3,016 total views
Bagama’t naramdaman ang pagyanig, wala namang malubhang pinsala na tinamo sa Diocese of Kidapawan sa South Cotabato.
Ito ay kasunod ng 7.1-magnitude na lindol na natagpuan ang sentro sa bayan ng Jose Abad Santos, Davao Occidental.
Ayon kay Kidapawan Bishop Jose Colin Bagaforo, naitala sa intensity III ang naramdaman sa kabisera ng South Cotabato.
Ibinahagi naman ng Obispo na bagamat walang naitalang pinsala ay nagdulot naman ito ng pangamba sa mga residente.
“We are fine. No major damages. Of course, marami kinabahan… And were waiting na baka kasunod malakas. Wala naman. Many also went out of their houses. More than 1 minute din kasi. Yes, estimated ko 2 intensity,” ang bahagi ng pahayag ni Bishop Colin Bagaforo sa Radio Veritas.
Sa datos ng Philippine Institute of Volcanology and Seismology (Phivolcs), tectonic ang origin ng 7.1-magnitude na lindol na yumanig sa bayan ng Jose Abad Santos, Davao Occidental ganap na alas-8:23 Huwebes ng gabi na may lalim na 116-kilometro.
Umabot naman sa Intensity 5 ang pagyanig na naramdaman sa General Santos City.
Oktubre ng taong 2019 ng yanigin ng magkakasunod na malalakas na lindol ang rehiyon ng Mindanao na nagdulot na malawak na pinsala sa mga diyosesis ng Kidapawan, Marbel at Digos.
