293 total views
Ito ang panawagan ng Arkidiyosesis ng Lingayen-Dagupan sa pamahalaan sa pagsasangkot sa mga obispo at pari sa kasong sedition kasama ang 35 pang mga indibidwal.
Sa opisyal na pahayag ng arkidiyosesis na binasa ni Lingayen, Dagupan Auxiliary Bishop Fidelis Layog, binigyang diin nito na ang mga Obispo at pari ay mga tagapagtaguyod ng katotohanan na nagsisiwalat lamang ng katotohanan sa pamamagitan ng pag-aaral at pagsusuri sa tunay na kalagayan ng lipunan sa Pilipinas.
Dagdag pa dito, ang paraan ng paghahayag ng mga pari at Obispo ay bahagi ng kanilang karapatan sa pamamahayag na naaayon sa konstitusyon ng Pilipinas.
“We are certain that these advocates of truth only engage with other people to create a richer discourse in analyzing and understanding the situation of the country—they were merely exercising their constitutional right to freedom of expression and association,” bahagi ng pahayag ng Arkidiyosesis ng Lingayen-Dagupan.
Patuloy na panawagan ng mga mananampalataya ang dismissal o pagbalewala sa kasong sedisyon sa mga kinatawan ng simbahan na sina Archbishop Socrates Villegas, Kalookan Bishop Pablo Virgilio David, Cubao Bishop Honesto Ongtioco, Novaliches Bishop-emeritus Teodoro Bacani, Fr. Albert Alejo, Fr. Robert Reyes, at Fr. Flaviano Villanueva.
“It is our faith in true democracy that we stand together in the belief that the sedition charges filed against our beloved Archbishop Soc and the other advocates of truth are unfounded and untrue and we hereby petition its dismissal.”
Nag-alay din ng misa ang Arkidiyosesis ng Lingayen Dagupan para kay Archbishop Villegas at sa iba pang pari at Obispong inakusahan ng sedisyon.
Read: 3-buwang pagpapatunog ng kampana, sinimulan ng Archdiocese of Lingayen-Dagupan
130 Lay Organizations, naninindigan para sa mga inuusig na lider ng Simbahan
Sa pagninilay ni Bishop Layog, hinimok nito ang mga mananampalataya na gumawa ng paraan upang mangibabaw ang katotohanan.
Ayon sa Obispo, hindi sapat na sabihin lamang na pumapanig tayo sa katotohanan at katarungan, bagkus kailangan aniya na tukuyin at isiwalat ang mga mali at ang pinagmumulan ng mga katiwalian at kawalang-katarungan.
“It is not enough to say that we are for truth; we must also say why it is wrong to lie and falsely accuse. It is not enough to speak of justice, but we must also question the source of injustice,” bahagi ng pahayag ni Bishop Layog.
Read: Mananaig ang Katotohanan-Archbishop Villegas
Pinagpala ang mga inuusig at maling pinaparatangan-Bishop Dimoc
Umaasa naman ang Obispo, na sa kabila ng mga maling paratang, at kasinungalingang ibinabato sa simbahan ay mananaig pa rin ang katotohanan.
“In this time of our history, it is not enough to do what is good – Hukayin ang katotohanan sapagkat tulad ng perlas, palagi itong magniningning! Ang kapayapaan ay dapat magningning! Ang Karapatan pang Tao ay dapat palaging magningning!” dagdag pa ni Bishop Layog
Libu-libong mga mananampalataya ang nakiisa sa banal na misa na sinundan ng prusisyon at candle-lighting sa paligid ng Cathedral of St. John the Evangelist sa Archdiocese of Lingayen, Dagupan.
Bukod sa mga pari, relihiyoso at relihiyosa, nakiisa din sa banal na misa si Bontoc-Lagawe Bishop Valentin Dimoc.
