Muling umaapela ang Coalition Against Death Penalty (CADP) sa mga mambabatas ng 20th Congress of the Philippines na tuluyang isantabi ang mga hakbang upang ibalik ang death penalty o parusang kamatayan sa bansa.
Ginawa ni running Priest Father Robert Reyes ang panawagan sa paggunita sa ika-19 taong anibersaryo ng Republic Act 9346 o Death Penalty Abolition Law.
Hinimok ng pari ang mga mambabatas na pagtuunan ng pansin ang pagpapahalaga sa buhay, pagsugpo sa kahirapan at pantay na katarungan para sa bawat Pilipino.
Nanawagan din ang pari sa mga mananampalataya na magkaroon ng “perpetual vigilance” sa ginagawang shortcut ng mga mambabatas.
“Perpetual Vigilance – kasi eto na naman, yung Quadcom, nagpahiwatig na naman sila na kailangan ibalik ang death penalty. Para bang ‘never dying recurring issue’ na baka ibalik, kasi shortcut , they like shortcuts rather than spend on prevention, kasi bakit may crime, dahil number one, mahirap ang tao, number two, yung justice system does not really punish the guilty, it punishes people who have committed petty crimes, people who are ‘innocent’ pero may nakalaban na makapangyarihan, people see that justice does not work here, that is one factor that encourages criminality, pero yung mas maganda meron programa para ‘people don’t fall into crime,” ayon sa panayam ng Radyo Veritas Fr.Reyes.
Ipinagdasal din ni Father Reyes na magkaroon ng mas maayos na rehabilitation system ang mga Pilipinong mahuhuling sa droga at mga nagkasala sa batas.
“There are very essential issues like; correcting our penal systems, ang dami, punongpuno ang mga preso natin, 80% drug related, buti inabolish yung death penalty 19 years ago, pero walang kasawa-sawa – mayroon pa ring mga senador at kongresista na gustong gusto itong ‘shortcut,” ayon pa sa panayam ng Radyo Veritas kay Fr.Reyes.
Taong 2006 ng lagdaan ni dating Pangulong Gloria Macapagal Arroyo ang Republic Act No.9346 o ang Death Penalty Abolition Law.
