1,015 total views
Layunin ng Living Laudato Si Philippines na maisabuhay ang paggamit ng ‘Economy of Francesco’ (EOF) movement sa bansa.
Ito ang mensahe ni Rodne Galicha – Executive Director ng LLSP isang linggo bago idaos ang online workshop na may titulong ‘๐๐ข๐ฌ๐ญ๐๐ง๐ข๐ง๐ ๐ญ๐จ ๐ญ๐ก๐ ๐๐จ๐ข๐๐๐ฌ ๐จ๐ ๐๐ก๐๐ง๐ ๐: ๐๐๐จ๐ง๐จ๐ฆ๐ฒ ๐จ๐ ๐ ๐ซ๐๐ง๐๐๐ฌ๐๐จ ๐๐ก๐ข๐ฅ๐ข๐ฉ๐ฉ๐ข๐ง๐ ๐๐จ๐ซ๐ค๐ฌ๐ก๐จ๐ฉ ๐๐จ๐ซ ๐๐จ๐ฎ๐ง๐ ๐๐๐จ๐ง๐จ๐ฆ๐ข๐ฌ๐ญ๐ฌ’.
Ayon kay Galicha, sa tulong ng EOF Movement ay dagliang nasisimulan sa buong mundo ang pagpapanibago sa ibat-ibang sistema sa ekonomiya na makadiyos, makatao at makakalikasan.
Sa tulong ng Online Workshop ay inaasahan ng Living Laudato Si na simulan ng tatlumpung kalahok ang mga adbokasiya ng EOF na tutulungang lumago ang ekonomiya kasama ang mga mahihirap ng hindi sinisira ang kalikasan.
“Ating papalalimin ang isang buong pagtingin sa kabutihang dulot ng isang ekonomiyang tinataguyod ang likas-kayang buhay at kabuhayang nakabubuti sa mamamayan lalung-lalo na sa mga dukha at mahihina habang pinayayabong ang pangangalaga ng kasaganaan at balanse ng kalikasan,” ayon sa panayam ng Radio Veritas kay Galicha.
Tampok na tagapagsalita sa gaganaping online workshop sa October 29 sina Rodne Galicha, Viory Janeo – Faculty ng University of Asia and the Pacific at isa sa mga Filipino Delegates ng isinagawang EOF World Meeting noong Setyembre at si John Leo Algo na miyembro ng Youth Empowerment in Climate Action Platform.
“Ang pang-unawa sa kita ay hindi lamang pera kundi ang kabutihan para sa tao at kalikasang pinanunumbalik ang pagkilala at pagmamahal sa Maylikha, tulad ng sabi ng Panginoon kay San Francisco ng Assisi: โAyusin mo ang aking simbahanโ, ito ay hindi lamang ang sambahan kundi ang sangnilikhang magkakaugnay,” ayon pa kay Galicha.
Unang kinilala ng Catholic Bishops’ Conference of the Philippines ang mga kabataang lumahok sa world meeting ng EOF.
