30,526 total reads
Binigyang-diin ni University of Santo Tomas (UST) Secretary General Father Louie Coronel, O.P. na hindi kailanman mag-iisa ang mga bagong estudyante ng Unibersidad sa kanilang paglalakbay bilang Tomasino.
Ito ang mensahe ng Pari sa pagdaraos ngayong araw ng August 13 ng Thomasian Welcome Walk at ROARientation, na bahagi ng pagsisimula ng pag-aaral ng 12,554 freshmen sa UST ngayong araw.
Ayon kay Fr.Coronel, mananatiling kasama at gagabay ang komunidad ng UST sa mga bagong Tomasino bilang kanilang katuwang sa landas tungo sa synodality, o sama-samang paglalakbay kaya hinikayat din niya ang mga bagong estudyante na manatiling tapat, puno ng pag-asa at mapagmahal mula simula hanggang wakas.
“They will never walk alone. We’re always with them as their companion on the path to synodality. And, of course, they should remain faithful, hopeful, and loving—not only at the beginning, not only at the middle, but until the end. Kasi we need to share the light, and we cannot share the light if we ourselves do not have that light. And they will have that light through our studies, our contemplation of things, and, of course, yung ating service sa community. So, welcome sa ating mga freshmen. God bless them. So, actually, ang buhay ay sometimes may storm, sometimes mayroon pong rain. Pero we need to remain faithful, sabi ko kanina, dahil this is part of their initiation—itong ating Thomasian Welcome Walk,” ayon sa panayam ng Radyo Veritas kay Fr.Coronel.
Binigyang-diin din ni Fr.Coronel ang kahalagahan ng pagbabahagi ng liwanag sa kapwa, na makakamit sa pamamagitan ng pag-aaral, pagninilay at paglilingkod sa komunidad.
Ipinaliwanag naman niya na sumasalamin sa synodality ang Thomasian Welcome Walk dahil sa konsepto nitong “walking together” ba walang mauna at walang mahuli habang pinapaala na maaaring lumapit ang mga estudyante sa kanilang mga regent, dean at iba pang tanggapan ng Unibersidad sakaling makaranas sila ng anumang problema o hamon.
Inihalintulad ni Coronel ang buhay sa pagkakaroon ng mga bagyo at ulan, ngunit hinikayat niya ang mga freshmen na manatiling matatag at tapat sa kanilang paglalakbay bilang Thomasians.
“Yung Thomasian Welcome Walk, ‘di ba, yung walking together, walang mauna, walang mahuli, that is actually synodality. And we will be guiding them. Kung may mga problema sila, they could always go to their regents and deans and all the offices ng university. And all the best for them. The world is before them. God bless them,” bahagi pa ng panayam ng Radyo Veritas kay Fr.Coronel
Sa huli, ipinaalala ni Coronel sa mga bagong estudyante na nasa kanilang harapan ang mundo at hiniling ang kanilang tagumpay sa pagsisimula ng kanilang paglalakbay sa UST.
