31,770 total views
Nilagdaan na ni Pangulong Ferdinand Marcos Jr. ang bagong batas na layong palakasin ang National Housing Authority o NHA.
Sa ilalim ng batas, pinalawig ang operasyon ng NHA bilang isang ahensyang may mas malawak na kapangyarihan para magpatuloy sa pagbibigay ng abot-kayang pabahay sa mga nangangailangan.
Sa ilalim ng administratibong pamamahala ng Department of Human Settlements and Urban Development (DHSUD), itataas ang kapital ng NHA mula ₱5 bilyon patungong ₱10 bilyon.
Sinasaad din ng bagong batas na maari nang bumili, magbenta, at humawak ng mga ari-arian ang NHA, at magsampa ng kaso kung kinakailangan para sa kanilang mga proyekto.
Inaatasan din ang tanggapan na gumawa ng data base ng mga pamilyang naninirahan sa mga mapanganib na lugar gaya ng tabing ilog, gilid ng bangin, at mga lugar na tatamaan ng mga proyekto ng pamahalaan.
Layon ng batas na mas mapabilis at mapabuti ang serbisyo ng NHA para makapagbigay ng mas ligtas at disenteng pabahay sa bawat Pilipino.
