“Theater that seeks to represent the absurdity of human existence in a meaningless universe by bizarre or fantastic means”.
Kapanalig, ito ang tawag ni Cardinal Pablo Virgilio David sa paraan kung paano hinahawakan ng pamahalaan ang online gambling. Hinatulan ng Cardinal ang mga opisyal ng pamahalaan, mga mambabatas na guilty sa salang “moral negligence” nang payagan ang walang kahirap-hirap na access sa mga online betting platforms”.
Ang laganap na online gambling na ginawang legal ng gobyerno ay isa nang kanser at makabagong mental health crisis. Gusto ng simbahan na tuluyang pagbabawal o total ban sa lahat ng uri ng online gambling. Ang sagot ng pamahalaan, hindi puwede ang total ban..,maari lang daw itong i-regulate.
OO nga naman Kapanalig, bakit mo tuluyang ipagbawal ang online gambling? Marami ang ninipis ang bulsa. Biruin mo, 154.51 bilyong piso ang mawawala sa revenue ng pamahalaan ng Pilipinas kung iba-ban ang nakaka-adik na sugal. Katwiran ng PAGCOR, hindi puwede ang kahilingan ng simbahan, mawawalan ng pondo ang mga social programs ng pamahalaan. Kailangan lang naman na i-regulate ang online gambling para hindi makapasok ang mga kabataan. Paano kontrolin ng pamahalaan ang mga digital natives?
Importante sa PAGCOR ang bilyun-bilyong pisong kita sa online gambling, wala itong pakialam sa malalang epekto ng addiction sa sugal sa mga Pilipino lalu na ang mga kabataan.
Kapanalig, sang-ayon ka ba sa lohika ng pamahalaan na isinaligal ang sugal dahil malaki ang kita dito? Kung ito ang katwiran ng gobyerno, iminungkahi ni Cardinal David na gawin na ring legal ang lahat ng nagdudulot ng adiksyon tulad ng shabu? Paano mo nga naman gawing legal ang isang gawaing kriminal?
Kapanalig, anong reasoning ang papanigan mo? Malaking kita kapalit ng mawawasak o masisira na milyun-milyong pamilya at kinabukasan?
Huwag nating isugal ang kinabukasan ng bansa., ng mga mamamayan sa pansamantalang kinang ng salapi. Ang tao, ang kinabukasan ng isang bansa.
Tinagurian pa ng lider ng simbahan ang online gambling na “modern-day slavery” katulad ng adiksyon sa social media. Kapanalig, totoo ang slavery (pagkakaalipin), pero kung totoo ang slavery sa bansa, totoo din ang pangakong kalayaan ng panginoon. Ang simbahang katolika ay lugar o place of liberation.
Kapanalig, ipinapaunawa sa atin ng “Timothy 6:10-For the love of money is a root of all kinds of evil. Some people, eager for money, have wandered from the faith and pierced themselves with many griefs.”
Tinawagan din tayo na isinabuhay ang “Hebrews 13:5-Keep your lives free from the love of money and be content with what you have, because God has said, ‘Never will I leave you; never will I forsake you.’”
Sumainyo ang Katotohanan.
