27,038 total views
Partnership ng Caritas Manila at Big Bad Wolf, naging matagumpay
Nagpapasalamat at nagagalak ang Caritas Manila sa matagumpay na pakikipagtulungan sa isa sa mga pinakamalaking international roving book convention nang ‘Big Bad Wolf’.
Ito ay matapos makalikom ng sapat na mga librong handog para sa pag-aaral ng mga Youth Servant Leadership and Education Program sa book convention na idinaos sa Filinvest Tent sa Alabang ngayong Oktubre.
“Big Bad Wolf Ph supports Segunda Mana! Thank you for your generosity! #CaritasManila #CharityWorks #BigBadWolf,” mensahe ng Caritas Manila sa ‘Big Bad Wolf’.
Naging matagumpay din ang Red Readerhood (RRH) program kung saan nagbahagi ang Big Bad Wolf ng 100 libro sa Caritas Manila.
“A huge thank you to all our amazing Wolfies who joined us in supporting Caritas Manila during the Big Bad Wolf Book Sale at Filinvest Tent, Alabang. Your kindness and support help us share the joy of reading with more communities.To continue our shared mission, Big Bad Wolf Books donated 100 books to Caritas Manila— another step toward changing the world, one book at a time. “ayon naman sa mensahe ng Big Bad Wolf.
Kada taon, umaabot sa isang libong mga YSLEP scholars ang mga nagsisipagtapos ng karera sa kolehiyo na nagiging miyembro ng Caritas Manila Scholars Alumni Association o CAMASA upang maisakatuparan ang ‘enrollment to employment’ initiative.
