses those who come to the aid of the poor and rebukes those who turn away from them. “Give to him who begs from you, do not refuse him who would borrow from, you received without pay, give without pay”.
Sumainyo ang Katotohanan.
