394 total views
Itinalaga ni Pangulong Ferdinand Marcos Jr. si dating Sen. Francis Tolentino bilang acting Secretary ng Department of Labor and Employment (DoLE).
Ayon kay PCO Usec Claire Castro, manunumpa sa tungkulin si Tolentino ngayong araw sa Malacañan.
Si Tolentino ang hahalili kay outgoing Secretary Bievenido Laguesma na nagbitiw sa tungkulin dulot na rin ng kaniyang mahinang kalusugan.
“Tiwala si Pangulong Marcos Jr. na mapamumunuan ni incoming Acting Secretary Tolentino ang DOLE dahil sa kanyang kakayahan at malawak na karanasan sa paghawak ng mahahalagang tungkulin sa pamahalaan— lokal o nasyonal,” ayon kay Castro.
Si Laguesma, ay unang naglingkod bilang kalihim ng DoLE noong 1998 hanggang 2001 sa administrasyon ni dating Pangulong Joseph Estrada.
Taong 2022 nang muling italaga bilang kalihim sa ilalim ng administrasyon ni Pangulong Marcos Jr.
Habang si Tolentino na dating senador ay hindi pinalad na magwagi sa nakalipas na halalan na tumakbo bilang re-electionist sa ilalim ng Alyansa para sa Bagong Pilipinas ng administrasyon.
