13,580 total views
Nagpahayag ng pakikiisa ang Diyosesis ng Daet sa nakatakdang White Ribbon Movement March sa ika-28 ng Hunyo, 2026 na layuning isulong ang katotohanan, pananagutan, katarungan, at mabuting pamamahala sa bansa.
Sa liham sirkular ni Daet Bishop Herman Abcede para sa mga Pari, relihiyoso, relihiyosa, at mga layko sa diyosesis ay hinikayat ng Obispo ang lahat na magsuot ng kulay putting damit o maglagay ng puting laso sa pagdalo at pakikibahagi sa pagdiriwang ng banal na misa sa Hunyo 28, 2026.
Nanawagan din si Bishop Abcede bawat pamilya, mga paaralan, establisyemento, at iba’t ibang mga institusyon na maglagay rin ng mga kulay puting laso sa labas ng mga tahanan, tanggapan, at mga gusali upang maipakita ang pakikiisa sa layunin ng pagkilos sa nasabing araw.
“In solidarity and support for the White Ribbon Movement March, I encourage everyone to wear white clothing when attending Mass. If this is not possible, you may wear or pin a white ribbon. I likewise invite families, schools, offices, businesses, and institutions to display white ribbons in their homes, cars, workplaces, buildings, churches, and parish offices, as a visible sign of our shared desire for integrity, transparency, and good governance.” Bahagi ng mensahe ni Bishop Abcede.
Ayon sa Obispo, ang pakikibahagi sa nakatakdang White Ribbon Movement March ay isang paraan ng pakikiisa sa pananawagan at pananalangin para sa mabuting pamamahala, pananagutan, at tunay na katarungan panlipunan sa bansa.
“This is a call and prayer for accountability, truth, justice and responsibility in our country.” Dagdag pa ni Bishop Abcede.
Paliwanag ng Obispo, mahalaga na tuwinang ialay sa Panginoon ang bawat panalangin, sakripisyo, pananampalataya at pag-asa sapagkat tanging sa Panginoon nagmumula ang tunay na kapayapaan, kasaganahan, at katarungan na hinahangad ng bawat isa.
