309 total views
Hinimok ng Ecowaste Coalition ang mga kakandidato ngayong Barangay at Sangguniang Kabataan Elections na isama sa kanilang plataporma ang maayos na implementasyon ng Ecological Waste Management Act o RA 9003.
Iginiit ni Daniel Alejandre ng Ecowaste Coalition na bilang mga nagnanais na mamuno sa lokal na pamahalaan ay kinakailangang isa sa prayoridad ng mga ito ang pagpapanatili ng kalinisan ng kanilang komunidad.
“Panawagan natin sa mga kandidato na panatilihin at pataasin yung commitment sa RA 9003 o yung Ecological Solidwaste Management Act na mas tutukan pa kung papaano na yung mga waste o mga panapon na dapat hina-handle ng mga Barangay, mga biodegradable o compostable at yung mga recyclables,” pahayag ni Alejandre sa Radyo Veritas.
Samantala, nais rin ni Alejandre na pangunahan ng mga lokal na opisyal ang paglilinis sa kanilang mga posters at flyers na ipinamimigay sa pangangampanya.
Ayon kay Alejandre, manalo man o matalo ay tungkulin ng lahat ng kumandidato na linisin ang sarili nilang mga kalat.
Umaasa naman ang Parish Pastoral Council for Responsible Voting o PPCRV na sa pamamagitan ng kampanyang ito para sa kalikasan ay magmumula sa Barangay na itinuturing na pinakamaliit na yunit ng pamamahala sa bansa.
