CBCP, hiniling sa pamahalaan na ikonsedera deportation ni Sister Fox

Malikhaing pagpapahayag ng ebanghelyo, apela ni Pope Leo XIV sa mananampalataya

 386 total views

Hinimok ng Kanyang Kabanalan Pope Leo XIV ang mga mananampalataya na ipanalangin ang mas epektibo at malikhaing paraan ng pagpapahayag ng Ebanghelyo sa mga lungsod na madalas nakararanas ng pag-iisa at pagkawala ng tunay na ugnayan ng tao sa kapwa.

Ito ang inilaang Prayer Intention ng Santo Papa para sa buwan ng Agosto, kung saan binigyang-diin ni Pope Leo XIV ang pangangailangang makahanap ng mga bagong pamamaraan upang maipahayag ang Mabuting Balita at makabuo ng mga pamayanang nagkakaisa sa pananampalataya.

“Let us pray that in large cities often marked by anonymity and loneliness we find new ways to proclaim the Gospel, discovering creative paths to build community,” Ayon sa panalangin ni Pope Leo XIV.

Sa pagharap ng maraming lungsod sa mga hamon ng mabilis na urbanisasyon, pag-iisa, at pagkakawatak-watak ng mga komunidad, hinimok ng Santo Papa ang Simbahan na maging malikhain sa pag-abot sa mga taong nangangailangan ng pag-asa, pagmamahal, at malasakit.

Kaakibat ng panalanging ito ang panawagan sa mga Kristiyano na maging mga buhay na saksi ni Kristo sa kanilang mga tahanan, pamayanan, paaralan, at lugar ng trabaho upang higit na maranasan ng bawat isa ang diwa ng pagkakapatiran at pagkakaisa.

Una nang binigyang-diin ng Santo Papa na ang Simbahan ay tinatawagan na maging mas malapit sa mga tao at maghanap ng mga bagong paraan upang maipahayag ang Ebanghelyo sa nagbabagong panahon.

Bahagi rin ng panawagan ni Pope Leo XIV ang pagpapaalala na sa pamamagitan ng sama-samang panalangin, pakikipagkapwa, at malikhaing misyon ng ebanghelisasyon, mas maraming tao ang makakaranas ng pagmamahal ng Diyos at magiging bahagi ng isang buhay na pamayanang Kristiyano.

Mamamayang may integridad,malasakit at pananagutan tunay na sukatan ng maunlad na bansa-CEAP

 436 total views

Iginiit ng Catholic Educational Association of the Philippines (CEAP) na ang tunay na sukatan ng pag-unlad ng bansa ay hindi lamang nakikita sa mga naitayong imprastraktura o paglago ng ekonomiya kundi sa paghubog ng mga mamamayang may integridad, malasakit, at pananagutan.

Sa pahayag na may titulong “Seeing Our Nation Anew” bilang tugon sa State of the Nation Address (SONA) 2026 ni Pangulong Ferdinand Marcos Jr., sinabi ng CEAP na mahalagang tingnan ang kalagayan ng bansa batay sa kalidad ng mga institusyon at sa dignidad ng bawat mamamayan.

“The answer cannot rest on statistics alone. It is revealed in the moral quality of our institutions, the credibility of our public servants, the dignity afforded to the poor, the confidence of workers and families, and the hope entrusted to the young,” Bahagi ng pahayag ng CEAP.

Kinilala naman ng samahan ang mga hakbang ng pamahalaan sa pagsusulong ng pananagutan sa mga proyektong pampubliko, pangangalaga sa mga Overseas Filipino Workers, pagpapalakas ng seguridad sa pagkain, paghahanda sa kalamidad, at pagprotekta sa mga Pilipino laban sa epekto ng krisis sa ekonomiya.

Gayunpaman, binigyang-diin ng CEAP na higit sa mga imprastraktura at tagumpay sa ekonomiya, ang pinakamahalagang maiiwan ng anumang administrasyon ay ang uri ng kulturang sibiko at pagpapahalagang naipapasa nito sa mamamayan.
Dahil dito, nanawagan ang samahan sa Department of Education (DepEd), Commission on Higher Education (CHED), Technical Education and Skills Development Authority (TESDA), Kongreso, mga institusyong pang-edukasyon, pamilya, at iba pang katuwang na organisasyon na bigyang prayoridad ang pagpapanumbalik ng kalidad ng pagkatuto, paggalang sa dignidad ng mga guro, at paghubog ng mga mamamayang may kritikal na pag-iisip, malasakit, at responsableng pamumuno.

“Every administration ultimately leaves behind more than roads, railways, or economic gains. It leaves a civic culture. It shapes what a people learn to admire, tolerate, or reject. We therefore hope that the same clarity of purpose brought to infrastructure, governance, and economic recovery finds equal expression in the work of education… The country’s greatest investment remains the Filipino people.” Dagdag pa ng CEAP.

Bilang mga tagapagtaguyod ng edukasyong Katoliko, sinabi ng CEAP na ang kinabukasan ng bansa ay nahuhubog sa bawat pagkakataong naituturo ang katotohanan, nagigising ang budhi, at natututuhan ng kabataan na ang pagmamahal sa bayan ay ipinakikita sa paglilingkod at sakripisyo.

“The future of our country is formed long before it is governed. It is formed wherever truth is taught without compromise, where conscience is awakened, where solidarity overcomes indifference, and where young people discover that love of country is measured by sacrifice rather than personal ambition,” Ayon pa sa CEAP.

Paalala ng Simbahang Katolika na ang edukasyon ay isang mahalagang misyon sa paghubog ng tao at ng lipunan sapagkat sa pamamagitan ng edukasyong humuhubog sa budhi at pananagutan, nagiging posible ang pagtatayo ng isang lipunang may katarungan, kapayapaan, at kabutihang panlahat.