122,635 total reads
Ipagbawal ang online gambling? Malabo., malayo pa ito sa katotohanan., hindi ito mangyayari!
Sa kabila ng malakas na sigaw ng simbahan, mga mambabatas, iba’t-ibang sektor ng lipunan na tuluyang ipagbawal ang online gambling., wala ito sa bukabolaryo ng pamahalaan lalu na kay pangulong PBBM.
Naniniwala si PBBM na ang pagawang ban sa online gambling ay hindi makakaresolba sa problema sa sugal na sinasabing kanser o plague of the nation. Dapat daw na pag-aralang mabuti ang “full impact” ng ban.
May solusyon dito sa PBBM, inoorganisa ng pamahalaan ang tinatawag nilang “conclave” na pagsasamahin ang lahat ng stakeholders., tinukoy ang CBCP na nangunguna sa total ban ng online gambling., kabilang din ang mga eksperto sa addiction, kailangan din daw marinig ang panig mga magulang., mga guro., PNP kung ano ang epekto ng sugal sa nagaganap na krimen.
Aminado ang pangulo na mayroong social cost ang ban sa online gambling., pero naman ang kita dito ang pagdadalawang isip ng pamahalaan na tuluyan itong ipagbawal. Gusto lamang pala malaman ng punong ehekutibo kung ang online gambling ba ang problema o ang adiksyon dito?
Kapanalig, hindi pinag-uusapan dito kung ano ang “leaser-evil”., hindi nakasalalay dito kung magkano ang mawawalang kita ng gobyerno., nakataya dito ay ang mawawasak na kinabukasan at pamilya ng mga Pilipinong gumon sa online gambling.
Sa kanyang tugon sa letter na ipinadala sa kanya ng PAGCOR, iginiit ni CBCP President Kalookan Bishop Pablo Virgilio Cardinal David … “No tax revenue is worth the shattered lives, families, and futures lost to gambling addiction.”
Sa 130th CBCP Plenary assembly, nanindigan ang CBCP sa ipinalabas na pastoral letter “The CBCP has remained firm on its stance to condemn the grave impacts of online gambling to many Filipinos, particularly to the youth. It also called on the government to ban all forms of online gambling as it described the growing addiction as a “moral crisis” affecting the country.”
Noong ika-7 ng Agosto, kinuwestiyon ni Cardinal David ang ilang dekadang batas laban sa iligal na sugal makaraang mamatay ang isang 20-taong gulang na “altar boy” nang madakip at makulong ang ama dahil sa paglalaro ng Cara Y Cruz, isang maliitang larong kalye.
Lubhang ikinakalungkot ni Cardinal David ang katotohanang, nakulong ang isang kapuspalad sa paglalaro ng small time n acara y cruz, samantalang powerless ang lahat laban sa biggest gambling operator sa negosyo ng sugal., ang gobyerno mismo sa pamamagitan ng PAGCOR.
Kapanalig, powerless nga tayo sa usapin ng online gambling..Ang bola ay nasa-kamay ng presidente ng Pilipinas, nasa kanya kung ibubuslo ba niya ito sa basurahan o hahawakan lamang niya ito hanggang sa maglaho ang usapin., mainip ang taumbayan sa kanyang tugon.
Maaring sa pamamagitan ng sama-sama nating pagdarasal., matinag natin ang konsensiya., mahipo natin ang damdamin ng pangulo ng bansa na magdesisyon para sa kinabukasan ng mga taong kanyang pinaglilingkuran.
Sumainyo ang Katotohanan.
