Veritas PH

The WORD. The TRUTH.

LINGGO, SETYEMBRE 11, 2022

SHARE THE TRUTH

 422 total views

Ika-24 na Linggo sa Karaniwang Panahon (K)

Exodo 32, 7-11. 13-14
Salmo 50, 3-4. 12-13. 17 at 19

Babalik ako sa Ama,
pagkat ako’y nagkasala.

1 Timoteo 1, 12-17
Lucas 15, 1-32
o kaya Lucas 15, 1-10

Twenty-fourth Sunday in Ordinary Time (Green)

UNANG PAGBASA
Exodo 32, 7-11. 13-14

Pagbasa mula sa aklat ng Exodo

Noong mga araw na iyon, sinabi ng Panginoon kay Moises, “Balikan mo ngayon din ang mga Israelitang inialis mo sa Egipto, naroon at nagpapakasama. Tinalikdan nila agad ang mga utos ko. Gumawa sila ng guyang ginto. Iyon ang sinasamba nila ngayon at hinahandugan. Ang sabi nila’y iyon ang diyos na nag-alis sa kanila sa Egipto. Kilala ko ang mga taong iyan at alam kong matigas ang kanilang ulo. Kung gusto mo, lilipulin ko sila at iyo ko pagmumulain ang isang malaking bansa.”

Nagsumamo si Moises sa Panginoon, “Huwag po! Huwag ninyong lilipulin ang mga taong inialis ninyo sa Egipto sa pamamagitan ng inyong kapangyarihan. Alalahanin ninyo ang mga lingkod ninyong sina Abraham, Isaac at Jacob. Ipinangako ninyo sa kanila na ang lahi nila’y pararamihin tulad ng mga bituin sa langit at magiging kanila habang panahon ang lupaing ipinangako ninyo.” Hindi nga itinuloy ng Panginoon ang balak na paglipol sa mga Israelita.

Ang Salita ng Diyos.

SALMONG TUGUNAN
Salmo 50, 3-4. 12-13. 17 at 19

Babalik ako sa Ama,
pagkat ako’y nagkasala.

Ako’y kaawaan, O mahal kong Diyos,
sang-ayon sa iyong kagandahang loob;
mga kasalanan ko’y iyong pawiin,
ayon din sa iyong pag-ibig sa akin!
Linisin mo sana ang aking karumhan
at ipatawad mo yaring kasalanan!

Babalik ako sa Ama,
pagkat ako’y nagkasala.

Isang pusong tapat sa aki’y likhain,
bigyan mo, O Diyos, ng bagong damdamin.
Sa iyong harapa’y h’wag akong alisin;
ang Espiritu mo ang papaghariin.

Babalik ako sa Ama,
pagkat ako’y nagkasala.

Turuan mo akong makapagsalita,
at pupurihin ka sa gitna ng madla.
Ang handog ko, O Diyos, na karapat-dapat
ay ang pakumbaba’t pusong mapagtapat.

Babalik ako sa Ama,
pagkat ako’y nagkasala.

IKALAWANG PAGBASA
1 Timoteo 1, 12-17

Pagbasa mula sa unang sulat ni Apostol San Pablo kay Timoteo

Pinakamamahal ko, nagpapasalamat ako kay Kristo Hesus na ating Panginoon, na nagbibigay sa akin ng lakas para sa gawaing ito, sapagkat ako’y minarapat niya at hinirang na maging lingkod. Hinirang niya ako upang maglingkod sa kanya bagamat noong una’y nagsalita ako laban sa kanya. Bukod dito’y inusig ko siya’t nilait. Sa kabila nito’y kinahabagan ako ng Diyos sapagkat hindi ko nalalaman ang aking ginagawa noong hindi pa ako naniniwala sa kanya. Iginawad sa akin ng Panginoon ang kanyang masaganang pagpapala, kalakip ang pananampalataya at pag-ibig na nasa atin dahil sa pakikipag-isa kay Kristo Hesus. Narito ang isang katotohanang dapat tanggapi’t paniwalaan ng lahat: si Kristo Hesus ay naparito sa sanlibutan upang iligtas ang mga makasalanan. At ako ang pinakamasama sa lahat. Ngunit kinahabagan ako ng Diyos upang sa nangyari sa akin ay ipakita ni Kristo Hesus kung gaano siya katiyaga, at maging halimbawa ito sa mga mananalig sa kanya at pagkakalooban ng buhay na walang hanggan. Purihin at dakilain magpakailanman ang iisang Diyos, Haring walang hanggan, walang kamatayan, at di nakikita! Amen.

Ang Salita ng Diyos.

ALELUYA
2 Corinto 5, 19

Aleluya! Aleluya!
Pinagkasundo ni Kristo
ang Diyos at mga tao;
kaya’t napatawad tayo.
Aleluya! Aleluya!

MABUTING BALITA
Lucas 15, 1-32

Ang Mabuting Balita ng Panginoon ayon kay San Lucas

Noong panahong iyon, ang mga publikano at ang mga makasalanan ay nagsisilapit upang makinig kay Hesus. Nagbubulung-bulungan ang mga Pariseo at ang mga eskriba. Ang sabi nila, “Ang taong ito’y nakikisalamuha sa mga makasalanan at nakikisalo sa kanila.” Kaya’t sinabi sa kanila ni Hesus ang talinghagang ito.

“Kung ang sinuman sa inyo ay may sandaang tupa, at mawala ang isa, ano ang gagawin niya? Iiwan ang siyamnapu’t siyam sa ilang at hahanapin ang nawawala hanggang sa matagpuan, hindi ba? Kapag nasumpungan na’y masaya niyang papasanin ito. Pagdating sa bahay, aanyayahan niya ang kanyang mga kaibigan at mga kapitbahay. Sasabihin niya, ‘Makipagsaya kayo sa akin, sapagkat nasumpungan ko sa wakas ang tupa kong nawawala!’ Sinasabi ko sa inyo, magkakaroon ng higit na kagalakan sa langit dahil sa isang makasalanang nagsisisi’t tumatalikod sa kanyang kasalanan kaysa siyamnapu’t siyam na matuwid na hindi nangangailangang magsisi.

“O kaya, kung ang isang babae ay may sampung salaping pilak at mawala ang isa, ano ang gagawin niya? Sisindihan niya ang ilaw, wawalisan ang bahay at hahanaping mabuti hanggang sa masumpungan ito, hindi ba? Kapag nasumpungan na ito ay aanyayahan niya ang kanyang mga kaibigan at mga kapitbahay. Sasabihin niya, ‘Makipagsaya kayo sa akin, sapagkat nasumpungan ko sa wakas ang nawala kong salaping pilak!’ Sinasabi ko sa inyo, gayon din ang kagalakan ng mga anghel ng Diyos dahil sa isang makasalanang nagsisi’t tumalikod sa kanyang kasalanan.”

Sinabi pa ni Hesus, “Isang tao ang may dalawang anak na lalaki. Ang wika ng bunso, ‘Ama, ibigay na po ninyo sa akin ang mamanahin ko.’ At binahagi sa kanila ng ama ang kanyang ari-arian. Pagkalipas ng ilang araw, ipinagbili ng bunso ang kanyang ari-arian at nagtungo sa malayong lupain, taglay ang buo niyang kayamanan, at doo’y nilustay na lahat sa di wastong pamumuhay. Nang malustay na niya ang kanyang kayamanan, nagkaroon ng matinding taggutom sa lupaing yaon, at nagdalita siya. Kaya’t namasukan siya sa isang mamamayan ng lupain yaon. Siya’y pinapunta nito sa bukid upang mag-alaga ng baboy. Ibig sana niyang punan ang kanyang pagkain kahit ng mga bungang-kahoy na ipinakakain sa mga baboy ngunit walang magbigay sa kanya. Nang mapag-isip-isip niya ang kanyang ginawa, nasabi niya sa sarili, ‘Ang mga alila ng aking ama ay may sapat na pagkain at lumalabis pa samantalang ako’y namamatay ng gutom dito! Babalik ako sa kanya, at sasabihin ko, “Ama, nagkasala po ako sa Diyos at sa inyo. Hindi na po ako karapat-dapat na tawagin ninyong anak; ibilang na lamang ninyo akong isa sa inyong mga alila.” At tumindig siya at pumaroon sa kanyang ama.

“Malayo pa’y natanawan na siya ng ama at ito’y labis na nahabag sa kanya, kaya’t patakbo siyang sinalubong, niyakap, at hinagkan. Sinabi ng anak, ‘Ama, nagkasala po ako sa Diyos at sa inyo. Hindi na po ako karapat-dapat na tawagin ninyong anak.’ Ngunit tinawag ng ama ang kanyang mga alila, ‘Madali! Dalhin ninyo rito ang pinakamahusay na damit at isuot sa kanya. Suutan siya ng singsing at panyapak. Kunin ang pinatabang guya at patayin; kumain tayo at magsaya! Sapagkat namatay na ang anak kong ito; ngunit muling nabuhay; nawala, ngunit nasumpungan.’ At sila’y nagsaya.

“Nasa bukid noon ang anak na panganay. Umuwi siya, at nang malapit na sa bahay ay narinig niya ang tugtugan at sayawan. Tinawag niya ang isa sa mga alila at tinanong: ‘Bakit? May ano sa atin?’ ‘Dumating po ang inyong kapatid!’ tugon ng alila. ‘Ipinapatay ng inyong ama ang pinatabang guya, sapagkat nagbalik siyang buhay at walang sakit.’ Nagalit ang panganay at ayaw itong pumasok sa bahay. Kaya’t lumabas ang kanyang ama at inamu-amo siya. Ngunit sinabi nito, ‘Pinaglingkuran ko po kayo sa loob ng maraming taon, at kailanma’y hindi ko kayo sinuway. Ngunit ni minsa’y hindi ninyo ako binigyan ng kahit isang bisirong kambing para magkatuwaan kami ng aking mga kaibigan.’ Subalit nang dumating ang anak ninyong lumustay ng inyong kabuhayan sa masasamang babae, ipinagpatay pa ninyo ng pinatabang guya!’ Sumagot ang ama, ‘Anak, lagi kitang kapiling. Ang lahat ng ari-arian ko’y sa iyo. Ngunit dapat tayong magsaya at magalak, sapagkat namatay na ang kapatid mo, ngunit muling nabuhay; nawala, ngunit nasumpungan.’”

Ang Mabuting Balita ng Panginoon.

o kaya: Maikling Pagbasa
Lucas 15, 1-10

Ang Mabuting Balita ng Panginoon ayon kay San Lucas

Noong panahong iyon, ang mga publikano at ang mga makasalanan ay nagsisilapit upang makinig kay Hesus. Nagbubulung-bulungan ang mga Pariseo at ang mga eskriba. Ang sabi nila, “Ang taong ito’y nakikisalamuha sa mga makasalanan at nakikisalo sa kanila.” Kaya’t sinabi sa kanila ni Hesus ang talinghagang ito.

“Kung ang sinuman sa inyo ay may sandaang tupa, at mawala ang isa, ano ang gagawin niya? Iiwan ang siyamnapu’t siyam sa ilang at hahanapin ang nawawala hanggang sa matagpuan, hindi ba? Kapag nasumpungan na’y masaya niyang papasanin ito. Pagdating ng bahay, aanyayahan niya ang kanyang mga kaibigan at mga kapitbahay. Sasabihin niya, ‘Makipagsaya kayo sa akin, sapagkat nasumpungan ko sa wakas ang tupa kong nawawala!’ Sinasabi ko sa inyo, magkakaroon ng higit na kagalakan sa langit dahil sa isang makasalanang nagsisisi’t tumatalikod sa kanyang kasalanan kaysa siyamnapu’t siyam na matuwid na hindi nangangailangang magsisi.

“O kaya, kung ang isang babae ay may sampung salaping pilak at mawala ang isa, ano ang gagawin niya? Sisindihan niya ang ilaw, wawalisan ang bahay at hahanaping mabuti hanggang sa masumpungan ito, hindi ba? Kapag nasumpungan na ito ay aanyayahan niya ang kanyang mga kaibigan at mga kapitbahay. Sasabihin niya, ‘Makipagsaya kayo sa akin, sapagkat nasumpungan ko sa wakas ang nawala kong salaping pilak!’ Sinasabi ko sa inyo, gayon din ang kagalakan ng mga anghel ng Diyos dahil sa isang makasalanang nagsisi’t tumalikod sa kanyang kasalanan.”

Ang Mabuting Balita ng Panginoon.

PANALANGIN NG BAYAN
Ika-24 na Linggo sa Karaniwang Panahon (K)

Dapat maging pampasigla sa atin ang masuyong malasakit ng Panginoon sa mga nasadlak sa pagkakasala. Dumulog tayo sa Kanya nang buong pananalig at ipanalangin natin ang lahat nating pangangailangan. Manalangin tayo:

Mahabaging Panginoon, pakinggan Mo kami!

Para sa Simbahan, ang panlahat na sakramento ng mahabaging pag-ibig ng Diyos: Nawa patuloy siyang magsikap alang-alang sa pagbabalik-loob ng mga makasalanan. Manalangin tayo!

Para sa Santo Papa at lahat ng pinunong espirituwal: Nawa maganyak sila ng habag ng Diyos na maging mahabagin din sa iba. Manalangin tayo!

Para sa mga magulang, guro, at iba pang may pananagutan sa kabataan: Nawa huwag silang masiraan ng loob sanhi ng pagkakapalungi ng kabataan, sa halip ay pagsikapan nila ang pagiging gabay at guro ng mga kabataan. Manalangin tayo!

Para sa mga katekista, mga guro ng Relihiyon, at lahat ng nagtuturo ng pananampalatayang Katoliko sa ating kabataan: Nawa magbungang sagana ang kanilang mga sakripisyo at patuloy silang itaguyod ng buong pamayanan. Manalangin tayo!

Para sa mga lolo’t lola: Nawa maibahagi nila ang kanilang karunungan at pagmamahal sa kanilang mga anak at apo, habang tinatamasa ang respeto at pagkalinga ng kanilang pamilya. Manalangin tayo!

Para sa ating lahat: Nawa tayo’y maging pamayanang patuloy na kumakalinga sa lahat ng kasamahang naligaw, at nagagalak sa kanilang pagbabalik sa tahanan ng Ama. Manalangin tayo!

Tahimik nating ipanalangin ang ating mga pansariling kahilingan. (Tumigil sandali.) Manalangin tayo!

Panginoon, pinasasalamatan namin ang Iyong walang takdang pagmamahal at tiyaga sa aming lahat. Ingatan Mo kami sa piling Mo at tulutan kaming makipagtulungan para sa pagbabalik-loob ng iba. Ikaw na nabubuhay at naghahari magpasa-walang hanggan. Amen!

Veritas Editorial

Rev. Fr. Anton CT Pascual

Rev. Fr. Anton CT Pascual

President of Radio Veritas

Disinformation At Polarization

 11,123 total views

 11,123 total views The dangers of new communication technologies. Sa paggunita ng ika-59 World Communications day, pinuna ni Pope Francis ang “era of disinformation and polarization”. Pinuna ng Santo Papa ang mga makapangyarihang social networks na nagdudulot lamang ng “fanaticism at hatred”. Bilang pagkilala sa mga mamamahayag, nauunawaan ng Santo Papa ang hirap, sakripisyo at responsibilidad

Read More »

Pagkamamamayang for sale?

 18,180 total views

 18,180 total views Mga Kapanalig, ano nga ba ang kahulugan ng pagiging isang Pilipino? Sa isang bill na inihain ni Congressman Joey Salceda para bigyan ng Filipino citizenship ang negosyanteng Tsino na nagngangalang Li Duan Wang, sinabi niyang taglay ng dayuhan ang mga katangian ng isang tunay na Pilipino: mapagmahal, mapagbigay, magalang, mabuti, matapat, nagsusumikap, at

Read More »

Kampanya na!

 26,719 total views

 26,719 total views Mga Kapanalig, nagsisimula ngayong araw, ika-11 ng Pebrero, ang campaign period para sa mga kandidatong tumatakbo para mga pambansang posisyon. Sinong mag-aakalang may opisyal na campaign period pala? Malayung-malayo pa ang eleksyon, kaliwa’t kanan na ang mga patalastas sa TV, radyo, diyaryo, at maging sa social media ng mga pulitiko. Tadtad ng mga

Read More »

Simbahang nakikilahok

 32,275 total views

 32,275 total views Mga Kapanalig, noong huling araw ng Enero, iba’t ibang grupo ang nagkasá ng kilos-protesta para protektahan ang pondo ng bayan. Pangunahing panawagan nila ang pagbibigay-linaw ng administrasyon sa ipinasá nitong budget para ngayong taon. Ikinababahala kasi ng mga grupong ito na baka magamit ang pera ng bayan para sa mga proyektong gagatasan ng

Read More »

Bible Mahalaga Sa Pagbuo Ng Isang Batas

 43,171 total views

 43,171 total views KAPANALIG, nalalapit na naman ang 2025 Midterm national at local elections… Lumabas sa pag-aaral ng PEW Research Center na mayorya sa mga Filipino ang nagpahayag na malaki ang papel ng bibliya(bible) sa pagbuo ng national law sa PIlipinas. Sa survey ng PEW, 51-porsiyento ng mga Filipino ang naniniwalang malaki ang impluwensiya ng “Bible”

Read More »

Watch Live

catholink
Shadow
truthshop
Shadow
DONATE NOW
Shadow

Related Post

Linggo, Pebrero 16, 2025

 195 total views

 195 total views Ika-6 na Linggo sa Karaniwang Panahon (K) Jeremias 17, 5-8 Salmo 1, 1-2. 3. 4 at 6 Mapalad ang umaasa sa Panginoon tuwina. 1 Corinto 15, 12. 16-20 Lucas 6, 17. 20-26 Sixth Sunday in Ordinary Time (Green) UNANG PAGBASA Jeremias 17, 5-8 Pagbasa mula sa aklat ni propeta Jeremias Ito ang sinasabi ng

Read More »

Sabado, Pebrero 15, 2025

 457 total views

 457 total views Sabado ng Ika-5 Linggo sa Karaniwang Panahon (I) o kaya Paggunita sa Mahal na Birheng Maria tuwing Sabado Genesis 3, 9-24 Salmo 89, 2. 3-4. 5-6. 12-13 Poon, amin kang tahanan noon, ngayon at kailanman. Marcos 8, 1-10 Saturday of the Fifth Week in Ordinary Time (Green) UNANG PAGBASA Genesis 3, 9-24 Pagbasa mula sa

Read More »

Biyernes, Pebrero 14, 2025

 737 total views

 737 total views Paggunita kina San Cirilo, monghe, at San Metodio, obispo Genesis 3, 1-8 Salmo 31, 1-2. 5. 6. 7 Mapalad ang pinagbigyang mahango sa kasalanan. Marcos 7, 31-37 Memorial of Sts. Cyril, Monk and Methodius, Bishop (White) Mga Pagbasa mula sa Biyernes ng Ika-5 Linggo sa Karaniwang Panahon (I) UNANG PAGBASA Genesis 3, 1-8 Pagbasa

Read More »

Huwebes, Pebrero 13, 2025

 1,003 total views

 1,003 total views Huwebes ng Ika-5 Linggo sa Karaniwang Panahon (I) Genesis 2, 18-25 Salmo 127, 1-2. 3. 4-5 Mapalad ang sumusunod na taong may takot sa D’yos. Marcos 7, 24-30 Thursday of the Fifth Week in Ordinary Time (Green) UNANG PAGBASA Genesis 2, 18-25 Pagbasa mula sa aklat ng Genesis Sinabi ng Panginoon Diyos, “Hindi mainam

Read More »

Miyerkules, Pebrero 12, 2025

 1,280 total views

 1,280 total views Miyerkules ng Ika-5 Linggo sa Karaniwang Panahon (I) Genesis 2, 4b-9, 15-17 Salmo 103, 1-2a. 27-28. 29bk-30 Panginoo’y papurihin, aba kong sariling buhay. Marcos 7, 14-23 Wednesday of the Fifth Week in Ordinary Time (Green) UNANG PAGBASA Genesis 2, 4b-9, 15-17 Pagbasa mula sa aklat ng Genesis Nang likhain ng Panginoon ang lupa at

Read More »

Martes, Pebrero 11, 2025

 1,474 total views

 1,474 total views Paggunita sa Mahal na Birheng Maria ng Lourdes Isaias 66, 10-14k Judith 13, 18bkde. 19 Pinupuri kang lubusan ng lahat sa ating bayan. Juan 2, 1-11 Memorial of Our Lady of Lourdes (White) UNANG PAGBASA Isaias 66, 10-14k Pagbasa mula sa aklat ni propeta Isaias Magalak ang lahat, magalak kayo dahil sa Jerusalem, ang

Read More »

Lunes, Pebrero 10, 2025

 1,680 total views

 1,680 total views Paggunita kay Santa Escolastica, dalaga Genesis 1, 1-19 Salmo 103, 1-2a. 5-6. 10 at 12. 24 at 35k Ang Poon ay natutuwa sa kanyang mga nilikha. Marcos 6, 53-56 Memorial of St. Scholastica, Virgin (White) Mga Pagbasa mula sa Lunes ng Ika-5 Linggo sa Karaniwang Panahon (I) UNANG PAGBASA Genesis 1, 1-19 Ang simula

Read More »

Linggo, Pebrero 9, 2025

 634 total views

 634 total views Ika-5 Linggo sa Karaniwang Panahon (K) Isaias 6, 1-2a. 3-8 Salmo 137, 1-2a. 2bk-3. 4-5. 7k-8 Poon, kita’y pupurihin sa harap ng mga anghel. 1 Corinto 15, 1-11 o kaya 1 Corinto 15, 3-8. 11 Lucas 5, 1-11 Fifth Sunday in Ordinary Time (Green) UNANG PAGBASA Isaias 6, 1-2a. 3-8 Pagbasa mula sa aklat ni

Read More »

Sabado, Pebrero 8, 2025

 2,112 total views

 2,112 total views Sabado ng Ika-4 na Linggo sa Karaniwang Panahon (I) o kaya Paggunita ka San Jeronimo Emiliano o kaya Paggunita kay Santa Josefina Bakhita, dalaga o kaya Paggunita sa Mahal na Birheng Maria tuwing Sabado Hebreo 13, 15-17. 20-21 Salmo 22, 1-3a. 3b-4. 5. 6 Pastol ko’y Panginoong D’yos, hindi ako magdarahop. Marcos 6, 30-34 Saturday of

Read More »

Biyernes, Pebrero 7, 2025

 2,288 total views

 2,288 total views Biyernes ng Ika-4 na Linggo sa Karaniwang Panahon (I) Hebreo 13, 1-8 Salmo 26, 1. 3. 5. 8b-9abk Panginoo’y aking tanglaw, siya’y aking kaligtasan. Marcos 6, 14-29 Friday of the Fourth Week in Ordinary Time (Green) UNANG PAGBASA Hebreo 13, 1-8 Pagbasa mula sa sulat sa Mga Hebreo Mga kapatid, magpatuloy kayong nag-iibigan bilang

Read More »

Huwebes, Pebrero 6, 2025

 2,424 total views

 2,424 total views Paggunita kina San Pedro Bautista, San Pablo Miki at mga Kasama, mga martir Hebreo 12, 18-19. 21-24 Salmo 47, 2-3a. 3b-4. 9. 10-11 Awa mo’y nagunita ko sa loob ng iyong templo. Marcos 6, 7-13 Memorial of Sts. Pedro Bautista, Paul Miki and Companions (Red) Mga Pagbasa mula sa Huwebes sa Ika-4 na Linggo

Read More »

Miyerkules, Pebrero 5, 2025

 2,658 total views

 2,658 total views Paggunita kay Santa Agata (Agueda), dalaga at martir Hebreo 12, 4-7. 11-15 Salmo 102, 1-2. 13-14. 17-18a Pag-ibig mo’y walang hanggan sa bayan mong nagmamahal. Marcos 6, 1-6 Memorial of St. Agatha, Virgin and Martyr (Red) Mga Pagbasa mula sa Miyerkules ng Ika-4 na Linggo sa Karaniwang Panahon (I) UNANG PAGBASA Hebreo 12, 4-7.

Read More »

Martes, Pebrero 4, 2025

 2,799 total views

 2,799 total views Martes ng Ika-4 na Linggo sa Karaniwang Panahon (I) Hebreo 12, 1-4 Salmo 21, 26b-27. 28 at 30. 31-32 Magpupuri kailanpaman ang tinawag ng Maykapal. Marcos 5, 21-43 Tuesday of the Fourth Week in Ordinary Time (Green) UNANG PAGBASA Hebreo 12, 1-4 Pagbasa mula sa sulat sa mga Hebreo Mga kapatid, yamang naliligid tayo

Read More »

Lunes, Pebrero 3, 2025

 2,814 total views

 2,814 total views Lunes ng Ika-4 na Linggo sa Karaniwang Panahon (I) o kaya Paggunita kay San Blas, obispo at martir o kaya Paggunita kay San Anscar (Oscar), martir Hebreo 11, 32-40 Salmo 30, 20. 21. 22. 23. 24 Magpakatatag ang tanang may tiwala sa Maykapal. Marcos 5, 1-20 Monday of the Fourth Week in Ordinary Time (Green) or Optional

Read More »

Linggo, Pebrero 2, 2025

 3,085 total views

 3,085 total views Kapistahan ng Pagdadala kay Hesus na Panginoon sa Templo Malakias 3, 1-4 Salmo 23, 7. 8. 9. 10. D’yos na makapangyariha’y dakilang hari kailanman. Hebreo 2, 14-18 Lucas 2, 22-40 o kaya Lucas 2, 22-32 Feast of the Presentation of the Lord (White) World Day for Consecrated and Religious Life Day of Prayer and Awareness

Read More »
Scroll to Top