892 total reads
Nakatakdang mag-volunteer ang Parish Vaccination Team ng Diocese of Novaliches sa Mega Vaccination site ng lokal na pamahalaan ng Caloocan sa Caloocan Sports Complex.
Ayon sa Diyosesis ng Novaliches, ang naturang gawain ay naglalayong bigyan ng pagkakataon ang Caloocan City Health Medical Front liners na pansamantalang makapagpahinga.
Nakatakda ang paglilingkod ng Parish Vaccination Team ng Diocese of Novaliches sa Mega Vaccination site ng Caloocan sa ika-28 ng Agosto mula alas-otso ng umaga hanggang alas-singko ng hapon.
Ayon sa Parish Vaccination Team ng Diocese of Novaliches bukod sa pagtugon sa kapakanan ng mga medical frontliners ay bahagi rin ito ng patuloy na paggunita sa ikalawang anibersaryo ng pagiging Obispo ng diyosesis ni Novaliches Bishop Roberto Gaa mula ng magsimula ang pandemya.
“To give the Caloocan City Health Medical Front liners a much needed rest, the Parish Vaccination Team of the Diocese of Novaliches will volunteer in the Mega Vaccination site of the City of Caloocan under Mayor Oscar Malapitan at the Caloocan Sports Complex tomorrow, August 28, from 8:00AM to 5:00PM. This is also a way of Celebrating the 2nd Episcopal Anniversary of our beloved Bishop, MOST REV. ROBERTO O. GAA, D.D. in this time of pandemic.” Ang bahagi ng anunsyo ng Roman Catholic Diocese of Novaliches.
Magmumula ang Parish Vaccination Team ng Diocese of Novaliches sa 9 na mga parokya sa diyosesis na kinabibilangan ng Our Lady of Fatima Parish; Sto.Niño de Congreso Parish; St. Padre Pio Mission Area; Christ the King Parish -BF; Our Lady of Guadalupe Parish; Our Lady of Lourdes Parish; San Jose Amang Mapagkalinga Parish; Holy Cross Parish; at St. John Paul II Parish na pawang binuksan ang kanilang mga Simbahan upang magsilbi ring vaccination sites ng Diyosesis ng Novaliches partikular na sa bahagi ng Caloocan City-North.
