Pekeng pagdadalamhati ni VP Duterte, pinuna ng EJK Priest advocate

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 6,391 total reads

Binigyang-diin ni Arnold Janssen Kalinga Foundation and Program Paghilom founder at president Rev. Fr. Flavie Villanueva, SVD na hindi dapat maging palabas lamang ang pagdadalamhati sa gitna ng lumalalang karahasan sa lipunan.

Ito ang bahagi ng pahayag ng Pari bilang tugon sa naging reaksiyon ni Vice President Sara Duterte kaugnay sa insidente ng pamamaril sa loob ng isang paaralan sa Tacloban City.
Ayon kay Fr. Villanueva, mahalagang magkaroon ng tunay na pananagutan at katapatan mula sa mga pinuno ng pamahalaan lalo na sa mga usaping may kinalaman sa karahasan at kapakanan ng mamamayan.

“Ang pagdadalamhati na walang katapatan ay isa lamang pagtatanghal. Buksan ang mga talaan. Sagutin ang mga tanong na matagal nang hinihingi ng taumbayan. Saka magsalita tungkol sa katarungan para sa ating mga anak. Matagal nang naglilibing ang mahihirap ng napakaraming pangakong nauwi lamang sa wala.” Bahagi ng pahayag ni Fr. Villanueva.

Sa kanyang pahayag, tinanong din ng Pari kung nasaan ang panawagan ng bise presidente para sa pagbabantay at pagiging mapagmatyag noong nawala ang pondo para sa kabataan na hanggang sa kasalukuyan ay wala pa ring malinaw na paliwanag.

Iginiit din ni Fr. Villanueva ang pangangailangang harapin ang epekto ng madugong kampanya kontra ilegal na droga noong nakaraang administrasyong Duterte.
“Ginang Pangalawang Pangulo, nananawagan kayo ngayon ng pagbabantay at pagiging mapagmatyag — ngunit nasaan ito noong naglaho ang pondo para sa ating mga kabataan sa ilalim ng inyong pamamahala, na hanggang ngayon ay walang malinaw na paliwanag at pananagutan? At nasaan ang inyong pagharap sa dugo ng Tokhang — isang kultura ng karahasang itinaguyod ng inyong ama at ng kanyang mga kasamahan, na hanggang ngayon ay patuloy na umaalingawngaw sa karahasang minamana ng ating mga kabataan?” Dagdag pa ni Fr. Villanueva.

Patuloy namang nananawagan ang ilang sektor ng Simbahan at civil society groups para sa katotohanan, pananagutan, at katarungan sa harap ng mga usaping may kinalaman sa karapatang pantao at mabuting pamamahala sa bansa.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 17,067 total reads

 17,067 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 102,472 total reads

 102,472 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 166,315 total reads

 166,315 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 254,479 total reads

 254,479 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 336,704 total reads

 336,704 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

Scroll to Top