Panagutin naman natin sila

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 64,198 total reads

Mga Kapanalig, may mga kababayan tayong ang tingin sa impeachment trial para dinggin ang mga reklamo laban kay Vice President Sara Duterte ay pamumulitika lamang. Away lang daw ito ng mga maimpluwensyang angkan sa pulitika at kani-kanilang mga kakampi. Agawan lang daw ito ng kapangyarihan. Wala naman daw itong maidudulot na mabuti sa mga mamamayan. Mapapababa raw ba nito ang presyo ng mga bilihin? Gagaan ba ang gastos ng mga nasa ospital? Magiging magaan ba ang gastusin sa pag-aaral? Gaganda raw ba ang buhay ng mga Pilipino?

Malinaw na hindi masasagot ng impeachment trial ang mga isyung malapit sa sikmura, ‘ika nga. Pero sa pamamagitan ng pagpapanagot sa mga lingkod bayan, magkakaroon tayo ng isang pamahalaang matatag at mapagkakatiwalaan. Kung matatag at mapagkakatiwalaan ang ating gobyerno, makakikilos ito para makapaghatid ng mga serbisyong kailangan ng mga mamamayan.

Iyan ang nais iparating na mensahe ng grupong Stratbase Institute. Ang tinatawag na accountability ay pundasyon daw ng matatatag at mapagkakatiwalaang mga institusyon, katulad ng gobyerno. Ang accountability ay tumutukoy sa pagpapanagot sa mga nagpapatakbo ng ating pamahalaan. Itinatanong dito: tapat ba sila sa kanilang tungkulin? Malinis ba ang kanilang pamamahala? Maayos ba nilang ginagasta ang pera ng bayang ipinagkakatiwala sa kanila? 

Pagbibigay-diin pa ng Stratbase Institute, “The strength of our institutions is measured not by the authority, but by how openly and honestly authorities can be questioned, corrected, and held accountable for their actions.” Hindi nasusukat ang katatagan ng ating mga institusyon sa lakas o kapangyarihan ng mga nakaupo. Nasusukat ito sa kabukasan at katapatan ng mga may tangan ng kapangyarihang nagmula sa taumbayan. Dapat bukás sila sa mga tanong, bukás na ituwid, at bukás na managot para sa kanilang aksyon, lalo na kung labag ito sa batas.

Hiráp tayong mga Pilipinong maunawaan ang mga bagay na ito. Nasanay—o sinanay—kasi tayo sa pamumunong nakasentro sa mga lider. Akala natin, dapat silang katakutan, dapat sundin, at hindi kinukuwestyon. Tagatanggap lang tayo ng kung anong ibibigay nila, at kitang-kita iyan sa hindi natin pagbusisi sa napakarami nang ayudang ipinamumudmod sa mga tao. Para sa marami sa atin, may silbi lamang ang gobyerno kung may natatanggap tayo sa kanila, kahit gaano kaliit o kahit kulang pa ito. Sinasabihan nga tayong magpasalamat na lang. Mas mabuting may natatanggap kaysa wala. Mas mabuting may pera o trabahong tatagal lang ng ilang araw kahit pa wala tayong malinis na tubig, murang kuryente, ligtas na mga kalsada, at kumpletong pasilidad sa mga pampubling paaralan at ospital. Okay lang na may ayuda kahit nagnanakaw ang ating mga lider. Mali ang mga ito, mga Kapanalig.

Hindi man natin maiiwasang sumentro sa mga personalidad ang isasagawang impeachment trial, subukan pa rin natin—lalo na ng mga mambabatas na tatayong mga miyembro ng impeachment court—na suriin, kilatisin, at timbanging mabuti ang mga ebidensya. Ito naman ang punto ng impeachment trial—ang ilatag ang mga ebidensya laban sa isang lider at bigyan siya ng pagkakataong magpaliwanag. Kung walang impeachment trial, para na ring aprub sa atin ang gobyernong may itinatago sa taumbayan. Kahit sa mga panlipunang turo ng Simbahan, gaya ng Pacem in Terris, ipinaliliwanag na ang kapangyarihan ng mga nasa gobyerno ay dapat ginagamit para pagsilbihan ang kabutihang panlahat, hindi ang interes ng isa o iilang tao. Salungat dito ang pagtatago sa mga baluktot na gawain ng ating mga lider.

Mga Kapanalig, sa pagsisimula ng impeachment trial kay VP Sara, ipagdasal nating lumabas ang katotohanan—ang katotohanang magpapalaya sa atin, pangaral nga sa Juan 8:32. Sa impeachment trial, maramdaman sana ng ating mga lider na binabantayan at pinananagot natin sila. 

Sumainyo ang katotohanan.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 111,725 total reads

 111,725 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 197,109 total reads

 197,109 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 260,946 total reads

 260,946 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 341,322 total reads

 341,322 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 419,009 total reads

 419,009 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

Special treatment?

 111,726 total reads

 111,726 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 197,110 total reads

 197,110 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 260,947 total reads

 260,947 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 341,323 total reads

 341,323 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »
Scroll to Top