Mandato na protektahan ang bansa, tiniyak ng Philippine Navy

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 29,364 total reads

Tiniyak ng Philippine Navy na magpapatuloy ang pagpapatupad ng mandato ng Armed Forces of the Philippines na protektahan ang teritoryo ng bansa, sa kabila ng anumang usapin sa pagitan ng Pilipinas at China kaugnay ng Ayungin Shoal.

Sa panayam sa Veritas Pilipinas, ipinaliwanag ni Philippine Navy spokesperson for West Philippine Sea Affairs Rear Admiral Roy Trinidad na hindi kailangan ng anumang pahintulot ng Sandatahang Lakas ng Pilipinas mula sa ibang bansa upang magsagawa ng patrol at iba pang operasyon sa sariling karagatan ng Pilipinas.

Ayon kay Trinidad, walang kinalaman sa anumang kasunduan ang mandato ng AFP na tiyakin ang seguridad at protektahan and soberenya ng bansa.

“Hindi po natin kailangan ng kahit anumang usapin for us to be able to perform our mandate of securing and protecting our territory. So bahala sila kung mayroon silang usapan doon; we don’t care about that, wala po kaming kinalaman diyan. Sa amin is we just keep performing our mandate. Hindi po natin kailangang magpaalam sa kahit sinumang foreign power to be able to patrol our seas.” Bahagi ng pahayag ni Trinidad sa Radyo Veritas.

Sinabi ni Trinidad na matagal nang ginagampanan ng AFP ang tungkuling protektahan ang teritoryo ng bansa, na nakabatay ito sa domestic at international law.

Binigyang-diin din ng opisyal na walang alam ang Philippine Navy sa anumang kasunduang maglilimita sa operasyon ng Pilipinas sa Ayungin Shoal.

“Walang agreement that would restrict our performance of our mandate in securing and protecting Second Thomas Shoal, ng Ayungin Shoal.” Dagdag pa ni Trinidad.

Samantala, sinabi ni Trinidad na ang mga insidenteng kinasasangkutan ng mga tauhan ng Pilipinas sa Ayungin Shoal ay nagpapakita ng mga hamong kinakaharap ng AFP sa pagpapatupad ng kanilang mandato.

Kabilang dito ang insidenteng may dalawang sundalong nasugatan, na ayon kay Trinidad ay resulta ng tinawag niyang “coercive and aggressive action” laban sa mga tauhang nagsasagawa ng kanilang tungkulin sa karagatang pagmamay-ari ng Pilipinas.

Gayunman, tiniyak ni Trinidad na nananatiling propesyonal ang mga tauhan ng AFP at sinusunod ang rules of engagement upang maiwasang lumala ang anumang insidente.

“It’s because of the professionalism of the members of the AFP na may mga rules of engagement tayong sinusunod na how to handle situations like this para hindi mag-further escalate.” Ani Trinidad.

Samantala, ipinaubaya naman ni Trinidad sa Department of Foreign Affairs ang pagbibigay-linaw sa anumang kasunduan o usaping diplomatiko sa pagitan ng Pilipinas at China, habang iginiit na magpapatuloy ang AFP sa tungkuling protektahan ang soberanya at teritoryo ng bansa sa pinag-aagawang West Philippine Sea.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 13,858 total reads

 13,858 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 99,263 total reads

 99,263 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 163,106 total reads

 163,106 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 251,580 total reads

 251,580 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 333,990 total reads

 333,990 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

Scroll to Top