486 total reads
Dalangin ng bagong Obispo ng Diocese of Kidapawan ang pagiging matatag, matapang at pagkakaroon ng kalakasan sa kanyang pagpapastol sa Diocese.
Inihayag ni Bishop Jose Collin Bagaforo na bilang bagong Obispo ng Diocese ng Kidapawan ay panalangin niya ang pagkakaroon ng katapangan na maipahayag ang salita ng Diyos.
Panalangin din niya ang pagkakaroon ng katatagan at kalakasan ng katawan upang mabuo ang sambayanan ng Kidapawan lalo para sa basic ecclesial community at inter-religious dialogue para sa mga Muslim, mga katutubo at mga Kristiyano sa Kidapawan.
“Panalangin, humingi po ako ng tulong for 3 virtues. I beg the Lord to grant me the grace of courage, fortitude and strength, tapang ng loob to courageously proclaim God. Gawing matatag, and strength lakas ng katawan at diwa upang sa ating paglalakbay makayanan ang maraming pagsubok,”panalangin ni Bishop Bagaforo.
Itinalaga ngayong araw(September 6, 2016) bilang bagong Obispo ng Kidapawan si Bishop Bagaforo.
Si Bishop Bagaforo ang ikaanim na Obispo ng Diocese na sumasakop sa may 29.3-porsiyento o 798-libong mga Katoliko sa Kidapawan.
