277 total views
Nanawagan si Apostolic Vicariate of Puerto Princesa Bishop Socrates Mesiona sa mga mananampalataya na pairalin ang pagkakaisa at malasakit sa kapwa sa gitna ng umiiral na krisis na nararanasan sa iba’t ibang panig ng mundo.
Sa kanyang Lenten message, binigyang-diin ng Obispo na bagamat tila malayo ang bansa mula sa kaguluhan sa Gitnang Silangan, ramdam pa rin ang epekto nito sa buong mundo, kabilang ang Pilipinas.
Ayon kay Bishop Mesiona, ang pagkaantala ng produksyon at distribusyon ng langis at iba pang produktong petrolyo ay nagdudulot ng pagtaas ng presyo ng mga pangunahing bilihin at serbisyo, na lalong nagpapabigat sa buhay ng mga mahihirap na pamilyang Pilipino.
“While the conflict in the Middle East may seem distant, its effects reach us all, disrupting global solidarity and the common good. The interruption of oil and gas production and distribution has caused prices to double, triggering a cascade of economic pressures that touch ordinary lives everywhere. Travel costs have surged, and the prices of everyday goods—from food to fuel—have soared, exacerbating hardships for families already strained.” Bahagi ng pahayag ni Bishop Mesiona.
Iginiit naman ng Obispo na hindi na makatarungan na patuloy na hilingin sa mahihirap na patuloy pang maghigpit pa ng sinturon o magtiyaga sa kasalukuyang sitwasyon, sapagkat matagal ng nagsasakripisyo ang mga mahihirap na mamamayan sa gitna ng lumalalim na agwat at antas ng buhay ng mga mahihirap at mayaman.
“That is why we can no longer simply ask the poor to “tighten their belts,” for they have long endured maximum austerity amid deepening disparities between rich and poor.” Dagdag pa ni Bishop Mesiona.
Binigyang-diin din ni Bishop Mesiona na ang panahon ng Kuwaresma o ang 40 araw na paghahanda para sa paggunita sa pagpapakasakit, kamatayan, at muling pagkabuhay ni Hesukristo ay isang paanyaya sa pakikiisa at pagtutulungan, lalo na sa mga higit na nangangailangan sa lipunan.
Hinimok din ng Obispo ang mga mananampalataya na gawing pagkakataon ang panahong ito upang ipakita ang malasakit sa kapwa at pagtibayin ang diwa ng pagkakaisa sa gitna ng pagsubok.
“In fact, in this Season of Lent, when we are asked to make sacrifices, we don’t even need to make an extra effort. For every day, as we wake up in the morning to face the challenges of a new day, we are already confronted with it. In this moment of shared trial, solidarity calls us to sensitivity and mutual support, not exploitation. As one human family, bound by interdependence, we need to remind ourselves that we are our brothers’ and sisters’ keepers, wherever they may be. This is the best time to show our deep concern for one another.” Ayon pa kay Bishop Mesiona.
Samantala, nanawagan din si Bishop Mesiona sa lahat na sama-samang maglakbay bilang Simbahan ngayong Semana Santa nang may pag-asa, patungo sa tagumpay ng muling pagkabuhay ni Kristo sa Pasko ng Pagkabuhay.
