129,548 total reads
Sila ang pinagpala., ang 15 kumpanyang ito ang nakakuha ng mahigit sa 100-bilyong pisong flood control projects 0 20-porsiyento ng kabuuang flood control projects sa buong Pilipinas.
Kapanalig, mayroong 6,021 na flood control projects na nagkakahalaga ng P350 billion. Ang masaklap,ang uri ng flood control structures na ginawa, kinumpuni o isinailalim sa rehabilitasyon ay hindi specified.
Ang lucky 15 ay kinabibilangan ng Legacy Construction Corporation, Alpha & Omega General Contractor & Development Corporation, St. Timothy Construction Corporation, QM Builders, EGB Construction Corporation, Topnotch Catalyst Builders Inc., Centerways Construction and Development Inc., Sunwest Inc., Hi-Tone Construction & Development Corporation, Triple 8 Construction & Supply Inc., Royal Crown Monarch Construction & Supplies Corporation, Wawao Builders, MG Samidan Construction, L.R. Tiqui Builders Inc., and Road Edge Trading & Development Services.
Nakapasuwerte ng mga kumpanyang ito Kapanalig, sila ang laging nanalo sa bidding., sa kanila lang ini-award ang multi-bilyong pisong kontrata. Ang nakakalungkot, mga depektibo at substandard ang kanilang mga proyekto., bukod sa malasadong proyekto, ang mga kumpanyang ito ay sangkot sa maraming “ghost flood control projects” o mga proyekto na hindi nag-eexist o proyekto lamang sa papel.
Natuklasan sa pagbubunyag ng Office of the President na ilan sa mga kumpanyang ito ay konektado at pag-aari ng mga pulitiko. Base sa website ng DPWH, ang Alpa & Omega ay pag-aari ni Cesarah Rowena Discaya, na natalo kay Pasig City Mayor Vico Sotto sa nakaraang 2025 midterm elections.
Ang Sunwest Inc., naman ay itinatag noong 1997 ni AKO Bicol Rep. Elizaldy Co kung saan nakatala namang pangulo ay si Aderma Angeles. Akalain mo Kapanalig, ang isang bilyunaryo ay nanalong partylist representative. Sa ilalim ng Saligang Batas o 1987 constitution, ang partylist ay nararapat nirerepresenta ng isang mahirap na sektor. Bakit ito nakalusot sa COMELEC?
Kapanalig, ang Centerways Construction and Development Inc., kabilang din sa Lucky 15 ay pag-aari ni Lawrence Lubiano. Si Lubiano lang naman ang top donors ni Senate President Francis Chiz Escudero ng tumakbo ito sa Senado noong 2022 elections. 30-milyon lang naman ang ibinigay nito kay Escudero, kaya bumabawi lang sa utang na lood ang Senador.
Sa kasalukuyan, hindi pa idineklara ang mga kumpanyang ito na imbalido o hindi na maaring mag-bidding sa alinmang government projects. Kapag, hindi tayo naging mapagbantay Kapanalig, makakalusot na naman ang mga kumpanyang ito, lalo’t pinag-uusapan sa kasalukuyan ang panukalang 6.793-trilyong pisong budget para sa taong 2026. Hindi lingid sa ating kaalaman na nailusot ni Senate President Escudero ng minute ang kanyang budget insertions na mahigit sa isang trilyong piso sa bicam report na nilagdaan ng pangulong Marcos.
Kapanalig, ipinagdarasal natin na maging malinis ang budhi ng mga namumuno sa pamahalaan at mga indibidwal na laging isaalang-alang ang kapakanan ng kapwa kaysa magpataba ng bulsa.
Harinawa manaig sa puso ng mga lider ng bansa ang sinasabi ng Proverbs 28:16 “A ruler who lacks understanding is a great oppressor, but he who hates unjust gain will prolong his days.” At Proverbs 14:31“Those who oppress the poor insult their Maker, but helping the poor honors Him.”
Sumainyo ang Katotohanan.
