361 total views
Ang mga refugee ang palatandaan sa pag-iral ng hindi pagkakapantay-pantay sa lipunan.
Sa pahayag ng Catholic Bishops Conference of the Philippines – Episcopal Commission on Migrants and Itinerant People, sinabi ng kumisyon na hindi malulutas ang suliranin ng mga refugees sa pagsasawalang kibo at pagsawalang bahala sa kanilang kalagayan.
“The plight of the Refugees cannot be solved by indifference. As a country of origin of millions of migrants, we know the hardships that accompany our people who leave home in search of a better life.” pahayag ng CBCP – ECMI.
Bilang isang bansa ng mga migrante, nanawagan ang kumisyon sa mananampalataya na magkaisang tumugon at tumanggap sa mga migrante at refugee.
“As a country of migrants, we are called, together with other nations, to reciprocate the welcome that our migrants have received in foreign lands.” dagdag nito.
Sinasabi sa pahayag na ang mga migrante at refugee ay palatandaan din ng suliraning pampulitika, ekonomiya at panlipunan na naghahati sa buong daigdig.
Batay sa tala ng Philippine Statistics Authority umaabot sa mahigit 2 milyon ang mga Overseas Filipino Workers sa mundo kung saan kabilang ito sa mga migranteng naghahanap ng magandang kinabukasan sa mga dayuhang bansa.
Sa mesahe ni Pope Francis sa World Day of Migrants and Refugees noong 2014 hinimok nito ang bawat isa na talikuran ang pag-uugaling pinaiiral ang takot at pagsasawalang bahala lalo’t higit sa mga nangangailangan.
Iginiit ni Pope Francis na pag-ibayuhin ang kultura ng pakikisalamuha kung saan magdudulot ng pagkakaisa sa lipunan at magpapatibay sa pagkakapatiran ng bawat mamamayan.
Noong nakalipas na ika-17 ng Hunyo, inilunsad ni Manila Archbishop Luis Antonio Cardinal Tagle ang Global Week of Action 2018 sa Minor Basilica of San Lorenzo Ruiz sa Binondo Manila.
Read: Global Week of Action 2018, inilunsad ni Cardinal Tagle
Cardinal Tagle Homily – Opening Activity Global Week of Action 2018
