3,776 total views
Ang kahihiyan ng kasalanan ay di natin kayang takasan, tulad ni Simon Pedro sa harap ng nagbabagang apoy—kung saan siya’y minsang nagtaksil, doon din siya binigyan ni Hesus ng pagkakataong bumawi. Sa muling pagtanong ng Panginoon, ‘Iniibig mo ba ako?’ tayo rin ay inaanyayahang umusad mula sa kahapon, hindi lang sa salita kundi sa gawa—sa tunay na pagmamalasakit at paglilingkod sa kapwa. Sa panahong tayo’y mamimili ng mga pinuno sa simbahan at lipunan, piliin natin yaong may kababaang loob, may malasakit, at may pusong handang magmahal at maglingkod gaya ni Kristo.
