29,564 total reads
Personal na binisita ni Malolos Bishop Dennis Villarojo ang kasalukuyang isinasagawang Diocesan Media Center (DMC) para sa Commission on Social Communications ng diyosesis.
Kasama si Rev. Fr. Joseph Franz T. Dizon na siyang chairman ng komisyon ay personal na ininspeksyon ng Obispo ang pagsasagawa sa tanggapan para sa pagsusulong sa misyon ng diyosesis na paggamit sa makabagong teknolohiya sa pagpapalaganap ng ebanghelyo.
Sa ibinahaging mga larawan at impormasyon ng Diocese of Malolos – Commission on Social Communications sa Facebook page nito, inihayag ng komisyon ang pagpapatayo ng tanggapan upang matiyak ang pagsasakatuparan sa kanilang misyon na magkaloob ng faith-filled digital content para sa mga mananampalataya saan man panig ng mundo.
“We’re halfway through the construction of our soon-to-rise Diocesan Media Center (DMC)—a space dedicated to producing high-quality, faith-filled digital content for our community. Recently, Bishop Dennis Villarojo, together with Fr. Franz Dizon, visited the site to personally witness the progress and express their support for this important mission. Once completed, the DMC will become a powerful tool for evangelization—through livestreams, video productions, and digital media that bring the Gospel to wherever people are.” Bahagi ng mensahe ng Diocese of Malolos – Commission on Social Communications.
Nanawagan naman ang komisyon ng patuloy na panalangin at suporta sa itinatayong tanggapan nito para sa ganap na pagsasakatuparan ng misyon ipalaganap ang ebanghelyo sa kasalukuyang panahon gamit ang makabagong teknolohiya.
Ayon sa komisyon layunin ng diyosesis na sa pamamagitan ng digital evangelization ay patuloy na makapaghatid ng liwanag, pag-asa, at katotohanan ang Simbahan para sa lahat.
“We still need your support to finish the center and install the necessary broadcast equipment. Together, let’s build a home for digital evangelization—one that brings light, hope, and truth to all.” Dagdag pa ng komisyon.
Para sa mga nagnanais na tumulong at makibahagi sa patuloy na pagsasa-ayos sa isinagsawagang Diocesan Media Center (DMC) ng Commission on Social Communications ng Diyosesis ng Malolos ay maaring makipag-ugnayan sa komisyon sa kasalukuyang tanggapan nito sa Diocesan Commission on Social Communications Office na matatagpuan sa ikatlong Palapag ng Diocesan Pastoral Center (Chancery) sa Lungsod ng Malolos, Bulacan o kaya naman ay mag-email sa [email protected] o tumawag sa numero bilang 0962 865 4972.
