406 total views
Pagsusulong ng kultura ng kamatayan ang pagsusulong ng Kongreso na ibalik ang death penalty sa bansa.
Inihayag ni Malaybalay Bishop Jose Cabantan na kabalintunaan ng selebrasyon ng pasko ng mga katoliko ang pagpupumilit ng pamahalaan na maibalik ang parusang bitay.
Ayon sa Obispo, sa halip na ipinagdiriwang natin ang regalo ng buhay ay sisirain ito ng isang panukalang batas.
Dahil dito, hinimok ni Bishop Cabantan na manindigan ang mga katoliko at isulong ang dignidad at sagradong buhay ng tao.
Iminungkahi naman ng Obispo sa pamahalaan na ipatupad ang tunay na katarungan at restorative justice na siyang magpapayabong sa pagtingin sa buhay ng tao.
“What a sad and contradictory celebration of Christmas when we celebrate the birth of Jesus, who is Life. Yesterday’s feast of the Immaculate Conception also manifests the gift of life from conception till its natural end. With the restoration of death penalty, we are really regressing as people. We are again promoting the culture of death while we should be celebrating the giftedness of life. We should uphold consistently the ethics of life, respect and develop it. This implies the justice system and focus on restorative justice,” pahayag ni Bishop Cabantan sa Radio Veritas.
Nauna ding iginiit ni CBCP Episcopal Commission on Migrant and Itinerant People chairman Balanga bishop Ruperto Santos ang paninindigan ng Simbahan laban sa parusang kamatayan.
See: http://www.veritas846.ph/jesus-god-life-not-death/
Naninindigan din si CBCP Permanent Committee on Public Affairs executive secretary Father Jerome Secillano (http://www.veritas846.ph/justice-system-ayusin-sa-halip-sa-ibalik-ang-death-penalty-ayon-sa-pari/) na dapat ayusin ng pamahalaan ang justice system sa Pilipinas sa halip na sayangin ang pera ng bayan sa pagsusulong ng death penalty.
Sa isang open letter, nagbabala si UN High Commissioner for Human Rights Zeid Ra’ad Al Hussien na lalabagin ng Pilipinas ang obligasyon nito sa ilalim ng International Human Rights Law sa muling pagpapatupad ng parusang kamatayan sa bansa.
