51,657 total reads
Kapanalig, nasa krisis ang edukasyon sa ating bayan. Napakarami ang mga hamon na kailangang harapin sa sektor. Napakatagal ng isyu ito, ang patuloy na pagpapabaya sa problemang kinakaharap ng sektor ng edukasyon ay lalong nagpapahirap sa mga maralita. Ito ay nagpapakita ng ating pagkukulang sa lipunan. Bilang mga magulang.. pangarap at obligasyon mo na mapag-aral at mapagtapos ng karera sa kolehiyo ang iyong mga anak.
Bukod sa kakulangan ng mga guro, maayos na pasilidad…Lumabas sa pag-aaral ng Philippine Institute for Development Studies (PIDS) na nagiging balakid sa kinabukasan ng higher education institutions(HEIs) ang “financial instability”. Natuklasan sa pag-aaral ng PIDS na may titulong “Financial Sustainability of Higher Education Institutions in the Philippines: Issues, Challenges and Opportunities”, na ang dependensiya ng HEIs sa tution fees (matrikula) at pampublikong HEIs sa government subsidies ay lumilikha ng kahinaan at lamat sa higher education system ng bansa.
Ibinabala din ng PIDS na marami sa mga pribado at pampublikong paaralan ay nahihirapang ipagpatuloy ang operasyon dahil sa mga outdated na regulasyon, political disruptions at mataas na operational costs. Dulot ng mga problemang ito ay nalalagay sa alanganin ang pinansiyal na kalagayan ng mga HEIs.
Malaki at nababawasan din ang enrollment sa mga pribadong HEIs dulot ng “free tuition policy” ng pamahalaan sa mga pampublikong paaralan. Sinasabi ng mga eksperto na dapat ibigay ng pamahalaan ang scholarship sa mga nangangailangan nito, at palawakin ang scholarship program kasama ang pribadong HEIs students.
Tinukoy din sa pag-aaral ang problema sa kawalan ng “long term direction” sa Commission on Higher Education (CHED). Ika nga Kapanalig, “It goes with the wind. Whatever the political breeze is”. Napapanahon ng ilagay sa CHED ang mga career officials mula sa academe… hindi mga political appointee na walang alam sa pagpapatakbo ng sektor ng edukasyon. Kapag nagpalit ng pamumuno, iba na naman ang polisiyang ipapatupad. Ang sektor ng edukasyon ay nangangailangan ng matatag na pundasyon hindi niyayanig ng mga pulitiko.
Ang krisis sa edukasyon ay isang wake-up call sa mga policy makers at educators na magkaisa upang matugunan ang problema.
Sa talaan ng CHED, mayroong 1,708 ang mga pribadong HEIs, 137 naman ang Local Universities and Colleges, 113 ang State Universities and Colleges (SUC) habang 546 ang State Universities and Colleges at 13 ang Other Government Schools (OGS) sa bansa.
Kapanalig, tinututukan at pinapalawak ng Caritas Manila, ang social arm ng Archdiocese of Manila ang scholarship na Youth Servant Leadership Education Program (YSLEP) na mayroong 4,240 scholars mula sa iba’t-ibang panig ng bansa. Ang YSLEP ay magandang programa sa poverty eradication o masugpo ang kahirapan sa bansa. Binigyan-diin ng pinuno ng Caritas Manila na “education is the best social equalizer”.
Ipinaalala ni Pope Francis sa kanyang encyclical na Amoris Laetitia Chapter 7: (259) Towards a better education for children “Parents always influence the moral development of their children, for better or worse”.
Sumainyo ang Katotohanan.
