9,058 total views
Binigyang pugay ni Military Ordinariate of the Philippines Bishop Oscar Jaime Florencio ang mga kawani ng iba’t ibang pwersa ng pamahalaan na patuloy na nagsusumikap na isakatuparan ang kanilang mandato sa kabila ng krisis na kinahaharap hindi lamang ng lipunan kundi ng daigdig.
Ito ang bahagi ng mensahe ng Obispo kaugnay sa patuloy na paggunita sa diwa ng Pasko ng Muling Pagkabuhay ng ating Panginoong Hesukristo.
Ayon kay Bishop Florencio, ang diwa ng Pasko ng Muling Pagkabuhay ay hindi lamang pagdiriwang kundi isang misyon na ipinagkakatiwala sa bawat mananampalataya, lalo na sa mga naglilingkod upang pangalagaan ang kapayapaan at kaayusan.
Kinilala rin ng Obispo ang sakripisyo at katapangan ng mga men and women in uniform sa gitna ng iba’t ibang hamon tulad ng kaguluhan at kawalan ng katiyakan sa lipunan.
“Amid the ongoing crises that confront our nation and the world; uncertainties, conflicts, and the burdens of duty- you stand as sentinels of peace and stability. Your vigilance in the face of danger, your discipline in times of uncertainty, and your courage under pressure reflect a deeper truth: that even in the darkest hours, God is at work through faithful servants.” Bahagi ng mensahe ni Bishop Florencio.
Nagbigay-pugay din ang Obispo sa mga pamilya ng mga kawani ng iba’t ibang pwersa ng pamahalaan na tahimik na sumusuporta at nakikibahagi sa kanilang misyon upang tiyakin ang kaayusan at kapayapaan sa bansa.
“To your families; with your silent strength and constant support, you share in this mission. Your sacrifices, prayers, and love sustain those in uniform as they carry out their noble calling.” Dagdag pa ni Bishop Florencio.
Paliwanag pa ni Bishop Florencio, hindi dapat na mawalan ng pag-asa ang sinuman sa kabila ng mga krisis at pagsubok sa buhay sapagkat ang Muling Pagkabuhay ni Kristo ay patunay ng tagumpay ng buhay laban sa kamatayan, pag-asa laban sa kawalan ng katiyakan, at liwanag laban sa anumang banta ng kadiliman.
“Easter reminds us that sacrifice is never in vain. Just as Christ remained steadfast in His mission despite suffering, so too are you called to remain firm in your duty, alert in your responsibilities, yet anchored in faith. Your service is not only a profession; it is a vocation that participates in God’s work of preserving life, justice, and peace.” Ayon pa kay Bishop Florencio.
Ipinapanalangin naman ni Bishop Florencio na patuloy na patatagin ng Muling Nabuhay na si Kristo ang pananampalataya ng lahat at gabayan ang kanilang paglilingkod para sa kapakanan ng bayan.
Hinimok din ng Obispo ang lahat na magpatuloy bilang mga saksi ng Muling Pagkabuhay ni Hesus na may matatag na pananampalataya, tapat sa tungkulin, at puspos ng pag-asa.
Saklaw ng Military Ordinariate of the Philippines ang pangangasiwa ng paggabay sa buhay espiritwal ng mga men and women in uniform mula sa Philippine National Police (PNP), Armed Forces of the Philippines (AFP), Philippine Coast Guard (PCG), Bureau of Fire Protection (BFP), Bureau of Jail Management & Penology (BJMP) at Veterans Memorial Medical Center (VMMC)
