363,533 total reads
“A Filipino culture ruined by politics, of indifference, ideology, self-interest”.
Kapanalig, likas sa ating mga Pilipino ang kultura ng pakikipagkapwa o pakikitungo sa ating kapwa., ito ang malakas na core value nating Pilipino na nawasak na sa paglipas ng panahon.
Maniwala ka ba Kapanalig na ang kultura ng pakikipagkapwa ay napakahalagang salik sa hinahangad nating mga Pilipino na pagbabago sa pulitika., sa lumalalang kahirapan., sa tila naging kultura ng korapsyon., sa mga hamon sa ekonomiya., sa peace and order., sa hindi pagkasundo-sundo nating mga Pilipino.
Ang kulturang nawasak., nawala na., ay bubuhayin ng Philippine Conference on New Evangelization (PCNE) 2026 na nakasentro sa “SANGKAY: I have called you friends”.
Karaniwan, dinadaan natin sa rally., kilos-protesta., ginagamit nating mga Pilipino ang kalsada, kalye at sa modernong panahon ang social media sa ating hinaing., sa panawagan ng social change o pagbabago sa ating bansa.
Sinususugan ng PCNE na madalas na ginagamit nating mga Pilipino ang dahas sa dahas… plataporma sa plataporma, ideology sa ideology. Ang hindi natin nakikita., tayong mga Pilipino, ang ating pagkatao bilang Pilipino ay naka-ugat sa pakikipagkapwa. Malakas sa ating mga Pilipino ang kultura ng kapwa., nang kaibigan.
Naniniwala ang PCNE na ang tunay na pagbabago ay nagsisimula sa “conversion of relationships” o pagbabago ng pakikitungo sa kapwa. Ito ang simula., ito ang misyon ng PCNE 2026.
Kapanalig, kung nais nating mabago ang sistema at istraktura ng lipunan., kinakailangan munang mabago ang puso at pagtingin ng bawat isa sa kanilang kapwa., bilang kasama sa buhay at hindi bilang tao na maaring lamangan., pagsamantalahan at lokohin.
Kapag maisasabuhay ng mga pinuno ng bansa, kabataan., bawat Pilipino ang tunay na diwa ng pakikipagkapwa., unti-unting mababawasan hanggang sa mawala ang katiwalian at iba pang ugat ng kahirapan sa Pilipinas.
Bakit? dahil mananaig ang paggalang., pagmamalasakit ., at pagmamahal sa kapwa….
Malaki ang pag-asa ng mga bumubuo ng PCNE na matatamasa nating mga Pilipino ang pagbabago kung nabago na ang puso at pakikipagkapwa o pakikitungo sa kapwa.
Kapanalig, ang paggalang at pagmamalasakit sa kapwa ay pundasyon ng matuwid na pamamahala at makatarungang lipunan.
Kapanalig, ipinapaalala sa atin ng Romans 12:2 “Do not be conformed to this world, but be transformed by the renewal of your mind, that by testing you may discern what is the will of God, what is good and acceptable and perfect.”
Sumainyo ang Katotohanan.
