310 total views
Nagpaabot ng pakikiisa at panalangin ang Malacañang sa naganap na pagsabog sa Chelsea, Manhattan kung saan 29-katao nasugatan.
Sa mensaheng ipinaabot ni Presidential Communications Secretary Martin Andanar, nagpahayag ito ng pakikiisa sa mga mamamayan ng New York partikular na sa mga Filipinong naninirahan at nagtatrabaho sa lugar.
Bukod dito, inihayag rin ng kalihim ang kasalukuyang pakikipag-ugnayan ng pamahalaan sa pagitan ng Philippine Consulate General sa New York upang matiyak ang kaligtasan ng mga Filipino sa Estados Unidos.
“We are deeply saddened by the New York explosion that left scores injured in Chelsea district. As authorities begin to investigate, the Philippine Consulate General in New York continues to monitor the situation closely.” pahayag ni Andanar.
Nanawagan rin si Andanar sa lahat ng mga Filipino na naninirahan sa ibayong dagat na manatiling kalmado ngunit maging vigilant o mapagbantay sa mga nagaganap sa kasalukuyan.
“We advise Filipinos living in the area to remain calm and vigilant as we wait for further developments.” Panawagan ni Secretary Andanar.
Kaugnay nga nito, batay sa tala ng 2010 US Census, tinatayang aabot sa 3.4 na milyon ang populasyon ng mga Filipino-American community sa Estados Unidos na itinuturing na Second Largest Asian-American Group sa buong United States.
Sa Social Doctrine of the Church, maraming mamamayan ng mahihirap na bansa ang nakikipagsapalaran sa ibayong dagat na kinakailangan palagiang ipagdasal para sa kanilang katatagan at kaligtasan kapalit ang katiyakang mabigyan ng maayos at magandang buhay ang kanilang mga naiwang mahal sa buhay sa bansa.
