68,821 total views
Kapanalig, ang masakit na katotohanan… ang isang karaniwang manggagawa sa National Capital Region (NCR) ay sumasahod lamang ng 695-pesos kada araw at mababa naman sa iba’t-ibang rehiyon sa bansa.
Hiramin natin ang quote ni Kalookan Bishop Pablo Virgilio Cardinal David “Lets do the math” Kapanalig… batay sa opisyal na 2026 General Appropriations Act o GAA 2026, ang kabuuang pondo ng Office of the President at mga tanggapang nasa ilalim nito ay 10,476,038,000-trilyong piso.
Sa nasabing pondo ng OP sa taong 2026 ay official institutional budget pa lamang, hindi pa kasali ang mga komisyon, shares sa pondo ng mga unprogram appropriations, emergency funds at iba pa.
Kapanalig, ang Senate of the Philippines na binubuo ng 24-Senador ay may kabuuang budget na 8,571,988,000 bilyong piso sa GAA 2026.
Mapapabuntong-hininga ka Kapanalig, ang pondo ng isang Senador ngayong 2026 ay 357,166,166-bilyong piso lang naman. Biruin mo: nasa 29.76-milyong piso kada buwan ang budget ng isang Senador at halos isang milyong piso bawat araw ang kanyang lulustaying pondo. Grabe di ba? Bukod pa diyan ang bilyong piso ding komisyon at kickbacks.
Ang House of the Representatives naman na binubuo ng 316 na miyembro ay mayroong 72,702,099 bilyong pisong pondo sa 2026 GAA. Kada buwan, ang isang kongresista ay mayroong 30,069,933-pisong pondo.
Wala pa sa kickbacks ang share sa MAIFIP, TUPAD, AICS, AKAP, intelligence fund at iba’t-ibang proyekto. Nakakalungkot ang katotohanan Kapanalig para isang bansang kulang at binabaha ang mga silid-aralan, kulang ang mga higaan sa mga pagamutan, lubog sa utang ang mga magsasaka at mangingisda, 186-milyong Pilipino ang walang trabaho. Sa pag-aaral ng International Labour Organization(ILO), ngayong 2026..aabot sa 284-milyong manggagawang Pilipino ang patuloy na mamumuhay sa extreme poverty. Habang ang mga Senador at Kongresista ay milyong piso kada araw ang nilulustay na pondo mula sa buwis na ibinabayad nating mga Pilipino.
Sinasabi ng mga mambabatas ang 2026 GAA ay ang pinaka-malinis na national budget. Pero sinasabi naman ng mga oposisyon na ang GAA 2026 ay punong-puno ng pork barrel. Naisingit sa 2026 GAA ang 243-bilyong pisong unprogrammed appropriations. Natigil man ang 545-bilyong pisong korapsyon sa flood control projects ng pamahalaan sa 2025 GAA? Mayroon na namang raket ang mga mambabatas at office of the President sa GAA 2026, pinalitan lang ng pangalan, pero ang sistema ay katulad pa rin.
May pag-asa pa ba tayong hinaharap Kapanalig? Umaasa pa ba tayong masusupil ang katiwalian sa pamahalaan kung ang mismong namumuno at gumagawa ng batas ang pasimuno sa maling gawain?
Kapanalig, huwag nating gawing kultura na ang maling gawain ay OKEY lang. Kumilos ka naman!
Isabuhay natin ang sinasabi ng Catechism of the Catholic Church “273 By “putting away falsehood,” they are to “put away all malice and all guile and insincerity and envy and all slander.”
Sumainyo ang Katotohanan.
