366 total views
Tiniyak ni Environment Secretary Gina Lopez na pananagutin ang Petron Bataan Refinery Complex sa bayan ng Limay upang matigil na ang mapaminsalang gawain ng planta.
Sagot ito sa petisyon ng mga residente laban sa kumpanya dahil mapinsalang ibinubuga ng planta na nagdudulot na ng karamdaman.
Karamihan sa nagkaroon ng hika at respiratory disease ay mga bata at matatanda.
“I will ask [SMC president] Ramon Ang to submit an application to transport the ash, so that we can process it immediately, I am sure that Mr. Ang would not do something that would jeopardize a billion-dollar operation. I commit and make sure that you (the community) would be okay,” bahagi ng pahayag ni Lopez.
Kaugnay nito, inihahanda na ng Department of Environment and Natural Resources ang ilalahad nitong notice on violation laban sa Petron Bataan Refinery na pag-aari ng San Miguel Corporation Consolidated Power Corporation.
Tiniyak ng DENR na aalisin ng PBR sa Limay, Bataan ang mga ash stockpile.
Ang Petron Bataan Refinery ang pinakamalaking kumpanya na nagsu-suplay ng crude oil sa bansa na may kakayahang makapag produce ng 25,000 barrels ng krudo kada araw.
Una nang inihayag ng Kanyang Kabanalan Francisco sa Laudato Si na hindi maaaring mapahintulutan ang mga gawaing sisira sa kalikasan at magdudulot ng pinsala sa mamamayan lalo na sa mga mahihirap.
